ਮੁੰਬਈ(ਬਿਊਰੋ)— ਬਾਲੀਵੁੱਡ ਸਟਾਰਜ਼ ਨੂੰ ਐਕਟਿੰਗ ਕਰਦੇ ਹੋਏ ਤੁਸੀਂ ਫਿਲਮਾਂ ਵਿੱਚ ਤਾਂ ਵੇਖਿਆ ਹੀ ਹੋਵੇਗਾ। ਫਿਲਮਾਂ ਵਿੱਚ ਇਮੋਸ਼ਨ ਪਾਉਣ ਲਈ ਇਹ ਸਿਤਾਰੇ ਸਭ ਕੁੱਝ ਕਰਨ ਲਈ ਤਿਆਰ ਰਹਿੰਦੇ ਹਨ। ਵੱਡੇ ਰੋਲ ਵਿੱਚ ਦਿੱਖਣ ਵਾਲੇ ਇਹ ਸਿਤਾਰੇ ਦਿਲ ਦੇ ਵੀ ਬਹੁਤ ਵੱਡੇ ਹੁੰਦੇ ਹਨ। ਕਈ ਸਿਤਾਰੇ ਚੈਰਿਟੀ ਵੀ ਕਰਦੇ ਰਹਿੰਦੇ ਹਨ। ਇਹਨਾਂ ਸਿਤਾਰਿਆਂ ਦੇ ਸਾਹਮਣੇ ਜੇਕਰ ਭੀਖ ਮੰਗਣ ਵਾਲੇ ਵੀ ਆ ਜਾਣ ਤਾਂ ਇਹ ਉਨ੍ਹਾਂ ਨੂੰ ਖਾਲੀ ਨਹੀਂ ਜਾਣ ਦਿੰਦੇ। ਉੱਥੇ ਹੀ ਕੁੱਝ ਕੁ ਸਿਤਾਰੇ ਅਜਿਹੇ ਵੀ ਹਨ ਜੋ ਇਨ੍ਹਾਂ ਨੂੰ ਨਜ਼ਰਅੰਦਾਜ ਕਰਕੇ ਕਾਰ ਦਾ ਦਰਵਾਜਾ ਬੰਦ ਕਰਕੇ ਨਿਕਲ ਜਾਂਦੇ ਹਨ।
ਮੰਗਣ ਵਾਲਿਆਂ ਦੇ ਸਾਹਮਣੇ ਇਨ੍ਹਾਂ ਸਿਤਾਰਿਆਂ ਦਾ ਰਿਐਕਸ਼ਨ ਦੇਖਣ ਵਾਲਾ ਹੁੰਦਾ ਹੈ। ਬਾਲੀਵੁੱਡ ਦੇ ਕਿੰਗ ਖਾਨ ਆਪਣੇ ਅੱਗੇ ਕਿਸੇ ਵੀ ਭੀਖ ਮੰਗਣ ਵਾਲੇ ਨੂੰ ਜਾਣ ਨਹੀਂ ਦਿੰਦੇ। ਇੱਕ ਵਾਰ ਉਹ ਰੈਸਟੋਰੈਂਟ ਤੋਂ ਵਾਪਸ ਆ ਰਹੇ ਸਨ ਤਾਂ ਉਨ੍ਹਾਂ ਨੂੰ ਇੱਕ ਭੁੱਖਾ ਆਦਮੀ ਮਿਲਿਆ। ਜਿਸ ਨੂੰ ਸ਼ਾਹਰੁਖ ਨੇ ਬਿਨਾਂ ਸੋਚੇ ਸਮਝੇ ਖਾਣਾ ਖਿਲਾ ਦਿੱਤਾ।
ਇਹੀ ਨਹੀਂ ਸ਼ਾਹਰੁਖ ਨੇ ਆਪਣਾ ਹੱਥ ਉਸ ਦੇ ਸਿਰ ਉੱਤੇ ਰੱਖਿਆ ਅਤੇ ਇੱਕ ਮਿੱਠੀ ਮੁਸਕਾਨ ਦੇ ਨਾਲ ਆਪਣੀ ਗੱਡੀ ਵਿੱਚ ਬੈਠ ਚਲੇ ਗਏ। ਬਾਲੀਵੁੱਡ ਦੇ ਦਬੰਗ ਸਲਮਾਨ ਖਾਨ ਵੀ ਇੱਕ ਵਾਰ ਸੜਕ ਉੱਤੇ ਕਿਤਾਬ ਵੇਚਣ ਵਾਲਿਆਂ ਦੇ ਨਾਲ ਵਿਖੇ ਸਨ। ਦੱਸ ਦੇਈਏ ਕਿ ਉਨ੍ਹਾਂ ਨੇ ਬੱਚਿਆਂ ਤੋਂ ਕਿਤਾਬਾਂ ਖਰੀਦੀਆਂ ਅਤੇ ਕੁੱਝ ਡੋਨੇਸ਼ਨ ਵੀ ਦਿੱਤਾ। ਬਾਅਦ ਵਿੱਚ ਗਲੇ ਲੱਗ ਕੇ ਉਨ੍ਹਾਂ ਬੱਚਿਆਂ ਨੂੰ ਵਿਦਾ ਕੀਤਾ।
ਬਾਲੀਵੁੱਡ ਦੀ ਖੂਬਸੂਰਤ ਅਦਾਕਾਰਾ ਮਲਾਇਕਾ ਅਰੋੜਾ ਖਾਨ ਨੂੰ ਲਾਂਗ ਡਰਾਇਵ ਉੱਤੇ ਨਿਕਲਦੇ ਹੋਏ ਇੱਕ ਬਜ਼ੁਰਗ ਔਰਤ ਮਿਲੀ ਸੀ। ਉਸ ਸਮੇਂ ਮਲਾਇਕਾ ਦੇ ਕੋਲ ਉਨ੍ਹਾਂ ਦਾ ਬੈਗ ਨਹੀਂ ਸੀ। ਇਸ ਲਈ ਉਨ੍ਹਾਂ ਨੇ ਇਹ ਕਹਿ ਕੇ ਗੱਡੀ ਦਾ ਦਰਵਾਜਾ ਬੰਦ ਕਰ ਲਿਆ ਕਿ ਮੇਰੇ ਕੋਲ ਬੈਗ ਵੀ ਨਹੀਂ ਹੈ। ਲੂਲਿਆ ਵੰਤੂਰ ਵੀ ਦਿਲ ਦੀ ਬਹੁਤ ਧਨੀ ਹੈ। ਉਹ ਮੰਗਣ ਵਾਲਿਆਂ ਦੀ ਝੋਲੀ ਖਾਲੀ ਨਹੀਂ ਜਾਣ ਦਿੰਦੀ।
ਦੰਗਲ ਗਰਲ ਫਾਤਿਮਾ ਸਨਾ ਸ਼ੇਖ ਨੂੰ ਫਿਲਮ ਦੰਗਲ ਲਈ ਕਾਫ਼ੀ ਸ਼ਾਬਾਸ਼ੀ ਮਿਲੀ ਸੀ। ਕੁੱਝ ਦਿਨ ਪਹਿਲਾਂ ਜਦੋਂ ਉਨ੍ਹਾਂ ਦੀ ਇੱਕ ਫੈਨ ਉਨ੍ਹਾਂ ਨੂੰ ਮਿਲਣ ਆਈ ਤਾਂ ਫਾਤਿਮਾ ਨੇ ਕੈਮਰੇ ਦੇ ਸਾਹਮਣੇ ਉਸ ਨੂੰ ਹਗ ਕੀਤਾ ਅਤੇ ਕੁੱਝ ਡੋਨੇਸ਼ਨ ਵੀ ਦਿੱਤਾ। ਜ਼ਾਏਦ ਖਾਨ ਇੱਕ ਵਾਰ ਫਰਦੀਨ ਖਾਨ ਦਾ ਬਰਥ ਡੇਅ ਸੈਲੀਬ੍ਰੇਟ ਕਰਕੇ ਵਾਪਸ ਆ ਰਹੇ ਸਨ। ਉਸੀ ਸਮੇਂ ਕੁੱਝ ਗਰੀਬ ਬੱਚਿਆਂ ਨੇ ਉਨ੍ਹਾਂ ਨੂੰ ਘੇਰ ਲਿਆ। ਜ਼ਾਏਦ ਨੇ ਉਨ੍ਹਾਂ ਦੇ ਨਾਲ ਤਸਵੀਰਾਂ ਲਈਆਂ ਅਤੇ ਕਿਸ ਵੀ ਕੀਤਾ।