ਮੁੰਬਈ (ਬਿਊਰੋ) — ਆਨੰਦ ਕੁਮਾਰ ਵਰਤਮਾਨ 'ਚ ਭਾਰਤੀ ਕਮਿਊਨਿਟੀ ਲਈ ਆਯੋਜਿਤ ਕੀਤੇ ਗਏ ਇਕ ਪ੍ਰੋਗਰਾਮ ਲਈ ਲੰਡਨ ਗਏ ਹਨ, ਜਿਥੇ ਉਨ੍ਹਾਂ ਨੇ ਲੰਡਨ 'ਚ ਰਹਿ ਰਹੇ ਭਾਰਤੀਆਂ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਨਾਲ ਗੱਲਬਾਤ ਵੀ ਕੀਤੀ। ਆਨੰਦ ਕੁਮਾਰ ਨੇ ਹਾਲ ਹੀ 'ਚ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਸਾਫ ਨਜ਼ਰ ਆ ਰਿਹਾ ਹੈ ਕਿ ਵਿਦੇਸ਼ 'ਚ ਰਹਿ ਰਹੇ ਦਰਸ਼ਕਾਂ 'ਚ ਫਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੈ। ਸਿਰਫ ਭਾਰਤੀ ਹੀ ਨਹੀਂ ਸਗੋਂ ਸਥਾਨਕ ਲੋਕ ਵੀ ਫਿਲਮ 'ਸੁਪਰ 30' ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਆਨੰਦ ਕੁਮਾਰ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਲੰਡਨ ਯਾਤਰਾ ਦੀਆਂ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਲਿਖਿਆ, ''ਲੰਡਨ ਵੀ ਫਿਲਮ 'ਸੁਪਰ 30' ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਹੈ।'' ਇਸ ਸਾਲ ਆਨੰਦ ਕੁਮਾਰ ਦੇ 'ਸੁਪਰ 30' ਤੋਂ 18 ਵਿਦਿਆਰਥੀਆਂ ਨੇ ਆਈ. ਆਈ. ਟੀ. ਦੀ ਪ੍ਰੀਖਿਆ ਪਾਸ ਕੀਤੀ ਹੈ ਅਤੇ ਇਸੇ ਨਾਲ ਆਨੰਦ ਕੁਮਾਰ ਨੇ ਇਕ ਹੋਰ ਉਪਲਬਧੀ ਆਪਣੇ ਨਾਂ ਕਰ ਲਈ ਹੈ। ਹਾਲ ਹਾ 'ਚ ਬਿਹਾਰ ਦੇ ਕੋਚਿੰਗ ਸੈਂਟਰ ਦੇ ਸਾਬਕਾ ਵਿਦਿਆਰਥੀ ਸੋਸ਼ਲ ਮੀਡੀਆ 'ਤੇ 'ਸੁਪਰ 30' 'ਚ ਉਨ੍ਹਾਂ ਦੇ ਵਾਸਤਵਿਕ ਜੀਵਨ ਅਧਿਆਪਕ ਆਨੰਦ ਕੁਮਾਰ ਦੀ ਭੂਮਿਕਾ ਨਿਭਾ ਰਹੇ ਰਿਤਿਕ ਰੌਸ਼ਨ ਦੀ ਪ੍ਰਸ਼ੰਸਾ ਕਰਦੇ ਹੋਏ ਨਜ਼ਰ ਆਏ ਸਨ।
ਸੁਪਰਸਟਾਰ ਨੂੰ ਦਰਸ਼ਕਾਂ ਤੋਂ ਬੇਹੱਦ ਪਿਆਰ ਮਿਲ ਰਿਹਾ ਹੈ ਅਤੇ ਹਰ ਕੋਈ ਵੱਡੇ ਪਰਦੇ 'ਤੇ ਅਭਿਨੇਤਾ ਦਾ ਇਹ ਅਭਿਨੈ ਦੇਖਣ ਲਈ ਉਤਸੁਕ ਹੈ। ਫਿਲਮ ਦੇ ਟਰੇਲਰ 'ਚ ਰਿਤਿਕ ਰੌਸ਼ਨ ਦਾ ਜ਼ਬਰਦਸਤ ਅੰਦਾਜ਼ ਦੇਖਣ ਨੂੰ ਮਿਲਿਆ। ਐੱਚ. ਆਰ. ਐਕਸ. ਫਿਲਮਸ ਨਾਲ ਮਿਲ ਕੇ ਰਿਲਾਇੰਸ ਐਂਟਰਟੇਨਮੈਂਟ ਪੇਸ਼ ਕਰਦਾ ਹੈ 'ਸੁਪਰ 30', ਜੋ ਸਾਜਿਦ ਨਾਡਿਆਡਵਾਲਾ ਫਿਲਮ, ਨਾਡਿਆਡਵਾਲਾ ਗ੍ਰੈਂਡਸਨ ਐਂਟਰਟੇਨਮੈਂਟ, ਫੈਂਟਸ ਫਿਲਮਸ ਤੇ ਰਿਲਾਇੰਸ ਐਂਟਰਟੇਨਮੈਂਟ ਦੁਆਰਾ ਨਿਰਮਿਤ ਹੈ। ਰਿਲਾਇੰਸ ਐਂਟਰਟੇਨਮੈਂਟ ਅਤੇ ਪੀ. ਵੀ. ਆਰ. ਪਿਕਚਰਸ ਦੀ ਇਹ ਫਿਲਮ 12 ਜੁਲਾਈ 2019 ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।
