ਜਲੰਧਰ(ਬਿਊਰੋ) - ਪਾਲੀਵੁੱਡ ਤੋਂ ਬਾਲੀਵੁੱਡ ਤੱਕ ਆਪਣੀ ਗਾਇਕੀ ਦਾ ਜਾਦੂ ਚਲਾ ਚੁੱਕੇ ਬੀ. ਪਰਾਕ ਹੁਣ ਆਪਣਾ ਨਵਾਂ ਸਿੰਗਲ ਟਰੈਕ ਰਿਲੀਜ਼ ਕਰਨ ਜਾ ਰਹੇ ਹਨ।ਬੀ. ਪਰਾਕ ਦੇ ਇਸ ਨਵੇਂ ਗੀਤ ਦਾ ਨਾਂ 'ਤੇਰੇ ਨੈਣ' ਹੈ। ਇਸ ਗੀਤ ਦੀ ਜਾਣਕਾਰੀ ਬੀ. ਪਰਾਕ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟਸ 'ਤੇ ਦਿੱਤੀ ਹੈ। ਇਸ ਗੀਤ ਦੇ ਬੋਲ ਹਿੱਟ ਗੀਤਕਾਰ ਜਾਨੀ ਨੇ ਲਿਖਿਆ ਹੈ ਤੇ ਮਿਊਜ਼ਿਕ ਸੁੱਖੀ ਨੇ ਤਿਆਰ ਕੀਤਾ ਹੈ।
ਦੱਸਣਯੋਗ ਹੈ ਕਿ ਇਹ ਗੀਤ ਇਕ ਬੀਟ ਗੀਤ ਹੈ ਜਿਸ ਨੂੰ ਬੀ ਪਰਾਕ ਨੇ ਵੱਖਰੇ ਅੰਦਾਜ਼ 'ਚ ਗਾਇਆ ਹੈ। ਬੀ. ਪਰਾਕ ਨੇ ਇਸ ਤੋਂ ਪਹਿਲਾਂ ਵੀ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਬਤੌਰ ਗਾਇਕ 'ਮਨ ਭਰਿਆ' ਤੇ 'ਮਸਤਾਨੀ' ਵਰਗੇ ਹਿੱਟ ਸਿੰਗਲ ਟਰੈਕ ਦੇ ਚੁੱਕੇ ਹਨ।ਇਸ ਗੀਤ ਨੂੰ 9 ਜੂਨ ਨੂੰ ਸਪੀਡ ਰਿਕਾਰਡ ਦੇ ਬੈਨਰ ਹੇਠ ਰਿਲੀਜ਼ ਕੀਤਾ ਜਾਵੇਗਾ।ਬੀ. ਪਰਾਕ ਨੇ ਬਤੌਰ ਮਿਊਜ਼ਿਕ ਡਾਇਰੈਕਟਰ ਕਈ ਹਿੱਟ ਗੀਤਾਂ ਨੂੰ ਸੰਗੀਤਬੱਧ ਕੀਤਾ ਹੈ।