ਮੁੰਬਈ(ਬਿਊਰੋ)- ‘ਬਿੱਗ ਬੌਸ 13’ ਦੇ ਮਜ਼ਬੂਤ ਦਾਅਵੇਦਾਰ ਮੰਨੇ ਜਾ ਰਹੇ ਸਿਧਾਰਥ ਸ਼ੁਕਲਾ ਦੀ ਤਬੀਅਤ ਖਰਾਬ ਹੋਣ ਤੋਂ ਬਾਅਦ ਫੈਨਜ਼ ਲਗਾਤਾਰ ਉਨ੍ਹਾਂ ਲਈ ਦੁਆਵਾਂ ਮੰਗ ਰਹੇ ਹਨ। ਪਹਿਲਾਂ ਸਿਧਾਰਥ ਸ਼ੁਕਲਾ ਨੂੰ ਮੁੱਖ ਘਰ ਤੋਂ ਸੀਕਰੇਟ ਰੂਮ ਲੈ ਲਿਜਾਇਆ ਗਿਆ, ਜਿੱਥੇ ਉਨ੍ਹਾਂ ਲਈ ਖਾਣ ਤੋਂ ਲੈ ਕੇ ਬਾਕੀ ਮੈਡੀਕਲ ਸਹੂਲਤਾਂ ਦੀ ਵਿਵਸਥਾ ਕੀਤੀ ਗਈ ਸੀ। ਇਸ ਦੇ ਬਾਵਜੂਦ ਜਦੋਂ ਸਿਧਾਰਥ ਦੀ ਹਾਲਤ ਵਿਚ ਕੋਈ ਸੁਧਾਰ ਨਾ ਹੋਇਆ ਤਾਂ ਉਨ੍ਹਾਂ ਨੂੰ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ। ਵੀਕੈਂਡ ਦਾ ਵਾਰ ਵਿਚ ਸਲਮਾਨ ਖਾਨ ਨੇ ਸਿਧਾਰਥ ਦੇ ਫੈਨਜ਼ ਨੂੰ ਵੱਡਾ ਤੋਹਫਾ ਦਿੱਤਾ ਅਤੇ ਸਿਧਾਰਥ ਨਾਲ ਵੀਡੀਓ ਕਾਲ ਰਾਹੀਂ ਗੱਲ ਕੀਤੀ। ਇਸ ਦੌਰਾਨ ਸਿਧਾਰਥ ਹਸਪਤਾਲ ਦੇ ਬੈੱਡ ’ਤੇ ਹੀ ਲੇਟੇ ਸਨ। ਦਰਅਸਲ ਬੀਤੀ 12 ਦਸੰਬਰ ਨੂੰ ਸਿਧਾਰਥ ਦਾ ਜਨਮਦਿਨ ਸੀ ਅਜਿਹੇ ਵਿਚ ਸਲਮਾਨ ਨੇ ਉਨ੍ਹਾਂ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ ਅਤੇ ਉਨ੍ਹਾਂ ਦਾ ਹਾਲ ਚਾਲ ਪੁੱਛਿਆ। ਸਿਧਾਰਥ ਨੇ ਦੱਸਿਆ ਕਿ ਉਨ੍ਹਾਂ ਦੀ ਹਾਲਤ ਵਿਚ ਤੇਜ਼ੀ ਨਾਲ ਸੁਧਾਰ ਹੋ ਰਿਹਾ ਹੈ ਅਤੇ ਜਲਦ ਹੀ ਉਨ੍ਹਾਂ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲਣ ਦੀ ਉਮੀਦ ਹੈ। ਹਾਲਾਂਕਿ ਅਜਿਹੇ ਮੌਕੇ ’ਤੇ ਵੀ ਸਲਮਾਨ ਨੇ ਮਜ਼ਾਕ ਦਾ ਕੋਈ ਮੌਕਾ ਨਾ ਛੱਡਿਆ। ਸਲਮਾਨ ਸਿਧਾਰਥ ਨੂੰ ਕਹਿੰਦੇ ਹਨ ਕਿ ਬਿੱਗ ਬੌਸ ਦੇ ਘਰ ਵਿਚ ਕੋਈ ਵਿਆਹ ਕਰ ਲੈਂਦਾ ਹੈ ਕਿਸੇ ਦਾ ਕੁਨੈਕਸ਼ਨ ਬਣ ਜਾਂਦਾ ਹੈ। ਕਿਤੇ ਅਜਿਹਾ ਨਾ ਹੋਵੇ ਕਿ ਕੋਈ ਉੱਤੇ ਹੀ ਚਲਾ ਜਾਵੇ। ਇੰਨਾ ਕਹਿੰਦੇ ਹੀ ਸਲਮਾਨ ਹੱਸਣ ਲੱਗਦੇ ਹਨ। ਵੀਡੀਓ ਕਾਲ ਵਿਚ ਸਲਮਾਨ ਸਿਧਾਰਥ ਸ਼ੁਕਲਾ ਨੂੰ ਦੱਸਦੇ ਹਨ ਕਿ ਦਰਸ਼ਕਾਂ ਨੇ ਉਨ੍ਹਾਂ ਨੂੰ ਇਸ ਹਫਤੇ ਸੁਰੱਖਿਅਤ ਕਰ ਦਿੱਤਾ ਹੈ। ਸਲਮਾਨ ਨੇ ਸਿਧਾਰਥ ਨੂੰ ਫੈਨਜ਼ ਦੇ ਵੀਡੀਓ ਦਿਖਾਏ, ਜੋ ਉਨ੍ਹਾਂ ਦੇ ਜਲਦ ਵਾਪਲ ਆਉਣ ਦੀ ਪ੍ਰਾਥਨਾ ਕਰ ਰਹੇ ਹਨ। ਸੂਤਰਾਂ ਮੁਤਾਬਕ, ਫਿਲਹਾਲ ਸਿਧਾਰਥ ਸ਼ੁਕਲਾ ਹਸਪਤਾਲ ਤੋਂ ਬਾਹਰ ਆ ਗਏ ਹਨ। ਉਹ ਸੋਮਵਾਰ ਜਾਂ ਮੰਗਲਵਾਰ ਨੂੰ ਬਿੱਗ ਬੌਸ ਦੇ ਮੁੱਖ ਘਰ ਵਿਚ ਵਾਪਸ ਆ ਸਕਦੇ ਹਨ।