ਨਵੀਂ ਦਿੱਲੀ (ਬਿਊਰੋ) : ਸਿਧਾਰਥ ਸ਼ੁਕਲਾ ਤੇ ਆਸਿਮ ਰਿਆਜ਼ ਵਿਚਕਾਰ ਲੜਾਈਆਂ ਖਤਮ ਨਹੀਂ ਹੋ ਰਹੀਆਂ ਹਨ। ਹੁਣ ਤਾਂ ਦੋਵਾਂ ਨੇ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ। ਇਕ-ਦੂਜੇ ਨੂੰ ਚੰਗਾ-ਮਾੜਾ ਕਹਿ ਰਹੇ ਹਨ, ਧਮਕੀਆਂ ਦੇ ਰਹੇ ਹਨ। ਇਹ ਗੱਲ ਸਲਮਾਨ ਖਾਨ ਨੂੰ ਬਿਲਕੁਲ ਪਸੰਦ ਨਹੀਂ ਆ ਰਹੀ ਹੈ। ਬਿੱਗ ਬੌਸ ਦੇ 'ਵੀਕੈਂਡ ਕਾ ਵਾਰ' 'ਚ ਸਲਮਾਨ ਨੇ ਦੋਵਾਂ ਦੀ ਕਲਾਸ ਲਈ ਅਤੇ ਕਿਹਾ ਕਿ ਕਦੋਂ ਤੋਂ ਧਮਕੀਆਂ ਸੁਣ ਰਿਹਾ ਹਾਂ, 'ਬਾਹਰ ਮਿਲ', ਤਾਂ ਦੋਵੇਂ ਘਰ ਤੋਂ ਬਾਹਰ ਜਾਓ, ਤਸੱਲੀ ਨਾਲ ਇਕ-ਦੂਜੇ ਨੂੰ ਮਾਰੋ, ਜੇ ਸਹੀ ਸਲਾਮਤ ਹੋਵੇਗੇ ਤਾਂ ਘਰ ਵਾਪਸ ਆ ਜਾਈਓ।''
ਇਸ ਪ੍ਰੋਮੋ 'ਚ ਸਲਮਾਨ ਦੀ ਇਸ ਗੱਲ ਨਾਲ ਸਿਧਾਰਥ ਸ਼ੁਕਲਾ ਖੜ੍ਹੇ ਹੋ ਜਾਂਦੇ ਹਨ ਤੇ ਆਸਿਮ ਨੂੰ ਕਹਿੰਦੇ ਹਨ ਕਿ 'ਚੱਲੋ'। ਯਾਨੀ ਸਿਧਾਰਥ ਸ਼ੁਕਲਾ ਤਾਂ ਸਲਮਾਨ ਦੀ ਇਸ ਗੱਲ ਨੂੰ ਮੰਨਣ ਤੋਂ ਨਹੀਂ ਰੁਕੇ ਕਿ ਉਹ ਘਰ ਤੋਂ ਬਾਹਰ ਜਾ ਕੇ ਆਸਿਮ ਨੂੰ ਮਾਰਨਗੇ।
ਦੱਸ ਦੇਈਏ ਕਿ ਪਿਛਲੇ ਐਪੀਸੋਡ 'ਚ ਵੀ ਸਿਧਾਰਥ-ਆਸਿਮ ਦੀ ਲੜਾਈ ਹੋਈ ਸੀ ਅਤੇ ਦੋਵੇਂ ਘਰ ਤੋਂ ਬਾਹਰ ਮਿਲਣ ਦੀ ਗੱਲ ਕਹਿ ਕੇ ਇਕ-ਦੂਜੇ ਨੂੰ ਧਮਕਾ ਰਹੇ ਹਨ। ਲਗਾਤਾਰ ਹੋਣ ਵਾਲੀਆਂ ਲੜਾਈਆਂ ਨੂੰ ਦੇਖ ਕੇ ਲੱਗਦਾ ਹੈ ਕਿ ਹੁਣ ਸਲਮਾਨ ਥੱਕ ਗਏ ਹਨ।