ਮੁੰਬਈ(ਬਿਊਰੋ)— ਅਮਿਤਾਭ ਬੱਚਨ ਦੇ ਘਰ ਦੀ ਹੋਲੀ ਪਾਰਟੀ ਬਾਲੀਵੁੱਡ 'ਚ ਕਾਫੀ ਮਸ਼ਹੂਰ ਰਹੀ ਹੈ। ਇਸ ਦੌਰਾਨ ਸਾਰੇ ਸਿਤਾਰੇ ਇੱਕਠੇ ਹੁੰਦੇ ਸਨ ਪਰ 2008 'ਚ ਇਸ ਤਿਉਹਾਰ ਨੂੰ ਧੂਮ-ਧਾਮ ਨਾਲ ਮਨਾਉਣਾ ਬੰਦ ਕਰ ਦਿੱਤਾ ਗਿਆ।
ਇਸ ਵਾਰ ਹੋਲੀ ਤੋਂ ਪਹਿਲਾਂ ਸ਼੍ਰੀਦੇਵੀ ਦੇ ਦਿਹਾਂਤ ਨਾਲ ਅਮਿਤਾਭ ਬੱਚਨ ਬੇਹੱਦ ਸਦਮੇ 'ਚ ਨਜ਼ਰ ਆਏ, ਇਸ ਲਈ ਉਨ੍ਹਾਂ ਨੇ ਫਿਰ ਤੋਂ ਹੋਲੀ ਨਾ ਮਨਾਉਣ ਦਾ ਫੈਸਲਾ ਲਿਆ।
ਹਾਲਾਂਕਿ ਉਨ੍ਹਾਂ ਨੇ ਘਰ 'ਚ ਵੀਰਵਾਰ ਨੂੰ ਹੋਲਿਕ ਦਹਿਨ ਅਤੇ ਪੂਜਾ ਪਾਠ ਜ਼ਰੂਰ ਕੀਤਾ ਗਿਆ। ਰਣਵੀਰ ਸਿੰਘ ਨੇ ਵੀ ਇਕ ਪੋਸਟ ਕਰ ਕੇ ਇਹ ਜਾਣਕਾਰੀ ਦਿੱਤੀ ਹੈ ਕਿ ਉਹ ਹੋਲੀ ਸੈਲੀਬ੍ਰੇਟ ਕਰਨਗੇ।
ਹੋਲਿਕਾ ਦਹਿਨ ਦੀਆਂ ਅਮਿਤਾਭ ਨੇ ਜੋ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਉਨ੍ਹਾਂ 'ਚ ਅਮਿਤਾਭ, ਜਯਾ, ਐਸ਼ਵਰਿਆ, ਸ਼ਵੇਤਾ ਤੇ ਆਰਾਧਿਆ ਨਜ਼ਰ ਆ ਰਹੀਆਂ ਹਨ।
ਅਮਿਤਾਭ ਨੇ ਟਵਿਟਰ 'ਤੇ ਲਿਖਿਆ, ''ਹੋਲਿਕਾ ਦਹਿਨ ਕੀਤਾ ਗਿਆ ਤੇ ਪ੍ਰਾਥਣਾ ਕੀਤੀ। ਇਸ ਮੌਕੇ 'ਤੇ ਸਪੈਸ਼ਲ ਮਿਠਾਈ ਗੁਜੀਆ (ਕਚੌਰੀਆਂ) ਵੀ ਖਾਧੀ ਗਈ।''
ਅਮਿਤਾਭ ਨੇ ਇਕ ਹੋਰ ਪੋਸਟ 'ਚ ਸਾਰਿਆ ਨੂੰ ਹੋਲੀ ਦੀਆਂ ਸ਼ੁੱਭਕਾਮਨਾਵਾਂ ਦਿੱਤੀਆਂ।
ਸ਼੍ਰੀਦੇਵੀ ਦੇ ਦਿਹਾਂਤ ਤੋਂ ਬਾਅਦ ਇਸ ਵਾਰ ਵਧੇਰੇ ਸੈਲੀਬ੍ਰਿਟੀਜ਼ ਨੇ ਹੋਲੀ ਦੀ ਪਾਰਟੀ ਰੱਦ ਕਰ ਦਿੱਤੀ ਹੈ।
ਪਹਿਲਾਂ ਰਣਵੀਰ ਸਿੰਘ ਨੇ ਵੀ ਹੋਲੀ ਪਾਰਟੀ ਰੱਦ ਕਰ ਦਿੱਤੀ ਸੀ ਪਰ ਹੁਣ ਰਣਵੀਰ ਨੇ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਪਾਈ ਹੈ, ਜਿਸ ਮੁਤਾਬਕ ਉਹ ਹੋਲੀ ਮਨਾਉਣਗੇ ਤੇ ਸ਼ਾਮ 6 ਵਜੇ ਲਾਈਵ ਕਰਨਗੇ।
ਉਂਝ ਰਣਵੀਰ ਤੋਂ ਇਲਾਵਾ ਬਾਲੀਵੁੱਡ ਦੇ ਇਨ੍ਹਾਂ ਸਿਤਾਰਿਆਂ ਨੇ ਵੀ ਪ੍ਰਸ਼ੰਸਕਾਂ ਨੂੰ ਹੋਲੀ ਦੇ ਤਿਉਹਾਰ ਦੀਆਂ ਖੂਬ ਸ਼ੁੱਭਕਾਮਨਾਵਾਂ ਦਿੱਤੀਆਂ।