ਮੁੰਬਈ(ਬਿਊਰੋ)- ਲੜਾਈ-ਝਗੜੇ ਅਤੇ ਜ਼ਬਰਦਸਤ ਐਂਟਰਟੇਨਮੈਂਟ ਨਾਲ ਭਰੇ ਰਿਐਲਿਟੀ ਸ਼ੋਅ ਬਿੱਗ ਬੌਸ ਦਾ 13ਵਾਂ ਸੀਜਨ ਵੀ ਕੁਝ ਘੱਟ ਨਹੀਂ ਹੈ। ਇਸ ਸੀਜਨ ਵਿਚ ਦੋਸਤੀ, ਦੁਸ਼ਮਣੀ, ਪਿਆਰ, ਤਕਰਾਰ ਅਤੇ ਹੱਥੋਪਾਈ ਸਭ ਕੁਝ ਦੇਖਣ ਨੂੰ ਮਿਲ ਚੁੱਕਿਆ ਹੈ। ਉਥੇ ਹੀ ਹੁਣ ਜਦੋਂ ਫਿਨਾਲੇ ਕਰੀਬ ਹੈ ਤਾਂ ਇਹ ਧਮਾਕੇਦਾਰ ਐਂਟਰਟੇਨਮੈਂਟ ਦਾ ਸਿਲਸਿਲਾ ਹੋਰ ਵੀ ਤੇਜ਼ ਹੋ ਚੁੱਕਿਆ ਹੈ। ‘ਬਿੱਗ ਬੌਸ 13’ ਦੇ ਲੇਟੈਸਟ ਐਪੀਸੋਡ ਵਿਚ ਵੀ ਖੂਬ ਲੜਾਈ ਦੇਖਣ ਨੂੰ ਮਿਲੀ। ਉਥੇ ਹੀ ਅੱਜ ਆਉਣ ਵਾਲੇ ਐਪੀਸੋਡ ਵਿਚ ਘਰ ਦੇ ਕੈਪਟਨ ਦਾ ਐਲਾਨ ਹੋਵੇਗਾ। ਇਸ ਕੈਪਟੈਂਸੀ ਲਈ ਘਰ ਦੇ ਸਾਰੇ ਮੁਕਾਬਲੇਬਾਜ਼ ਆਪਸ ਵਿਚ ਲੜਦੇ ਜਾ ਰਹੇ ਹਨ। ਅਜਿਹੇ ਵਿਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਘਰ ਦਾ ਕੈਪਟਨ ਅਖੀਰ ਕੌਣ ਬਣੇਗਾ।
ਘਰ ਦਾ ਕੈਪਟਨ ਚੁਣਨ ਲਈ ਬਿੱਗ ਬੌਸ ਨੇ ਘਰ ਵਾਲਿਆਂ ਨੂੰ ਸ਼ਹਿਨਾਜ਼ ਦੇ ਵਿਆਹ ਵਾਲਾ ਟਾਸਕ ਦਿੱਤਾ ਸੀ। ਇਸ ਟਾਸਕ ਤੋਂ ਬਾਅਦ ਵੀ ਕੌਣ ਕੈਪਟਨ ਬਣੇਗਾ ਇਹ ਤੈਅ ਨਹੀਂ ਹੋ ਪਾਇਆ। ਬਿੱਗ ਬੌਸ ਦੇ ਘਰ ਵਿਚ ਕਈ ਗਰੁੱਪ ਬਣੇ ਹੋਏ ਹਨ, ਕੈਪਟਨ ਬਣਨ ਲਈ ਸਾਰੇ ਗਰੁੱਪਾਂ ਵਿਚ ਜ਼ਬਰਦਸਤ ਬਵਾਲ ਹੋ ਗਿਆ ਹੈ। ਜਿੱਥੇ ਇਕ ਪਾਸੇ ਭਾਊ ਨੂੰ ਕੈਪਟਨ ਬਣਨਾ ਹੈ, ਉਥੇ ਹੀ ਦੂਜੇ ਪਾਸੇ ਸ਼ਹਿਨਾਜ਼, ਸ਼ੇਫਾਲੀ ਤੋਂ ਲੈ ਕੇ ਪਾਰਸ, ਵਿਕਾਸ ਅਤੇ ਸਿਧਾਰਥ ਵੀ ਕੈਪਟਨ ਬਣਨ ਦੀ ਮੰਗ ਕਰ ਰਹੇ ਹਨ। ਇਹੀ ਕਾਰਨ ਹੈ ਕਿ ਘਰ ਦੇ ਕੈਪਟਨ ਨੂੰ ਲੈ ਕੇ ਕਿਸੇ ਵੀ ਗਰੁੱਪ ਵਿਚ ਆਪਸੀ ਸਹਿਮਤੀ ਨਹੀਂ ਹੋ ਪਾ ਰਹੀ ਹੈ। ਉਥੇ ਹੀ ਘਰ ਵਿਚ ਇਕ ਹੋਰ ਜ਼ਬਰਦਸਤ ਯੁੱਦ ਦੇਖਣ ਨੂੰ ਮਿਲ ਰਿਹਾ ਹੈ, ਉਹ ਹੈ ਸਿਧਾਰਥ ਅਤੇ ਆਸਿਮ ਰਿਆਜ ਦੀ ਲੜਾਈ। ਕਦੇ ਪੱਕੇ ਦੋਸਤ ਰਹੇ ਆਸਿਮ-ਸਿਧਾਰਥ ਅੱਜ ਹਰ ਗੱਲ ’ਤੇ ਲੜ ਪੈਂਦੇ ਹਨ। ਉਥੇ ਹੀ ਹੁਣ ਘਰ ਵਾਲੇ ਦੋਸ਼ ਲਗਾ ਰਹੇ ਹਨ ਇਸ ਲੜਾਈ ਪਿੱਛੇ ਸ਼ੈਫਾਲੀ ਹੈ। ਉਨ੍ਹਾਂ ਨੇ ਹੀ ਇਸ ਲੜਾਈ ਦਾ ਫਾਇਦਾ ਵੀ ਚੁੱਕਿਆ ਹੈ। ਸ਼ੈਫਾਲੀ ’ਤੇ ਦੋਸ਼ ਲੱਗ ਰਹੇ ਹਨ ਕਿ ਉਨ੍ਹਾਂ ਨੇ ਦੋਵਾਂ ਵਿਚਕਾਰ ਅੱਗ ਲਗਾਉਣ ਦਾ ਕੰਮ ਕੀਤਾ ਹੈ। ਇਸ ਦੋਸ਼ ਨਾਲ ਸ਼ੈਫਾਲੀ ਬੁਰੀ ਤਰ੍ਹਾਂ ਨਾਰਾਜ਼ ਦਿਸੀ, ਉਥੇ ਹੀ ਸ਼ੈਫਾਲੀ ਦੇ ਫੈਨਜ਼ ਨੇ ਉਨ੍ਹਾਂ ਨੂੰ ਮਾਸਟਰ ਮਾਇੰਡ ਦਾ ਖਿਤਾਬ ਵੀ ਦੇ ਦਿੱਤਾ।
ਇਸ ਦੇ ਨਾਲ ਹੀ ਵਿਕਾਸ ਵੀ ਕਾਫੀ ਗੁੱਸੇ ਵਿਚ ਨਜ਼ਰ ਆਏ। ਵਿਕਾਸ ਦੇਬੋਲੀਨਾ ਅਤੇ ਰਸ਼ਮੀ ਤੋਂ ਨਾਰਾਜ਼ ਦਿਸੇ ਅਤੇ ਉਨ੍ਹਾਂ ਨੇ ਦੋਵਾਂ ਦੀ ਹੀ ਕਾਫੀ ਕਲਾਸ ਲਗਾ ਦਿੱਤੀ। ਵਿਕਾਸ ਨੇ ਇੱਥੇ ਤੱਕ ਕਹਿ ਦਿੱਤਾ ਕਿ ਉਹ ਇਨ੍ਹਾਂ ਦੋਵਾਂ ਨੂੰ ਬਾਹਰ ਕੱਢ ਕੇ ਹੀ ਦਮ ਲੈਣਗੇ। ਦੇਬੋਲੀਨਾ, ਵਿਕਾਸ ਨਾਲ ਲੜਾਈ ਕਰਕੇ ਬੁਰੀ ਤਰ੍ਹਾਂ ਰੋ ਪਈ। ਉਥੇ ਹੀ ਅੱਜ ਆਉਣ ਵਾਲੇ ਐਪੀਸੋਡ ਵਿਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਘਰ ਦਾ ਕੈਪਟਨ ਕੌਣ ਬਣੇਗਾ।