ਜਲੰਧਰ (ਬਿਊਰੋ) — ਸੁਪਰਸਟਾਰ ਸਲਮਾਨ ਖਾਨ ਦਾ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 13' ਖੂਬ ਸੁਰਖੀਆਂ ਬਟੋਰ ਰਿਹਾ ਹੈ। ਜਿੱਥੇ ਸ਼ਹਿਨਾਜ਼ ਕੌਰ ਗਿੱਲ ਨੇ ਪਹਿਲੇ ਦਿਨ ਸਲਮਾਨ ਖਾਨ ਨਾਲ ਫਲਰਟ ਕਰਕੇ ਖੂਬ ਸੁਰਖੀਆਂ ਬਟੋਰੀਆਂ ਉਥੇ ਹੀ ਹੁਣ ਉਹ ਪਾਰਸ ਛਾਬੜਾ ਲਈ ਵੀ ਕੁਝ ਨਾਲ ਫੀਲ ਕਰ ਰਹੀ ਹੈ। ਕੁਝ ਅਜਿਹਾ ਹੀ ਕਹਿਣਾ ਬਿੱਗ ਬੌਸ ਦੇ ਬਾਕੀ ਮੁਕਾਬਲੇਬਾਜ਼ ਦਾ ਹੈ।
ਦਰਅਸਲ ਬਿੱਗ ਬੌਸ ਦੇ ਘਰ ਵਾਲਿਆਂ ਨੇ ਪਾਰਸ ਛਾਬੜਾ ਨੂੰ ਸ਼ਹਿਨਾਜ਼ ਨਾਲ ਫਲਰਟ ਕਰਦੇ ਦੇਖਿਆ, ਜਿਸ ਤੋਂ ਉਨ੍ਹਾਂ ਨੇ ਇਸ ਮੁੱਦੇ ਨੂੰ ਵਧਾ ਚੜ੍ਹਾਅ ਕੇ ਦੱਸਿਆ। ਇਸ ਤੋਂ ਬਾਅਦ ਆਰਤੀ ਨੇ ਸ਼ਹਿਨਾਜ਼ ਨੂੰ ਪੁੱਛਿਆ ਕਿ ਤੁਹਾਡੇ ਦੋਵਾਂ 'ਚ ਕੁਝ ਹੈ, ਜਿਸ ਦਾ ਜਵਾਬ ਦਿੰਦੇ ਹੋਏ ਸ਼ਹਿਨਾਜ਼ ਨੇ ਕਿਹਾ, ਸਾਡੇ ਦੋਵਾਂ 'ਚ ਅਜਿਹਾ ਕੁਝ ਨਹੀਂ ਹੈ ਪਰ ਮੈਂ ਉਨ੍ਹਾਂ ਨਾਲ ਐਂਟਰਟੇਨ ਹੁੰਦੀ ਹਾਂ। ਸਾਡੇ 'ਚ ਪਿਆਰ ਵਰਗਾ ਕੁਝ ਵੀ ਨਹੀਂ ਹੈ। ਅਜਿਹਾ ਵੀ ਨਹੀਂ ਹੈ ਕਿ ਮੈਂ ਉਸ ਲਈ ਮਰੀ ਜਾ ਰਹੀ ਹਾਂ ਜਾਂ ਫਿਰ ਮੈਨੂੰ ਫੁੱਟਏਜ਼ ਚਾਹੀਦੀ ਹੈ, ਇਹ ਤਾਂ ਮੈਂ ਇਕੱਲੀ ਵੀ ਲੈ ਸਕਦੀ ਹਾਂ।
ਦੱਸ ਦਈਏ ਕਿ ਇਸ ਤੋਂ ਬਾਅਦ 'ਦਿਲ ਦੇਣ' ਦਾ ਟਾਸਕ ਸ਼ੁਰੂ ਹੁੰਦਾ ਹੈ, ਜਿਸ 'ਚ ਸਭ ਤੋਂ ਜ਼ਿਆਦਾ ਦਿਲ ਪਾਰਸ ਛਾਬੜਾ ਨੂੰ ਦਿੱਤੇ ਜਾਂਦੇ ਹਨ। ਉਥੇ ਹੀ ਸ਼ਹਿਨਾਜ਼ ਕੌਰ ਗਿੱਲ ਨੇ ਆਪਣਾ ਦਿਲ ਅੱਬੂ ਮਲਿਕ ਨੂੰ ਦਿੱਤਾ, ਜਿਸ ਦੀ ਵਜ੍ਹਾ ਉਸ ਦੱਸੀ ਕਿ 'ਸਾਰਿਆਂ ਨੇ ਪਾਰਸ ਨੂੰ ਹੀ ਦਿਲ ਦਿੱਤਾ, ਮੈਂ ਯੂਨੀਕ ਹਾਂ, ਇਸ ਲਈ ਮੈਂ ਕੁਝ ਵੱਖਰਾ ਹੀ ਕਰਾਂਗੀ, ਜਿਸ ਕਰਕੇ ਮੈਂ ਅੱਬੂ ਮਲਿਕ ਨੂੰ ਦਿਲ ਦੇਣਾ ਚਾਹੁੰਦੀ ਹਾਂ।'
ਦੱਸਣਯੋਗ ਹੈ ਕਿ ਸ਼ਹਿਨਾਜ਼ ਕੌਰ ਗਿੱਲ ਪਹਿਲੇ ਦਿਨ ਤੋਂ ਹੀ 'ਬਿੱਗ ਬੌਸ' ਦੇ ਘਰ 'ਚ ਆਪਣਾ ਦਬਦਬਾ ਕਾਇਮ ਕਰ ਚੁੱਕੀ ਹੈ। 'ਬਿੱਗ ਬੌਸ' 'ਚ ਉਸ ਦੀ ਓਵਰ ਐਕਟਿੰਗ ਉਸ ਨੂੰ ਹੋਰ ਵੀ ਅੱਗੇ ਲੈ ਕੇ ਜਾਵੇਗੀ।