ਜਲੰਧਰ (ਵੈੱਬ ਡੈਸਕ) : ਬਾਲੀਵੁੱਡ ਅਦਾਕਾਰ ਇਰਫਾਨ ਖਾਨ ਦੀ ਮਾਂ ਸਾਇਦਾ ਬੇਗਮ ਦਾ ਦੇਹਾਂਤ ਹੋ ਗਿਆ ਹੈ। ਰਾਜਸਥਾਨ ਦੇ ਜੈਪੁਰ ਸਥਿਤ ਘਰ ਵਿਚ ਇਰਫਾਨ ਖਾਨ ਦੀ ਮਾਂ ਨੇ ਆਖਰੀ ਸਾਹ ਲਿਆ। ਸਾਇਦਾ ਬੇਗਮ ਦੀ ਉਮਰ 95 ਸਾਲ ਸੀ। ਟੋਂਕ ਦੇ ਨਵਾਬ ਖਾਨਦਾਨ ਨਾਲ ਸੰਬੰਧ ਰੱਖਣ ਵਾਲੀ ਸਾਇਦਾ ਬੇਗਮ ਦੀ ਸਿਹਤ ਪਿਛਲੇ ਕੁਝ ਦਿਨਾਂ ਤੋਂ ਠੀਕ ਨਹੀਂ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਦੁਨੀਆ ਨੂੰ ਅਲਵਿਦਾ ਕਹਿ ਗਏ।
ਦੱਸ ਦੇਈਏ ਕਿ ਇਰਫਾਨ ਖਾਨ ਦੇ ਮਾਤਾ-ਪਿਤਾ ਰਾਜਸਥਾਨ ਦੇ ਟੋਂਕ ਦੇ ਰਹਿਣ ਵਾਲੇ ਸਨ। ਉੱਥੇ ਹੀ ਇਰਫਾਨ ਖਾਨ ਦਾ ਵੀ ਬਚਪਨ ਟੋਂਕ ਵਿਚ ਬਿਤਾਇਆ ਹੈ। ਇਰਫ਼ਾਨ ਖਾਨ ਦੀ ਵੀ ਸਿਹਤ ਕੁਝ ਠੀਕ ਨਹੀਂ ਰਹਿੰਦੀ ਹੈ। ਸਾਲ 2017 ਵਿਚ ਅਦਾਕਾਰ ਕੈਂਸਰ ਦਾ ਇਲਾਜ ਕਰਾਉਣ ਵਿਦੇਸ਼ ਚੱਲੇ ਗਏ ਸਨ। ਉਥੋਂ ਵਿਦੇਸ਼ ਤੋਂ ਵਾਪਸ ਆਉਣ ਤੋਂ ਬਾਅਦ ਇਰਫਾਨ ਖਾਨ ਨੇ ਫਿਲਮ 'ਅੰਗਰੇਜ਼ੀ ਮੀਡੀਅਮ' ਦੀ ਸ਼ੂਟਿੰਗ ਕੀਤੀ ਸੀ। ਫਿਲਮ ਰਿਲੀਜ਼ ਹੋਣ ਤੋਂ ਬਾਅਦ ਵੀ ਅਭਿਨੇਤਾ ਨੇ ਸਹਿਤ ਠੀਕ ਨਾ ਹੋਣ ਸਾਰਿਆਂ ਤੋਂ ਦੂਰੀ ਬਣਾ ਕੇ ਰੱਖੀ ਹੋਈ ਹੈ।