ਜਲੰਧਰ (ਵੈੱਬ ਡੈਸਕ) - ਬਾਲੀਵੁੱਡ ਦੇ 'ਦਬੰਗ ਖਾਨ' ਸਲਮਾਨ ਖਾਨ ਬਾਰੇ ਕਈ ਕਿੱਸੇ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਹਾਲ ਹੀ ਵਿਚ ਉਨ੍ਹਾਂ ਨਾਲ ਜੁੜੀ ਇਕ ਹੋਰ ਗੱਲ ਸਾਹਮਣੇ ਆਈ ਹੈ ਅਤੇ ਇਹ ਗੱਲ ਉਨ੍ਹਾਂ ਦੇ ਬਚਪਨ ਨਾਲ ਸੰਬੰਧਤ ਹੈ। 'ਦਿ ਅਨਟੋਲਡ ਸਟੋਰੀ ਆਫ ਬਾਲੀਵੁੱਡ ਟਰਾਓ' ਨੇ ਇਕ ਕਿੱਸਾ ਸਾਂਝਾ ਕੀਤਾ ਹੈ। ਸਲਮਾਨ ਖਾਨ ਨਾਲ ਸੰਬੰਧਿਤ ਇਹ ਕਿੱਸਾ ਓਦੋ ਦਾ ਹੈ ਜਦੋਂ ਉਹ ਇੰਦੌਰ ਵਿਚ ਰਹਿੰਦੇ ਸਨ। ਇਕ ਵਾਰ ਦੀਵਾਲੀ ਦੌਰਾਨ ਸਲਮਾਨ ਖਾਨ ਪੂਰੇ ਮਸਤੀ ਦੇ ਮੂਡ ਵਿਚ ਸਨ। ਉਹ ਆਪਣੇ ਭੈਣ ਭਰਾਵਾਂ ਨਾਲ ਰਲ ਕੇ ਕੁਝ ਕਾਗਜ਼ਾਂ ਨੂੰ ਅੱਗ ਲਗਾ ਰਹੇ ਸਨ। ਇਸੇ ਦੌਰਾਨ ਕਾਗਜ਼ ਜਦੋਂ ਖ਼ਤਮ ਹੋ ਗਏ ਤਾਂ ਸਲਮਾਨ ਨੂੰ ਜਦੋਂ ਕੁਝ ਨਹੀਂ ਮਿਲਿਆ ਤਾਂ ਉਹ ਬੰਡਲਾ ਵਿਚ ਬੰਦ ਪੈਸੇ ਜੋ ਕਿ ਉਨ੍ਹਾਂ ਦੇ ਪਿਤਾ ਦੇ ਸਟਡੀ ਟੇਬਲ 'ਤੇ ਰੱਖੇ ਸਨ, ਨੂੰ ਵੀ ਅੱਗ ਲੈ ਦਿੱਤੀ ਸੀ। ਇਹ ਸਲਮਾਨ ਦੇ ਪਿਤਾ ਦੀ ਪੂਰੇ ਇਕ ਮਹੀਨੇ ਦੀ ਤਨਖਾਹ ਸੀ, ਜਿਸ ਨੂੰ ਦਬੰਗ ਖਾਨ ਨੇ ਕਾਗਜ ਸਮਝ ਕੇ ਅੱਗ ਲੈ ਦਿੱਤੀ ਸੀ।
ਜਦੋਂ ਉਨ੍ਹਾਂ ਦੇ ਪਿਤਾ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਨ੍ਹਾਂ ਦੇ ਪਿਤਾ ਸਲੀਮ ਖਾਨ ਨੇ ਡਾਂਟਿਆ ਨਹੀਂ ਸਗੋਂ ਪਿਆਰ ਨਾਲ ਪੈਸੇ ਦੀ ਅਹਿਮੀਅਤ ਸਮਝਾਈ। ਇਸਦਾ ਸਲਮਾਨ ਖਾਨ 'ਤੇ ਡੂੰਘਾ ਅਸਰ ਹੋਇਆ ਅਤੇ ਉਨ੍ਹਾਂ ਨੇ ਪਿਤਾ ਦੇ ਸਬਕ ਨੂੰ ਯਾਦ ਰੱਖਿਆ।
ਦੱਸਣਯੋਗ ਹੈ ਕਿ ਸਲਮਾਨ ਖਾਨ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿਚ ਉਨ੍ਹਾਂ ਨੇ ਆਪਣੇ ਡਰ ਦਾ ਕਾਰਨ ਵੀ ਦੱਸਿਆ ਹੈ। ਸਲਮਾਨ ਖਾਨ ਦੇਸ਼ ਵਿਚ ਫੈਲੀ 'ਕੋਰੋਨਾ ਵਾਇਰਸ' ਵਰਗੀ ਗੰਭੀਰ ਬਿਮਾਰੀ ਤੋਂ ਪ੍ਰੇਸ਼ਾਨ ਅਤੇ ਡਰੇ ਹਨ। ਸਾਂਝੀ ਕੀਤੀ ਵੀਡੀਓ ਵਿਚ ਸਲਮਾਨ ਖਾਨ ਆਪਣੇ ਭਤੀਜੇ ਨਾਲ ਨਜ਼ਰ ਆ ਰਹੇ ਹਨ ਅਤੇ ਇਸ ਵੀਡੀਓ ਵਿਚ ਉਹ ਬੋਲ ਰਹੇ ਹਨ ਕਿ, ''ਮੈਂ ਸਲਮਾਨ ਖਾਨ ਅਤੇ ਇਹ ਹੈ ਨਿਰਵਾਣ। ਅਸੀਂ ਇੱਥੇ ਆਏ ਸੀ ਅਤੇ ਕੁਝ ਦੀ ਤਕ ਇਥੇ ਹੀ ਰਹਾਂਗੇ। ਮੈਂ ਆਪਣੇ ਪਿਤਾ ਜੀ ਨੂੰ ਪਿਛਲੇ 3 ਹਫਤਿਆਂ ਤੋਂ ਨਹੀਂ ਮਿਲਿਆ ਅਤੇ ਨਾ ਹੀ ਦੇਖਿਆ ਹੈ। ਅਸੀਂ ਸਾਰੇ ਇੱਥੇ ਹਾਂ ਅਤੇ ਸਾਡੇ ਪਿਤਾ ਜੀ ਘਰ ਵਿਚ ਇਕੱਲੇ ਹੀ ਹਨ।''