ਮੁੰਬਈ(ਬਿਊਰੋ)— ਅਭਿਨੇਤਾ ਧਰਮਿੰਦਰ ਦੇ ਛੋਟੇ ਬੇਟੇ ਬੌਬੀ ਦਿਓਲ ਅੱਜ ਆਪਣਾ 51 ਵਾਂ ਬਰਥਡੇ ਸੈਲੀਬਰੇਟ ਕਰ ਰਹੇ ਹਨ। ਉਨ੍ਹਾਂ ਦਾ ਜਨਮ 27 ਜਨਵਰੀ, 1967 ਨੂੰ ਮੁੰਬਈ ਵਿਚ ਹੋਇਆ ਸੀ। ਹਾਲਾਂਕਿ ਬੌਬੀ ਆਪਣੇ ਪਿਤਾ ਦੀ ਤਰ੍ਹਾਂ ਆਪਣੀ ਬਾਲੀਵੁੱਡ 'ਚ ਪਹਿਚਾਣ ਬਣਾਉਣ ਵਿਚ ਸਫਲ ਨਾ ਹੋ ਸਕੇ। ਉਨ੍ਹਾਂ ਦੀ ਅਪਕਮਿੰਗ ਫਿਲਮ 'ਰੇਸ 3' ਹੈ।
ਅੱਜ ਅਸੀਂ ਤੁਹਾਨੂੰ ਬੌਬੀ ਦੀ ਪਤਨੀ ਤਾਨਿਆ ਦੇ ਬਾਰੇ ਦੱਸਣ ਜਾ ਰਹੇ ਹਾਂ। ਫਿਲਮੀ ਦੁਨੀਆ ਤੋਂ ਦੂਰ ਤਾਨਿਆ ਇਕ ਬਿਜ਼ਨਸ ਵੂਮੇਨ ਹੈ। ਬਾਵਜੂਦ ਇਸ ਦੇ ਉਹ ਆਪਣੀ ਖੂਬਸੂਰਤੀ ਨਾਲ ਚੰਗੀਆਂ-ਚੰਗੀਆਂ ਅਦਾਕਾਰਾ ਨੂੰ ਟੱਕਰ ਦਿੰਦੀ ਹੈ।
ਬੌਬੀ ਅਤੇ ਤਾਨਿਆ ਦੀ ਲਵ ਸਟੋਰੀ ਬਹੁਤ ਦਿਲਚਸਪ ਹੈ। ਬੌਬੀ ਆਪਣੇ ਕੁਝ ਦੋਸਤਾਂ ਨਾਲ ਬੈਠ ਕੇ ਇਕ ਰੈਸਟੋਰੈਂਟ ਵਿਚ ਚਾਹ ਪੀ ਰਹੇ ਸਨ। ਉਥੇ ਹੀ ਤਾਨਿਆ ਵੀ ਬੈਠੀ ਸੀ। ਬੌਬੀ ਨੂੰ ਪਹਿਲੀ ਨਜ਼ਰ ਵਿਚ ਤਾਨਿਆ ਨਾਲ ਪਿਆਰ ਹੋ ਗਿਆ। ਬਾਅਦ ਵਿਚ ਬੌਬੀ ਨੇ ਤੁਰੰਤ ਤਾਨਿਆ ਬਾਰੇ ਸਭ ਕੁਝ ਪਤਾ ਕੀਤਾ। ਦੋਵਾਂ ਵਿਚਕਾਰ ਗੱਲਬਾਤ ਸ਼ੁਰੂ ਹੋਈ ਅਤੇ ਮਿਲਣ ਦਾ ਫੈਸਲਾ ਕੀਤਾ। ਬੌਬੀ, ਤਾਨਿਆ ਨੂੰ ਲੈ ਕੇ ਉਸ ਹੀ ਰੈਸਟੋਰੈਂਟ 'ਚ ਗਏ ਜਿੱਥੇ ਪਹਿਲੀ ਵਾਰ ਉਨ੍ਹਾਂ ਨੇ ਤਾਨਿਆ ਨੂੰ ਦੇਖਿਆ ਸੀ। ਬੱਸ ਫਿਰ ਕੀ ਸੀ ਦੋਵਾਂ ਦੇ ਪਰਿਵਾਰ ਵਾਲਿਆਂ ਨੇ ਮੁਲਾਕਾਤ ਕੀਤੀ।
ਧਰਮਿੰਦਰ ਨੂੰ ਤਾਨਿਆ ਇੰਨੀ ਪਸੰਦ ਆਈ ਕਿ ਬੌਬੀ ਅਤੇ ਤਾਨਿਆ ਦੀ ਚੱਟ ਮੰਗਣੀ ਅਤੇ ਫੱਟ ਵਿਆਹ ਹੋ ਗਿਆ। ਤਾਨਿਆ ਅਤੇ ਬੌਬੀ ਦਾ ਵਿਆਹ 1996 'ਚ ਹੋਇਆ ਸੀ।
ਫਰਨੀਚਰ ਅਤੇ ਸਜਾਵਟ ਦਾ ਕਾਰੋਬਾਰ ਚਲਾ ਰਹੀ ਤਾਨਿਆ ਦਾ ' ਦ ਗੁੱਡ ਅਰਥ' ਨਾ ਦਾ ਸ਼ੋਰੂਮ ਹੈ। ਕਈ ਬਾਲੀਵੁੱਡ ਸੈਲੀਬ੍ਰੇਟੀ ਤਾਨਿਆ ਦੇ ਗਾਹਕ ਹਨ। ਤਾਨਿਆ ਦੇ ਪਿਤਾ ਦੇਵੇਂਦਰ ਆਹੂਜਾ 20th Century Finance Limited 'ਚ ਮੈਨੇਜਿੰਗ ਡਾਇਰੈਕਟਰ ਰਹਿ ਚੁੱਕੇ ਹਨ।