ਮੁੰਬਈ(ਬਿਊਰੋ)- ਬੀਤੇ ਦਿਨੀਂ ਬਿੱਗ ਬੌਸ ਘਰ ਵਿਚ ਸ਼ਹਿਨਾਜ਼ ਦਾ ਕਾਫੀ ਡਰਾਮਾ ਦੇਖਣ ਨੂੰ ਮਿਲਿਆ। ਜਿਸ ਕਾਰਨ ਸਲਮਾਨ ਸ਼ਹਿਨਾਜ਼ ’ਤੇ ਕਾਫੀ ਭੜਕੇ। ਦਰਅਸਲ ਮਾਹਿਰਾ ਕੋਲੋਂ ਸੜ੍ਹਣ ਦਾ ਟੈਗ ਮਿਲਣ ਤੋਂ ਬਾਅਦ ਸ਼ਹਿਨਾਜ਼ ਫੁੱਟ-ਫੁੱਟ ਕੇ ਰੋਣ ਲੱਗੀ। ਇਹ ਸਭ ਦੇਖ ਸਲਮਾਨ ਖਾਨ ਕਾਫੀ ਗੁੱਸੇ ਹੋ ਗਏ ਅਤੇ ਉਨ੍ਹਾਂ ਨੇ ਸ਼ਹਿਨਾਜ਼ ਦੀ ਕਾਫੀ ਕਲਾਸ ਲਗਾਈ। ਇਸ ਦੇ ਨਾਲ ਹੀ ਸ਼ਹਿਨਾਜ਼ ਨੇ ਘਰ ਦੇ ਬਾਹਰ ਜਾਣ ਦੀ ਜ਼ਿੱਦ ਵੀ ਕੀਤੀ। ਇਸ ਦੌਰਾਨ ਸਿਧਾਰਥ ਸ਼ੁਕਲਾ ਨੇ ਉਨ੍ਹਾਂ ਨੂੰ ਬਹੁਤ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਨਾ ਮੰਨੀ। ਉਥੇ ਹੀ ਸਲਮਾਨ ਨੇ ਸਿਧਾਰਥ ਨੂੰ ਸਮਝਾਇਆ ਕਿ ਉਹ ਸ਼ਹਿਨਾਜ਼ ਕੋਲੋਂ ਦੂਰ ਰਹਿਣ। ਸਲਮਾਨ ਖਾਨ ਨੇ ਸਿਧਾਰਥ ਨੂੰ ਸਮਝਾਉਂਦੇ ਹੋਏ ਕਿਹਾ,‘‘ਸ਼ਹਿਨਾਜ਼ ਤੁਹਾਡੇ ਪਿਆਰ ਵਿਚ ਪੈ ਗਈ ਹੈ, ਇਸ ਲਈ ਸਿਧਾਰਥ ਤੈਨੂੰ ਸੰਭਲ ਕੇ ਰਹਿਣ ਦੀ ਜ਼ਰੂਰਤ ਹੈ। ਘਰ ’ਚੋਂ ਬਾਹਰ ਆਉਣ ਤੋਂ ਬਾਅਦ ਉਸ ਦੇ ਲਈ ਬਹੁਤ ਮੁਸ਼ਕਲ ਹੋ ਜਾਵੇਗਾ। ਉਥੇ ਹੀ ਸਲਮਾਨ ਸਾਰੇ ਘਰਵਾਲਿਆਂ ਨੂੰ ਇਹ ਵੀ ਸਮਝਾਉਂਦੇ ਹਨ ਕਿ ਸ਼ਹਿਨਾਜ਼ ਨਾਲ ਇਸ ਬਾਰੇ ਵਿਚ ਕੋਈ ਕੁੱਝ ਨਹੀਂ ਬੋਲੇਗਾ।’’
ਹੁਣ ਸ਼ੋਅ ਦਾ ਨਵਾਂ ਪ੍ਰੋਮੋ ਸਾਹਮਣੇ ਆਇਆ ਹੈ। ਇਸ ਵਿਚ ਸ਼ਹਿਨਾਜ਼ ਇਕ ਵਾਰ ਫਿਰ ਸਿਧਾਰਥ ਨੂੰ ਮਨਾਉਣ ਦੀ ਕੋਸ਼ਿਸ਼ ਕਰਦੀ ਨਜ਼ਰ ਆ ਰਹੀ ਹੈ। ਉਹ ਵਾਰ-ਵਾਰ ਸਿਧਾਰਥ ਦੇ ਗਲੇ ਲੱਗਦੀ ਹੈ। ਸਨਾ ਦੇ ਬਹੁਤ ਮਨਾਉਣ ਤੋ ਬਾਅਦ ਸਿਧਾਰਥ ਵੀ ਉਨ੍ਹਾਂ ਨੂੰ ਗਲੇ ਲਗਾ ਲੈਂਦੇ ਹਨ। ਫਿਰ ਸ਼ਹਿਨਾਜ਼, ਸਿਧਾਰਥ ਨੂੰ ਕਹਿੰਦੀ ਹੈ,‘‘ਮੈਨੂੰ ਇਹ ਸ਼ੋਅ ਨਹੀਂ ਜਿੱਤਣਾ। ਮੈਨੂੰ ਤੈਨੂੰ ਜਿੱਤਣਾ ਹੈ। ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ। ਮੈਨੂੰ ਇੱਥੇ ਕਿਸੇ ਹੋਰ ਨਾਲ ਕੋਈ ਮਤਲੱਬ ਨਹੀਂ ਹੈ। ਇਸ ਵਿਚਕਾਰ ਸਿਧਾਰਥ, ਸ਼ਹਿਨਾਜ਼ ਦੀ ਗੱਲ ਦਾ ਕੋਈ ਜਵਾਬ ਨਹੀਂ ਦਿੰਦੇ ਹਨ। ਤੱਦ ਸ਼ਹਿਨਾਜ਼ ਕਹਿੰਦੀ ਹੈ ਕਿ ਤੂੰ ਵੀ ਮੇਰੇ ਤੋਂ ਆਈ ਲਵ ਯੂ ਟੂ ਬੋਲੋ।’’
ਅਜਿਹਾ ਲੱਗ ਰਿਹਾ ਹੈ ਕਿ ਸਲਮਾਨ ਦੀ ਕਹੀ ਹੋਈ ਗੱਲ ਬਿਲਕੁੱਲ ਠੀਕ ਹੈ। ਸ਼ਹਿਨਾਜ਼ ਸੱਚ ਵਿਚ ਸਿਧਾਰਥ ਦੇ ਪਿਆਰ ਵਿਚ ਪੈ ਗਈ ਹੈ। ਇਸ ਤੋਂ ਪਹਿਲਾਂ ਸ਼ਹਿਨਾਜ਼ ਹਮੇਸ਼ਾ ਕਹਿੰਦੀ ਨਜ਼ਰ ਆਈ ਹੈ ਕਿ ਉਹ ਪਾਰਸ ਨੂੰ ਪਿਆਰ ਕਰਦੀ ਹੈ ਪਰ ਜਦੋਂ ਪਾਰਸ ਕੋਲੋਂ ਸ਼ਹਿਨਾਜ਼ ਨੂੰ ਅਟੈਂਸ਼ਨ ਨਾ ਮਿਲੀ ਤਾਂ ਉਨ੍ਹਾਂ ਦੀ ਦੋਸਤੀ ਸਿਧਾਰਥ ਨਾਲ ਹੋ ਗਈ। ਹੁਣ ਸ਼ਹਿਨਾਜ਼, ਸਿਧਾਰਥ ਨੂੰ ਪਿਆਰ ਕਰ ਬੈਠੀ ਹੈ।