ਮੁੰਬਈ(ਬਿਊਰੋ)— ਬਾਲੀਵੁੱਡ 'ਚ ਕਈ ਸਿਤਾਰੇ ਇੰਨੇ ਜ਼ਿਆਦਾ ਅਮੀਰ ਹਨ, ਜਿਨ੍ਹਾਂ ਲਈ ਕੁਝ ਵੀ ਖਰੀਦਣਾ ਔਖੀ ਗੱਲ ਨਹੀਂ ਹੈ। ਉਹ ਆਰਾਮ ਨਾਲ ਕਦੇ ਵੀ ਕੋਈ ਵੀ ਚੀਜ਼ ਖਰੀਦ ਸਕਦੇ ਹਨ। ਅੱਜ ਇਸ ਖਬਰ ਰਾਹੀਂ ਤੁਹਾਨੂੰ ਬਾਲੀਵੁੱਡ ਦੀਆਂ ਅਜਿਹੀਆਂ ਅਭਿਨੇਤਰੀਆਂ ਦਿਖਾਉਣ ਜਾ ਰਹੇ ਹਾਂ, ਜਿਨ੍ਹਾਂ ਨੇ ਆਪਣੇ ਪਤੀ ਫਿਲਮ ਸਟਾਰ ਨਹੀਂ ਸਗੋਂ ਚਕਾਚੌਂਧ ਦੀ ਦੁਨੀਆ ਤੋਂ ਦੂਰ ਕਿਸੇ ਆਮ ਸ਼ਖਸ ਨੂੰ ਚੁਣਿਆ ਹੈ। ਹਾਲਾਂਕਿ ਇਨ੍ਹਾਂ ਨੇ ਵੀ ਆਪਣੇ ਜੀਵਨ 'ਚ ਕਾਮਯਾਬੀ ਹਾਸਲ ਕੀਤੀ ਹੈ ਪਰ ਲਾਈਮਲਾਈਟ ਤੋਂ ਕਾਫੀ ਦੂਰ ਹਨ। ਇਨ੍ਹਾਂ 'ਚ ਜ਼ਿਆਦਾਤਰ ਵੱਡੇ ਬਿਜ਼ਨੈੱਸਮੈਨ ਹੀ ਹਨ। ਜੇਕਰ ਤੁਸੀਂ ਇਨ੍ਹਾਂ ਦੀ ਸੰਪਤੀ ਬਾਰੇ ਜਾਣੋਗੇ ਤਾਂ ਤੁਹਾਨੂੰ ਕਾਫੀ ਹੈਰਾਨੀ ਹੋਵੇਗੀ। ਆਸਿਨ ਸੁਪਰਹਿੱਟ ਫਿਲਮ 'ਗਜਨੀ' ਨਾਲ ਬਾਲੀਵੁੱਡ 'ਚ ਐਂਟਰੀ ਕਰਨ ਵਾਲੀ ਅਦਾਕਾਰਾ ਆਸਿਨ ਨੇ ਬਹੁਤ ਘੱਟ ਫਿਲਮਾਂ 'ਚ ਕੰਮ ਕੀਤਾ ਹੈ, ਜਿਸ 'ਚ ਉਹ ਸਲਮਾਨ ਖਾਨ ਨਾਲ ਫਿਲਮ 'ਰੈੱਡੀ' ਅਜੇ ਦੇਵਗਨ ਨਾਲ ਫਿਲਮ 'ਬੋਲ ਬੱਚਨ' ਤੇ ਅਕਸ਼ੈ ਕੁਮਾਰ ਨਾਲ 'ਬੌਸ' 'ਚ ਨਜ਼ਰ ਆਈ ਸੀ ਪਰ ਲਗਾਤਾਰ ਫਲਾਪ ਫਿਲਮਾਂ ਕਾਰਨ ਆਸਿਨ ਨੇ ਮਸ਼ਹੂਰ ਕੰਪਨੀ ਮਾਈਕਰੋਮੈਕਸ ਦੇ ਕੋ ਫਾਊਂਡਰ ਰਾਹੁਲ ਸ਼ਰਮਾ ਨਾਲ ਵਿਆਹ ਕਰਵਾ ਲਿਆ। ਸ਼ਾਇਦ ਹੀ ਤੁਹਾਨੂੰ ਪਤਾ ਹੋਵੇਗਾ ਕਿ ਰਾਹੁਲ ਦੀ ਕਮਾਈ 100 ਬਿਲੀਅਨ ਡਾਲਰ ਤੋਂ ਵੀ ਜ਼ਿਆਦਾ ਹੈ। ਇੰਨਾਂ ਹੀ ਨਹੀਂ ਉਸ ਕੋਲ ਤਿੰਨ ਏਕੜ ਦਾ ਫਾਰਮਹਾਊਸ ਵੀ ਹੈ। ਜੂਹੀ ਚਾਵਲਾ ਬਾਲੀਵੁੱਡ ਅਦਾਕਾਰਾ ਸਭ ਤੋਂ ਸਫਲ ਅਭਿਨੇਤਰੀਆਂ 'ਚ ਜੂਹੀ ਚਾਵਲਾ ਦਾ ਨਾਂ ਵੀ ਸ਼ਾਮਲ ਹੈ। ਵਿਆਹ ਤੋਂ ਬਾਅਦ ਵੀ ਜੂਹੀ ਨੂੰ ਕਈ ਫਿਲਮਾਂ 'ਚ ਦੇਖਿਆ ਗਿਆ ਹੈ। ਜੂਹੀ ਨੇ ਮਹਿਤਾ ਗਰੁੱਪ ਦੇ ਉਦਮੀ ਜੈ ਮਹਿਤਾ ਨਾਲ ਵਿਆਹ ਕਰਵਾਇਆ। ਉਸ ਦਾ ਬਿਜ਼ਨੈੱਸ ਭਾਰਤ ਸਮੇਤ ਅਫਰੀਕਾ, ਕੈਨੇਡਾ ਤੇ ਅਮਰੀਕਾ ਵਰਗੇ ਦੇਸ਼ਾਂ 'ਚ ਫੈਲਿਆ ਹੋਇਆ ਹੈ। ਅੰਮ੍ਰਿਤਾ ਅਰੋੜਾ ਫਿਲਮ ਅਦਾਕਾਰਾ ਮਲਾਇਕਾ ਅਰੋੜਾ ਖਾਨ ਦੀ ਛੋਟੀ ਭੈਣ ਅੰਮ੍ਰਿਤਾ ਅਰੋੜਾ ਫਿਲਮਾਂ 'ਚ ਫਲਾਪ ਹੋਣ ਤੋਂ ਬਾਅਦ ਵਿਆਹ ਦੇ ਬੰਧਨ 'ਚ ਬੱਝ ਗਈ। ਉਸ ਨੇ ਮੁੰਬਈ ਦੀ ਕੰਸਟਰਕਸ਼ਨ ਕੰਪਨੀ ਰੇਡਸਟੋਨ ਗਰੁੱਪ ਤੇ ਬਿਜ਼ਨੈੱਸਮੈਨ ਸ਼ਕੀਲ ਲੜਕ ਨਾਲ ਵਿਆਹ ਕਰਵਾਇਆ। ਸੇਲਿਨਾ ਜੇਟਲੀ ਬਾਲੀਵੁੱਡ 'ਚ ਕੁਝ ਕਮਾਲ ਨਾ ਦਿਖਾ ਸਕਣ ਤੋਂ ਬਾਅਦ ਅਦਾਕਾਰਾ ਸੇਲਿਨਾ ਜੇਟਲੀ ਨੇ ਵਿਆਹ ਕਰਨ ਦਾ ਫੈਸਲਾ ਲਿਆ। ਸੇਲਿਨਾ ਦੇ ਪਤੀ ਪੀਟਰ ਹਾਗ ਆਸਟਰੀਆ ਤੋਂ ਹੈ ਤੇ ਉਹ ਇਕ ਵੱਡਾ ਬਿਜ਼ਨੈੱਸਮੈਨ ਤੇ ਮਾਰਕਟਰ ਹੈ। ਸ਼ਿਲਪਾ ਸ਼ੈੱਟੀ ਬਾਲੀਵੁੱਜ ਦੀ ਸਭ ਤੋਂ ਸਲਿਮ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਅੱਜ ਵੀ ਆਪਣੀਆਂ ਅਦਾਵਾਂ ਨਾਲ ਦਰਸ਼ਕਾਂ ਦਾ ਮਨ ਮੋਹ ਰਹੀ ਹੈ। ਸ਼ਿਲਪਾ ਨੇ ਰਾਜ ਕੁੰਦਰਾ ਨਾਲ ਵਿਆਹ ਕਰਵਾਇਆ ਹੈ, ਜੋ ਕਿ ਭਾਰਤੀ ਮੂਲ ਦੇ ਬ੍ਰਿਟਿਸ਼ ਬਿਜ਼ਨੈੱਸਮੈਨ ਹਨ। ਦੱਸ ਦੇਈਏ ਕਿ ਰਾਜ ਕੁੰਦਰਾ ਬ੍ਰਿਟਿਸ਼ ਏਸ਼ੀਅਨ ਨਾਮਕ ਮੈਗਜ਼ੀਨ 'ਚ 198ਵੇਂ ਨੰਬਰ 'ਤੇ ਵੀ ਆਏ ਸਨ। ਇੰਨਾ ਹੀ ਨਹੀਂ ਸਾਲ 2009 'ਚ ਕੁੰਦਰਾ ਆਈ. ਪੀ. ਐੱਲ. ਟੀਮ ਰਾਜਸਥਾਨ ਰਾਇਲਸ ਦੇ ਸਪਾਂਸਰਸ ਵੀ ਰਹੇ ਸਨ। ਆਇਸ਼ਾ ਟਾਕੀਆ ਬਾਲੀਵੁੱਡ ਦੀ ਖੂਬਸੂਰਤ ਅਦਾਕਾਰਾ ਤੇ ਸਲਮਾਨ ਖਾਨ ਨਾਲ ਸੁਪਰਹਿੱਟ ਫਿਲਮ 'ਵਾਂਟੇਡ' 'ਚ ਨਜ਼ਰ ਆਉਣ ਵਾਲੀ ਅਦਾਕਾਰਾ ਆਇਸ਼ਾ ਟਾਕਿਆ ਨੇ ਫਿਲਮਾਂ ਤੋਂ ਦੂਰੀ ਬਣਾ ਕੇ ਰੇਸਟ੍ਰੋਰੇਟਰ ਫਰਹਾਨ ਆਜ਼ਮੀ ਨਾਲ ਵਿਆਹ ਕਰ ਲਿਆ। ਦੱਸ ਦੇਈਏ ਕਿ ਫਰਹਾਨ, ਅਬੂ ਆਜ਼ਮੀ ਦੇ ਬੇਟੇ ਹਨ। ਵਿਦਿਆ ਬਾਲਨ ਬਾਲੀਵੁੱਡ ਦੀ ਟਾਪ ਅਦਾਕਾਰਾ ਵਿਦਿਆ ਬਾਲਨ ਆਪਣੀ ਖੂਬਸੂਰਤੀ ਕਾਰਨ ਅੱਜ ਵੀ ਲੋਕਾਂ ਦੇ ਦਿਲਾਂ 'ਚ ਰਾਜ਼ ਕਰਦੀ ਹੈ। ਉਨ੍ਹਾਂ ਨੇ ਪ੍ਰੋਡਿਊਸਰ ਤੇ ਡਿਜ਼ਨੀ ਇੰਡੀਆ ਮੈਗਜ਼ੀਨ ਦੇ ਡਾਇਰੈਕਟਰ ਸਿਧਰਾਥ ਰਾਏ ਕਪੂਰ ਨਾਲ ਵਿਆਹ ਕਰਵਾਇਆ। ਫਿਲਮ 'ਆਸ਼ਿਕੀ' ਦੇ ਐਕਟਰ ਆਦਿਤਿਆ ਰਾਏ ਕਪੂਰ ਰਿਸ਼ਤੇ 'ਚ ਵਿਦਿਆ ਦੇ ਦੇਵਰ ਹਨ। ਰਾਣੀ ਮੁਖਰਜੀ ਯਸ਼ ਚੋਪੜਾ ਖਾਨਦਾਨ ਦੀ ਵੱਡੀ ਨੂੰਹ ਰਾਣੀ ਮੁਖਰਜੀ ਨੇ ਫਿਲਮਮੇਕਰ ਆਦਿਤਿਆ ਚੋਪੜਾ ਨਾਲ ਸਾਲ 2012 'ਚ ਵਿਆਹ ਕਰਵਾਇਆ ਸੀ। ਦੱਸ ਦੇਈਏ ਕਿ ਆਦਿਤਿਆ ਦਾ ਇਹ ਦੂਜਾ ਵਿਆਹ ਗੈ। ਫਿਲਮ ਇੰਡਸਟਰੀ 'ਚ ਆਦਿਤਿਆ ਟਾਪ ਦੇ ਫਿਲਮਮੇਕਰ 'ਚ ਆਉਂਦੇ ਹਨ ਤੇ ਉਨ੍ਹਾਂ ਦੇ ਬੈਨਰ ਹੇਠ ਸਾਲ 'ਚ ਕਈ ਫਿਲਮਾਂ ਨੂੰ ਡਾਇਰੈਕਟ ਕੀਤਾ ਜਾਂਦਾ ਹੈ। ਟੀਨਾ ਮੁਨੀਮ 80 ਦੇ ਦਹਾਕੇ ਦੀ ਖੂਬਸੂਰਤ ਅਦਾਕਾਰਾ ਟੀਨਾ ਮੁਨੀਮ ਨੇ ਰਿਆਲੰਸ ਇੰਡਸਟਰੀ ਦੇ ਸੰਸਥਾਪਕ ਅਨਿਲ ਅੰਬਾਨੀ ਨਾਲ ਵਿਆਹ ਕਰਵਾਇਆ ਹੈ। ਅਨਿਲ ਦੀ ਸਾਲ 2016 'ਚ ਫੋਬਰਸ ਬਿਲੇਨੀਅਰ ਲਿਸਟ ਮੁਤਾਬਕ ਨੇਟ ਵਰਥ 3.3 ਬਿਲੀਅਨ ਡਾਲਰ ਹੈ। ਅਨਿਲ ਅੰਬਾਨੀ ਦਾ ਦੁਨੀਆਭਰ 'ਚ ਨਾਂ ਹੈ।