ਨਵੀਂ ਦਿੱਲੀ (ਬਿਊਰੋ) — ਮਾਂ ਦੇ ਨਾਂ ਦਾ ਉਂਝ ਤਾਂ ਕੋਈ ਦਿਨ ਨਹੀਂ ਹੁੰਦਾ ਹੈ ਪਰ ਮਾਰਚ ਜਾਂ ਮਈ ਦੇ ਮਹੀਨੇ 'ਚ ਐਤਵਾਰ ਨੂੰ 'ਮਦਰਸ ਡੇ' ਮਨਾਇਆ ਗਿਆ ਸੀ। ਇਸ ਖਾਸ ਮੌਕੇ 'ਤੇ ਬਾਲੀਵੁੱਡ ਦੇ ਸੁਪਰਸਟਾਰ ਆਮਿਰ ਖਾਨ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਆਪਣੀ ਮਾਂ ਨਾਲ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਆਮਿਰ ਖਾਨ ਕਾਫੀ ਕਿਊਟ ਲੱਗ ਰਹੇ ਹਨ।
ਇਸ ਤਸਵੀਰ ਨੂੰ ਸ਼ੋਅ ਕਰਦੇ ਆਮਿਰ ਖਾਨ ਨੇ ਲਿਖਿਆ, ''ਮੇਰੀ ਮਾਂ ਦੁਨੀਆ ਦੀ ਸਭ ਤੋਂ ਬੈਸਟ ਮਾਵਾਂ 'ਚੋਂ ਇਕ ਹੈ।'' ਆਪਣੀ ਮਾਂ ਨੂੰ ਹੈਪੀ ਮਦਰਸ ਡੇ ਵਿਸ਼ ਕਰਦੇ ਹੋਏ ਆਮਿਰ ਖਾਨ ਨੇ ਬਲੈਕ ਐਂਡ ਵ੍ਹਾਈਟ ਤਸਵੀਰ ਦੇ ਜਰੀਏ ਵੱਖਰੇ ਅੰਦਾਜ਼ 'ਚ ਇਸ ਦਿਨ ਨੂੰ ਸੈਲੀਬ੍ਰੇਟ ਕਰਨ ਦਾ ਤਰੀਕਾ ਅਪਨਾਇਆ ਹੈ।
ਇਸ ਤੋਂ ਇਲਾਵਾ ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ, ਕਾਰਤਿਕ ਆਰਿਅਨ, ਕੰਗਨਾ ਰਣੌਤ, ਵਿੱਕੀ ਕੌਸ਼ਲ, ਜਾਹਨਵੀ ਕਪੂਰ ਸਮੇਤ ਕਈ ਫਿਲਮੀ ਹਸਤੀਆਂ ਨੇ ਮਦਰਸ ਡੇ ਦੇ ਮੌਕੇ 'ਤੇ ਆਪਣੀ ਮਾਂ ਨੂੰ ਯਾਦ ਕੀਤਾ ਹੈ।
ਇਨ੍ਹਾਂ ਸਿਤਾਰਿਆਂ ਨੇ ਆਪਣੀਆਂ ਮੌਮ ਨਾਲ ਪੋਸਟ ਕੀਤੀਆਂ ਤਸਵੀਰਾਂ 'ਚ ਇਮੋਸ਼ਨਲ ਮੈਸੇਜ ਵੀ ਲਿਖੇ ਹਨ। ਸਿਤਾਰਿਆਂ ਦੀਆਂ ਇਹ ਤਸਵੀਰਾਂ ਫੈਨਜ਼ ਵਲੋਂ ਕਾਫੀ ਪਸੰਦ ਕੀਤੀਆਂ ਜਾ ਰਹੀਆਂ ਹਨ।