ਮੁੰਬਈ(ਬਿਊਰੋ)— ਟੀ. ਵੀ. ਰਿਐਲਿਟੀ ਸ਼ੋਅ 'ਬਿੱਗ ਬੌਸ' ਦੇ ਘਰ 'ਚ ਹਮੇਸ਼ਾ ਕੁਝ ਨਾ ਕੁਝ ਦਿਲਚਸਪ ਚੱਲਦਾ ਹੀ ਰਹਿੰਦਾ ਹੈ। ਹਾਲ ਹੀ 'ਚ ਮੰਗਲਵਾਰ ਨੂੰ ਵਿਕਾਸ ਗੁਪਤਾ ਨੂੰ ਨਾਮੀਨੇਸ਼ਨ ਤੋਂ ਬਚਾਉਣ ਲਈ ਅਰਸ਼ੀ ਖਾਨ ਨੇ ਵੀ ਕੁਝ ਅਜਿਹਾ ਹੀ ਕੀਤਾ, ਜਿਸ 'ਤੇ ਘਰਵਾਲਿਆਂ ਨੂੰ ਕੁਝ ਦੇਰ ਤੱਕ ਤਾਂ ਵਿਸ਼ਵਾਸ ਹੀ ਨਹੀਂ ਹੋਇਆ।
ਅਸਲ 'ਚ ਸੋਮਵਾਰ ਤੋਂ ਬਿੱਗ ਬੌਸ ਦੇ ਘਰ 'ਚ ਚੱਲ ਰਹੀ ਨਾਮੀਨੇਸ਼ਨ ਦੀ ਪ੍ਰਕਿਰਿਆ ਮੰਗਲਵਾਰ ਨੂੰ ਵੀ ਜਾਰੀ ਸੀ ਤੇ ਮੰਗਲਵਾਰ ਨੂੰ ਜਦੋਂ ਵਿਕਾਸ ਦਾ ਨਾਮੀਨੇਟ ਹੋਣ ਦਾ ਨੰਬਰ ਆਇਆ ਤਾਂ ਬਿੱਗ ਬੌਸ ਨੇ ਉਨ੍ਹਾਂ ਨੂੰ ਕਿਹਾ ਕਿ ਜੇਕਰ ਅਰਸ਼ੀ ਆਪਣੀਆਂ ਸਾਰੀਆਂ ਨਾਈਟੀਆਂ ਹਮੇਸ਼ਾ ਲਈ ਬਿੱਗ ਬੌਸ ਨੂੰ ਦਿੰਦੀ ਹੈ ਤਾਂ ਉਹ ਨਾਮੀਨੇਸ਼ਨ ਤੋਂ ਬੱਚ ਸਕਦੇ ਹਨ।
ਵਿਕਾਸ ਨੇ ਜਿਵੇਂ ਹੀ ਇਸ ਕੁਰਬਾਣੀ ਲਈ ਅਰਸ਼ੀ ਨੂੰ ਕਿਹਾ ਤਾਂ ਪਹਿਲਾਂ ਤਾਂ ਉਹ ਥੋੜ੍ਹੀ ਦੇਰ ਲਈ ਰੁਕੀ ਤੇ ਉਸ ਤੋਂ ਬਾਅਦ ਹੱਸਦੇ ਹੋਏ ਇਸ ਸ਼ਰਤ ਨੂੰ ਪੂਰਾ ਕਰਨ ਲਈ ਮੰਨ ਗਈ। ਨਾਮੀਨੇਸ਼ਨ ਤੋਂ ਵਿਕਾਸ ਨੂੰ ਬਚਾਉਣ ਲਈ ਅਰਸ਼ੀ ਨੇ ਆਪਣੀਆਂ ਸਾਰੀਆਂ ਨਾਈਟੀਆਂ ਸਟੋਰ ਰੂਮ 'ਚ ਰੱਖ ਦਿੱਤੀਆਂ।