ਮੁੰਬਈ(ਬਿਊਰੋ)- ਬੀਤੇ ਦਿਨੀਂ ਪੂਰੇ ਦੇਸ਼ ‘ਚ ਕਰਵਾਚੌਥ ਦਾ ਤਿਉਹਾਰ ਮਨਾਇਆ ਗਿਆ। ਇਸ ਦੇ ਨਾਲ ਹੀ ਬਾਲੀਵੁੱਡ ਅਭਿਨੇਤਰੀਆਂ ਨੇ ਵੀ ਕਰਵਾਚੌਥ ਦੇ ਤਿਉਹਾਰ ਨੂੰ ਬਹੁਤ ਹੀ ਉਤਸ਼ਾਹ ਨਾਲ ਮਨਾਇਆ। ਉਨ੍ਹਾਂ ਨੇ ਵੀ ਆਪੋ ਆਪਣੇ ਪਤੀ ਦੀ ਲੰਬੀ ਉਮਰ ਲਈ ਵਰਤ ਰੱਖਿਆ ।ਬਾਲੀਵੁੱਡ ਅਭਿਨੇਤਰੀਆਂ ਇਸ ਮੌਕੇ ਖਾਸ ਤੌਰ ‘ਤੇ ਸੱਜੀਆਂ ਹੋਈਆਂ ਸਨ।
ਸ਼ਿਲਪਾ ਸ਼ੈੱਟੀ ਨੇ ਵੀ ਪਤੀ ਰਾਜ ਕੁੰਦਰਾ ਲਈ ਵਰਤ ਰੱਖਿਆ ਅਤੇ ਪੂਰੇ ਰੀਤੀ ਰਿਵਾਜ ਦੇ ਨਾਲ ਵਰਤ ਖੋਲਿਆ ।
ਪ੍ਰਿਅੰਕਾ ਚੋਪੜਾ ਨੇ ਵੀ ਕੈਲੀਫੋਰਨੀਆ ‘ਚ ਕਰਵਾਚੌਥ ਮਨਾਇਆ। ਇਸ ਦੌਰਾਨ ਪ੍ਰਿਅੰਕਾ ਚੋਪੜਾ ਮੱਥੇ ਤੇ ਸੰਧੂਰ ਲਗਾਈ ਦਿਖਾਈ ਦਿੱਤੀ। ਇਸ ਦੇ ਨਾਲ ਹੀ ਬਾਲੀਵੁੱਡ ਦੀ ਮਸਤ ਗਰਲ ਰਵੀਨਾ ਟੰਡਨ ਲਾਲ ਜੋੜੇ ‘ਚ ਦਿਖਾਈ ਦਿੱਤੀ।
ਅਨੁਸ਼ਕਾ ਸ਼ਰਮਾ ਨੇ ਵੀ ਵਿਰਾਟ ਕੋਹਲੀ ਲਈ ਵਰਤ ਰੱਖਿਆ। ਅਨੁਸ਼ਕਾ ਨੇ ਇਸ ਮੌਕੇ ਪਤੀ ਨਾਲ ਆਪਣੀ ਤਸਵੀਰ ਵੀ ਸਾਂਝੀ ਕੀਤੀ। ਲਾਲ ਸਾੜ੍ਹੀ ਅਤੇ ਚੂੜਾ ਪਹਿਨੇ ਅਨੁਸ਼ਕਾ ਕਾਫੀ ਖੂਬਸੂਰਤ ਨਜ਼ਰ ਆਈ । ਇਸ ਮੌਕੇ ਆਪਣੇ ਵਿਆਹ ਕਾਰਨ ਚਰਚਾ ‘ਚ ਰਹਿਣ ਵਾਲੀ ਨੁਸਰਤ ਜਹਾਂ ਵੀ ਬੇਹੱਦ ਖੂਬਸੂਰਤ ਨਜ਼ਰ ਆਈ।
ਕਮੇਡੀਅਨ ਭਾਰਤੀ ਸਿੰਘ ਨੇ ਵੀ ਆਪਣੇ ਪਤੀ ਲਈ ਵਰਤ ਰੱਖਿਆ। ਇਨ੍ਹਾਂ ਸਭ ਅਭਿਨੇਤਰੀਆਂ ਨੇ ਪੂਰੇ ਰੀਤੀ ਰਿਵਾਜ਼ਾਂ ਨਾਲ ਵਰਤ ਰੱਖਿਆ ਅਤੇ ਚੰਨ ਚੜਨ ‘ਤੇ ਅਰਘ ਦੇ ਕੇ ਆਪਣੇ ਪਤੀਆਂ ਦੀ ਲੰਬੀ ਉਮਰ ਦੀ ਕਾਮਨਾ ਕੀਤੀ ।