ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਟਾਪ ਅਭਿਨੇਤਰੀਆਂ ਦੀ ਲਿਸਟ ਵਿੱਚ ਭਲੇ ਹੀ ਦੀਪਿਕਾ ਪਾਦੂਕੋਣ ਅਤੇ ਕੈਟਰੀਨਾ ਕੈਫ ਦਾ ਨਾਮ ਟਾਪ ਉੱਤੇ ਆਉਂਦਾ ਹੈ ਪਰ ਸਿਰਫ਼ 29 ਸਾਲ ਦੀ ੁਉਮਰ 'ਚ ਵਿਆਹ ਕਰਕੇ ਅਨੁਸ਼ਕਾ ਸ਼ਰਮਾ ਨੇ ਇਹ ਸਿੱਧ ਕਰ ਦਿੱਤਾ ਹੈ ਕਿ ਉਹ ਇਨ੍ਹਾਂ ਸਾਰੀਆਂ ਤੋਂ ਕਿਤੇ ਅੱਗੇ ਦਾ ਸੋਚਦੀ ਹੈ ਅਤੇ ਠੀਕ ਸਮੇਂ 'ਤੇ ਸੈਟਲ ਹੋਣਾ ਉਨ੍ਹਾਂ ਲਈ ਜ਼ਿਆਦਾ ਜ਼ਰੂਰੀ ਹੈ। ਉਂਝ ਇਸ ਸਾਲ ਵੀ ਕਈ ਵੱਡੀਆਂ ਅਭਿਨੇਤਰੀਆਂ ਵਿਆਹ ਦੇ ਬੰਧਨ ਵਿੱਚ ਬੱਝ ਸਕਦੀਆਂ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਇਹ ਸਾਰੀਆਂ ਅਭਿਨੇਤਰੀਆਂ 30 ਦੀ ਉਮਰ ਪਾਰ ਕਰ ਚੁੱਕੀਆਂ ਹਨ। ਇਨ੍ਹਾਂ ਦੇ ਨਾਂ ਹਨ —
ਸੋਨਮ ਕਪੂਰ
32 ਸਾਲਾ ਸੋਨਮ ਕਪੂਰ ਦੇ ਵਿਆਹ ਦੀਆਂ ਖਬਰਾਂ ਉਂਝ ਤਾਂ ਕਾਫ਼ੀ ਸਮੇਂ ਤੋਂ ਆ ਰਹੀਆਂ ਹਨ ਪਰ ਅਨੁਸ਼ਕਾ ਦਾ ਵਿਆਹ ਹੋਣ ਤੋਂ ਬਾਅਦ ਤਾਂ ਹੁਣ ਸੋਨਮ ਨੇ ਆਪਣੇ ਪ੍ਰੇਮੀ ਆਨੰਦ ਆਹੂਜਾ ਨਾਲ ਵਿਆਹ ਕਰਨ ਲਈ ਜੋਧਪੁਰ ਦੀ ਲੋਕੇਸ਼ਨ ਬੁੱਕ ਕਰ ਦਿੱਤੀ ਹੈ। ਮੀਡਿਆ ਰਿਪੋਰਟਸ ਮੁਤਾਬਿਕ ਆਨੰਦ ਫ਼ੈਸ਼ਨ ਬਰਾਂਡ ਦੇ ਮਾਲਿਕ ਹਨ, ਜੋ ਕਿ ਸੋਨਮ ਦੇ ਫੇਵਰੇਟ ਫ਼ੈਸ਼ਨ ਬਰਾਂਡਸ ਵਿੱਚੋਂ ਇੱਕ ਹੈ। ਹੁਣ ਕਿਉਂਕਿ ਸੋਨਮ ਆਪਣੇ ਕਰਿਅਰ ਵਿੱਚ ਵੀ ਕੁੱਝ ਖਾਸ ਕਮਾਲ ਨਹੀਂ ਵਿਖਾ ਪਾ ਰਹੀ ਹੈ ਤਾਂ ਮੰਨਿਆ ਜਾ ਸਕਦਾ ਹੈ ਕਿ ਵਿਆਹ ਕਰਕੇ ਉਹ ਆਪਣੇ ਫ਼ੈਸ਼ਨ ਬਰਾਂਡ ਨੂੰ ਅੱਗੇ ਵਧਾਵੇਗੀ।
ਸੋਨਾਕਸ਼ੀ ਸਿਨ੍ਹਾ
30 ਸਾਲਾ ਸੋਨਾਕਸ਼ੀ ਸਿਨ੍ਹਾ ਦਾ ਹਾਲ ਵੀ ਸੋਨਮ ਕਪੂਰ ਵਾਂਗ ਹੀ ਹੈ। ਉਨ੍ਹਾਂ ਦੀ ਪਿੱਛਲੀ ਰਿਲੀਜ਼ ਹੋਈ ਫਿਲਮ 'ਇੱਤੇਫਾਕ' ਬਾਕਸ ਆਫਿਸ ਉੱਤੇ ਕੋਈ ਖਾਸ ਕਮਾਲ ਨਹੀਂ ਵਿਖਾ ਪਾਈ ਸੀ ਅਤੇ ਉਨ੍ਹਾਂ ਦੇ ਕੋਲ ਕੋਈ ਵੱਡੇ ਬੈਨਰ ਦੀ ਫਿਲਮ ਵੀ ਨਹੀਂ ਹੈ ਤਾਂ ਹੋ ਸਕਦਾ ਹੈ ਕਿ ਉਹ ਵੀ ਆਪਣੇ ਲਾਂਗ ਟਾਇਮ ਬੁਆਏਫਰੈਂਡ ਬੰਟੀ ਸਚਦੇਵ ਦੇ ਨਾਲ ਵਿਆਹ ਕਰ ਲਵੇ। ਦੱਸ ਦੇਈਏ ਕਿ ਬੰਟੀ ਸਲਮਾਨ ਦੇ ਭਰੇ ਸੋਹੇਲ ਖਾਨ ਦੇ ਸਾਲੇ ਹਨ ਅਤੇ ਕਈ ਵੱਡੇ ਸੈਲੇਬਸ ਦੇ ਬਿਜਨੈੱਸ ਮੈਨੇਜਰ ਵੀ ਹਨ।
ਦੀਪਿਕਾ ਪਾਦੂਕੋਣ
31 ਸਾਲਾ ਦੀਪੀਕਾ ਪਾਦੂਕੋਣ ਦਾ ਕਰੀਅਰ ਉਂਝ ਤਾਂ ਬੁਲੰਦੀਆਂ ਛੂਹ ਰਿਹਾ ਹੈ ਪਰ ਹੋ ਸਕਦਾ ਹੈ ਕਿ ਉਹ ਵੀ ਅਨੁਸ਼ਕਾ ਵਾਂਗ ਠੀਕ ਟਾਇਮ ਉੱਤੇ ਸਹੀ ਫੈਸਲਾ ਲੈ ਲਵੇਂ ਅਤੇ ਕਥਿਤ ਪ੍ਰੇਮੀ ਰਣਵੀਰ ਸਿੰਘ ਨਾਲ ਸੀਕ੍ਰੇਟ ਵੈਡਿੰਗ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਸਰਪ੍ਰਾਇਜ ਦੇ ਦੇਵੇ। ਦੋਵੇਂ ਇਨ੍ਹੀਂ ਦਿਨੀਂ ਨਿਊ ਈਅਰ ਸੈਲੀਬ੍ਰੇਸ਼ਨ ਵਿੱਚ ਬਿਜ਼ੀ ਹਨ। ਹੋ ਸਕਦਾ ਹੈ ਕਿ ਉੱਥੋਂ ਪਰਤ ਕੇ ਹੀ ਇਹ ਜੋੜੀ ਕੋਈ ਕੋਈ ਧਮਾਕਾ ਕਰ ਦੇਣ।
ਕੈਟਰੀਨਾ ਕੈਫ
34 ਸਾਲਾ ਕੈਟਰੀਨਾ ਕੈਫ ਸਾਲ 2016 ਵਿੱਚ ਰਿਲੀਜ ਹੋਈ ਫਿਲਮ 'ਫਿਤੂਰ' 'ਚ ਐਕਟਰ ਆਦਿੱਤਿਆ ਰਾਏ ਕਪੂਰ ਨਾਲ ਨਜ਼ਰ ਆਈ ਸੀ। ਦੋਹਾਂ ਨੂੰ ਕਈ ਮੌਕੀਆਂ 'ਤੇ ਇੱਕਠੇ ਵੀ ਦੇਖਿਆ ਗਿਆ ਹੈ ਅਤੇ ਉਨ੍ਹਾਂ ਦੇ ਸੋਸ਼ਲ ਮੀਡਿਆ ਅਕਾਉਂਟ ਦੋਹਾਂ ਦੀਆਂ ਤਸਵੀਰਾਂ ਭਰੀਆਂ ਹੋਈਆਂ ਹਨ। ਖਾਸ ਗੱਲ ਇਹ ਹੈ ਕਿ ਆਦਿੱਤਿਆ ਕੈਟ ਦੇ ਸਾਬਕਾ ਪ੍ਰੇਮੀ ਰਣਬੀਰ ਕਪੂਰ ਦੇ ਚੰਗੇ ਦੋਸਤ ਹਨ।
ਸ਼ਰੂਤੀ ਹਾਸਨ
ਬ੍ਰਿਟੀਸ਼ ਥੀਏਟਰ ਆਰਟਿਸਟ ਮਾਇਕਲ ਕੋਰਸੇਲ ਨੂੰ ਡੇਟ ਕਰ ਰਹੀ ਸ਼ਰੂਤੀ ਹਾਸਨ ਦੇ ਵਿਆਹ ਦੀਆਂ ਖਬਰਾਂ ਵੀ ਲੰਬੇ ਸਮੇਂ ਤੋਂ ਸਾਹਮਣੇ ਆ ਰਹੀਆਂ ਹਨ। ਦੋਨਾਂ ਨੂੰ ਅਕਸਰ ਹੱਥਾਂ ਵਿੱਚ ਹੱਥ ਪਾਏ ਘੁੰਮਦੇ ਦੇਖਿਆ ਗਿਆ ਹੈ। ਹੋ ਸਕਦਾ ਹੈ ਇਹ ਜੋੜੀ ਵੀ ਜਲਦ ਹੀ ਆਪਣੇ ਵਿਆਂਹ ਦੀ ਖਬਰ ਸਭ ਨੂੰ ਦੇ ਦੇਵੇ।
