ਜਲੰਧਰ(ਬਿਊਰੋ)— ਟੀ.ਵੀ. ਦੀ ਮਸ਼ਹੂਰ ਅਦਾਕਾਰਾ ਹਿਨਾ ਖਾਨ ਅਕਸਰ ਆਪਣੇ ਲੁੱਕ ਅਤੇ ਆਪਣੇ ਕੰਮ ਨੂੰ ਲੈ ਕੇ ਚਰਚਾ 'ਚ ਰਹਿੰਦੀ ਹੈ। ਹਿਨਾ ਇਕ ਵਾਰ ਫਿਰ ਚਰਚਾ 'ਚ ਹੈ ਅਤੇ ਇਸ ਵਾਰ ਕਾਰਨ ਹੈ ਉਨ੍ਹਾਂ ਦੀ ਰੈਂਪ ਵਾਕ। ਹਿਨਾ ਨੇ ਹਾਲ ਹੀ 'ਚ ਹੋਏ 'ਬਾਂਬੇ ਟਾਈਮਸ ਫੈਸ਼ਨ ਵੀਕ 2019' 'ਚ ਰੈਂਪ ਵਾਕ ਕੀਤਾ ਅਤੇ ਇਸ ਦੌਰਾਨ ਉਹ ਬੇਹੱਦ ਖੂਬਸੂਰਤ ਨਜ਼ਰ ਆਈ। ਹਿਨਾ ਨੇ ਇਹ ਰੈਂਪ ਵਾਕ ਪ੍ਰਿਆਂਕ ਸ਼ਰਮਾ ਨਾਲ ਕੀਤਾ। ਹਿਨਾ ਨੇ ਰੈਂਪ ਵਾਕ ਦੌਰਾਨ ਪੀਚ ਕਲਰ ਦਾ ਲਹਿੰਗਾ ਪਾਇਆ ਸੀ ਜਦੋਂ ਕਿ ਪ੍ਰਿਆਂਕ ਵੀ ਇਸ ਰੰਗ ਦੀ ਸ਼ੇਰਵਾਨੀ ਪਹਿਨੇ ਨਜ਼ਰ ਆਏ। ਦੱਸ ਦੇਈਏ ਕਿ ਦੋਵੇਂ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 11' 'ਚ ਨਜ਼ਰ ਆਏ ਸਨ ਅਤੇ ਸ਼ੋਅ ਦੌਰਾਨ ਹੀ ਦੋਵਾਂ ਵਿਚਕਾਰ ਦੋਸਤੀ ਹੋਈ। ਹਾਲਾਂਕਿ ਸ਼ੋਅ ਦੌਰਾਨ ਦੋਵੇਂ ਕਈ ਵਾਰ ਲੜਦੇ ਵੀ ਨਜ਼ਰ ਆਏ ਪਰ ਸ਼ੋਅ ਖਤਮ ਹੋਣ ਤੋਂ ਬਾਅਦ ਵੀ ਦੋਵਾਂ ਦੀ ਦੋਸਤੀ ਬਰਕਰਾਰ ਹੈ। ਸੋਸ਼ਲ ਮੀਡੀਆ 'ਤੇ ਵੀ ਦੋਵੇਂ ਅਕਸਰ ਤਸਵੀਰਾਂ ਸ਼ੇਅਰ ਕਰਦੇ ਹਨ। ਦੱਸ ਦੇਈਏ ਕਿ ਹਿਨਾ ਖਾਨ ਇਨ੍ਹੀਂ ਦਿਨੀਂ 'ਕਸੌਟੀ ਜ਼ਿੰਦਗੀ ਕੀ 2' 'ਚ ਕੋਮੋਲਿਕਾ ਦੇ ਕਿਰਦਾਰ 'ਚ ਨਜ਼ਰ ਆ ਰਹੀ ਹੈ ਪਰ ਫਿਲਮਾਂ ਦੇ ਚਲਦੇ ਕੁਝ ਸਮੇਂ ਲਈ ਉਨ੍ਹਾਂ ਨੂੰ ਸ਼ੋਅ 'ਚੋਂ ਬ੍ਰੇਕ ਲੈਣਾ ਪਵੇਗਾ। ਹਾਲ ਹੀ 'ਚ ਹਿਨਾ ਨੇ ਇਹ ਸਾਫ ਕੀਤਾ ਸੀ ਕਿ ਉਹ 5 ਤੋਂ 6 ਮਹੀਨੇ ਤੱਕ ਸ਼ੋਅ 'ਚ ਨਜ਼ਰ ਨਹੀਂ ਆਵੇਗੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਉਹ ਸ਼ੋਅ ਛੱਡ ਨਹੀਂ ਰਹੀ ਹੈ। ਇਸ ਇਵੈਂਟ 'ਚ ਹਿਨਾ ਖਾਨ ਤੋਂ ਇਲਾਵਾ ਡਾਇਨਾ ਪੈਂਟੀ, ਚਿਤਰਾਂਗਦਾ ਸਿੰਘ, ਕਰਿਸ਼ਮਾ ਕਪੂਰ, ਤਨੀਸ਼ਾ ਮੁਖਰਜ਼ੀ ਅਕੇ ਰਕੁਲ ਪ੍ਰੀਤ ਸਿੰਘ ਵਰਗੇ ਸਿਤਾਰਿਆਂ ਨੇ ਵੀ ਰੈਂਪ ਵਾਕ ਕੀਤਾ ਸੀ।