ਨਵੀਂ ਦਿੱਲੀ (ਬਿਊਰੋ) — ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 13' ਦੀ ਸਜ਼ਾ ਕਾਫੀ ਵੱਖਰੀ ਹੁੰਦੀ ਹੈ। ਉਹ ਕਦੋ ਕਿਸ ਨੂੰ ਕੀ ਸਜ਼ਾ ਦੇਣ, ਇਹ ਕੋਈ ਨਹੀਂ ਸੋਚ ਸਕਦਾ। ਹੁਣ ਹਾਲ ਹੀ 'ਚ 'ਬਿੱਗ ਬੌਸ' ਨੇ ਖੇਸਾਰੀ ਲਾਲ ਤੇ ਹਿਮਾਂਸ਼ੀ ਖੁਰਾਨਾ ਨੂੰ ਅਜਿਹੀ ਸਜ਼ਾ ਦਿੱਤੀ ਕਿ ਹਿਮਾਂਸ਼ੀ ਭਾਵੁਕ ਹੋ ਗਈ। ਦਰਅਸਲ, ਸ਼ੋਅ ਦਾ ਇਕ ਪ੍ਰੋਮੋ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਬਿੱਗ ਬੌਸ ਸਾਰੇ ਘਰਵਾਲਿਆਂ ਤੋਂ ਪੁੱਛਦੇ ਹਨ ਕਿ ਵਾਈਲਡ ਕਾਰਡ ਮੁਕਾਬਲੇਬਾਜ਼ ਅਤੇ ਵਾਪਸ ਘਰ 'ਚ ਆਏ ਮੁਕਾਬਲੇਬਾਜ਼ 'ਚੋਂ ਹੁਣ ਤੱਕ ਕਿਹੜੇ ਮੁਕਾਬਲੇਬਾਜ਼ ਸੁਸਤ ਹਨ, ਜਿਨ੍ਹਾਂ ਨੂੰ ਜਗਾਉਣ ਦੀ ਲੋੜ ਹੈ? ਸਾਰੇ ਘਰ ਵਾਲੇ ਖੇਸਾਰੀ ਲਾਲ ਤੇ ਹਿਮਾਂਸ਼ੀ ਦਾ ਨਾਂ ਲੈਂਦੇ ਹਨ। ਸਾਰਿਆਂ ਦਾ ਕਹਿਣਾ ਹੈ ਕਿ ਇਹ ਦੋਵੇਂ ਹਾਲੇ ਤੱਕ ਜ਼ਿਆਦਾ ਫੁਰਤੀ ਨਾਲ ਖੇਡਦੇ ਨਹੀਂ ਦਿਸੇ। ਘਰਵਾਲਿਆਂ ਦੀ ਇਹ ਗੱਲ ਸੁਣ ਕੇ ਦੋਵੇਂ ਹੈਰਾਨ ਹੋ ਗਏ। ਇਸ ਤੋਂ ਬਾਅਦ 'ਬਿੱਗ ਬੌਸ' ਆਖਦੇ ਹਨ ਕਿ ਹਿਮਾਂਸ਼ੀ ਤੇ ਖੇਸਾਰੀ ਨੂੰ ਹੁਣ ਜਾਗਣ ਦੀ ਲੋੜ ਹੈ। ਬਿੱਗ ਬੌਸ ਆਖਦੇ ਹਨ ਕਿ ਹੁਣ ਦੋਵਾਂ ਨੂੰ ਬਿੱਗ ਬੌਸ ਦੇ ਅਗਲੇ ਆਦੇਸ਼ ਤੱਕ ਜਾਗਣਾ ਹੋਵੇਗਾ ਤੇ ਬੈੱਡਰੂਮ ਦੇ ਬਾਹਰ ਦੋਵਾਂ ਨੂੰ ਪਹਿਰਾ ਦੇਣਾ ਹੋਵੇਗਾ।
ਦੱਸਣਯੋਗ ਹੈ ਕਿ ਬਿੱਗ ਬੌਸ ਦਾ ਇਹ ਆਦੇਸ਼ ਸੁਣ ਸਾਰੇ ਹੈਰਾਨ ਹੋ ਗਏ ਅਤੇ ਫਿਰ ਆਸਿਮ ਬਿੱਗ ਬੌਸ ਨੂੰ ਆਖਦਾ ਹੈ ਕਿ ਮੈਂ ਹਿਮਾਂਸ਼ੀ ਖੁਰਾਨਾ ਦੀ ਜਗ੍ਹਾ ਇਹ ਕੰਮ ਕਰਾਂਗਾ ਕਿਉਂਕਿ ਉਸ ਦੀ ਸਿਹਤ ਪਹਿਲਾਂ ਹੀ ਖਰਾਬ ਹੈ ਤੇ ਜੇਕਰ ਉਹ ਜਾਗਦੀ ਰਹੇਗੀ ਤਾਂ ਉਸ ਦੀ ਸਿਹਤ ਹੋਰ ਵੀ ਖਰਾਬ ਹੋ ਜਾਵੇਗੀ ਪਰ ਫਿਰ ਹਿਮਾਂਸ਼ੀ ਆਖਦੀ ਹੈ ਕਿ ਜੇਕਰ ਸਾਰਿਆਂ ਨੂੰ ਲੱਗਦਾ ਹੈ ਕਿ ਮੈਂ ਵੀਕ (ਕਮਜ਼ੋਰ) ਹਾਂ ਤਾਂ ਮੈਂ ਇਹ ਟਾਸਕ ਜ਼ਰੂਰ ਕਰਾਂਗੀ।