ਮੁੰਬਈ (ਬਿਊਰੋ)— ਨਿਰਮਾਤਾ ਬੋਨੀ ਕਪੂਰ ਅੱਜ ਆਪਣਾ 63ਵਾਂ ਜਨਮਦਿਨ ਮਨਾ ਰਹੇ ਹਨ। ਪਤਨੀ ਸ਼੍ਰੀਦੇਵੀ ਦੀ ਮੌਤ ਤੋਂ ਬਾਅਦ ਬੋਨੀ ਦਾ ਇਹ ਪਹਿਲਾ ਜਨਮਦਿਨ ਹੈ। ਇਸ ਖਾਸ ਮੌਕੇ ਨੂੰ ਹੋਰ ਜ਼ਿਆਦਾ ਖਾਸ ਬਣਾਉਣ ਲਈ ਪੂਰਾ ਕਪੂਰ ਪਰਿਵਾਰ ਉਨ੍ਹਾਂ ਨਾਲ ਖੜਾ ਨਜ਼ਰ ਆਇਆ। ਹਾਲ ਹੀ 'ਚ ਸੋਸ਼ਲ ਮੀਡੀਆ 'ਤੇ ਤਸਵੀਰਾਂ ਆਈਆਂ, ਜਿਸ 'ਚ ਬੋਨੀ ਆਪਣੇ ਬੱਚਿਆਂ ਤੇ ਬਾਕੀ ਪਰਿਵਾਰਕ ਮੈਬਰਾਂ ਨਾਲ ਜਨਮਦਿਨ ਮਨਾਉਂਦੇ ਨਜ਼ਰ ਆ ਰਹੇ ਹਨ।
ਅਰਜੁਨ ਕਪੂਰ ਨੇ ਪਿਤਾ ਬੋਨੀ ਕਪੂਰ ਦੇ ਬਰਥਡੇ ਸੈਲੀਬ੍ਰੇਸ਼ਨ ਦੀ ਇਕ ਬੇਹੱਦ ਖੂਬਸੂਰਤ ਤਸਵੀਰ ਸ਼ੇਅਰ ਕੀਤੀ। ਅਰਜੁਨ ਨੇ ਲਿਖਿਆ, ''ਤੁਸੀਂ ਇਕ ਫਿਲਮ ਬਣਾਈ ਸੀ 'ਮਿਸਟਰ ਇੰਡੀਆ' ਜਿਸ 'ਚ ਇਹ ਬੇਹੱਦ ਖੂਬਸੂਰਤ ਲਾਈਨਾਂ ਸਨ, ਜ਼ਿੰਦਗੀ ਦੀ ਇਹੀ ਰੀਤ ਹੈ ਹਾਰ ਤੋਂ ਬਾਅਦ ਹੀ ਜਿੱਤ ਹੈ''। ਹਰ ਬੁਰੇ ਸਮੇਂ ਦੇ ਬਾਅਦ ਚੰਗਾ ਸਮਾਂ ਆਉਂਦਾ ਹੈ, ਹੈਪੀ ਬਰਥਡੇ ਪਾਪਾ, ਭਗਵਾਨ ਤੁਹਾਨੂੰ ਖੁਸ਼ੀਆਂ ਦੇਵੇ। ਤੁਹਾਡੇ ਤਿੰਨੋਂ ਬੱਚੇ ਅਤੇ ਖੁਸ਼ੀ ਕਪੂਰ ਜੋ ਕਿ ਤੁਹਾਡੀ ਪਸੰਦੀਦਾ ਹੈ, ਸਭ ਵਲੋਂ ਹੈਪੀ ਬਰਥਡੇ''।
ਤੁਹਾਨੂੰ ਦੱਸ ਦੇਈਏ ਸਿਰਫ ਅਰਜੁਨ ਨੇ ਹੀ ਨਹੀਂ, ਬਲਕਿ ਬੇਟੀ ਅੰਸ਼ੁਲਾ ਕਪੂਰ ਅਤੇ ਛੋਟੇ ਭਰਾ ਸੰਜੇ ਕਪੂਰ ਨੇ ਵੀ ਸੋਸ਼ਲ ਮੀਡੀਆ ਰਾਹੀਂ ਬੋਨੀ ਨੂੰ ਜਨਮਦਿਨ ਦੀਆਂ ਸ਼ੁੱਭਕਾਮਨਾਵਾਂ ਦਿੱਤੀਆਂ''। ਅੰਸ਼ੁਲਾ ਨੇ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ, ''Happy birthday Dad ❤️ love you???? #FamJam''।