ਮੁੰਬਈ (ਬਿਊਰੋ)— ਮੰਗਲਵਾਰ ਨੂੰ ਮੁੰਬਈ 'ਚ 'ਬ੍ਰਾਈਟ ਆਊਟਡੋਰ ਐਵਾਰਡਸ' ਹੋਏ, ਜਿਸ 'ਚ ਬਾਲੀਵੁੱਡ ਦੇ ਕਪੂਰ ਤੇ ਸਿੰਘ ਭਾਵ ਰਣਵੀਰ ਤੇ ਰਣਬੀਰ ਦਾ ਆਹਮੋ-ਸਾਹਮਣਾ ਹੋ ਗਿਆ।
ਇਸ ਐਵਾਰਡ ਸ਼ੋਅ ਦੇ ਮੰਚ 'ਤੇ ਦੋਹਾਂ ਦਾ ਲੁੱਕ ਦੇਖਣਯੋਗ ਸੀ, ਜੋ ਇਕ-ਦੂਜੇ ਨੂੰ ਟੱਕਰ ਦੇ ਰਿਹਾ ਸੀ। ਐਵਾਰਡ ਸਮਾਗਮ 'ਚ ਰਣਵੀਰ ਸਿੰਘ ਹਮੇਸ਼ਾ ਵਾਂਗ ਆਪਣੇ ਵੱਖਰੇ ਅੰਦਾਜ਼ 'ਚ ਨਜ਼ਰ ਆਏ।
ਉਨ੍ਹਾਂ ਨੇ ਇਸ ਈਵੈਂਟ ਲਈ ਪਿੰਕ ਕੋਟ-ਪੈਂਟ ਚੁਣਿਆ, ਜਿਸ 'ਚ ਉਹ ਕਾਫੀ ਸਮਾਰਟ ਵੀ ਲੱਗ ਰਹੇ ਸਨ। ਗੁਲਾਬੀ ਰੰਗ 'ਚ 'ਸਿੰਬਾ' ਨੂੰ ਸਾਰੇ ਦੇਖਦੇ ਹੀ ਰਹਿ ਗਏ।
ਇਸ ਤੋਂ ਕੁਝ ਦਿਨ ਪਹਿਲਾਂ ਹੀ ਰਣਵੀਰ ਨੂੰ ਕਲਰਫੁੱਲ ਕੋਟ-ਪੈਂਟ 'ਚ ਦੇਖਿਆ ਗਿਆ ਸੀ, ਜਿਸ 'ਚ ਪਟਾਖਿਆਂ ਦੇ ਪੈਕਟ ਵਾਲਾ ਪ੍ਰਿੰਟ ਹੋਇਆ ਸੀ।
ਇਸ ਨੂੰ ਦੇਖ ਉਨ੍ਹਾਂ ਨੂੰ ਚਲਦਾ ਫਿਰਦਾ ਪਟਾਖਾ ਕਿਹਾ ਜਾ ਰਿਹਾ ਸੀ। ਇਸ ਤੋਂ ਬਾਅਦ 'ਸੰਜੂ' 'ਚ ਆਪਣੀ ਐਕਟਿੰਗ ਦਾ ਕਮਾਲ ਦਿਖਾ ਚੁਕੇ ਰਣਬੀਰ ਕਪੂਰ ਦੀ ਗੱਲ ਕੀਤੀ ਜਾਵੇ ਤਾਂ ਉਹ ਇੱਥੇ ਗੋਲਡਨ ਕਲਰ ਦੀ ਜੈਕੇਟ 'ਚ ਨਜ਼ਰ ਆਏ।
ਰਣਬੀਰ ਵੀ ਇਸ ਲੁੱਕ 'ਚ ਜ਼ਬਰਦਸਤ ਲੱਗ ਰਹੇ ਸਨ। ਬ੍ਰਾਈਟ ਐਵਾਰਡ ਦੀ ਰੈੱਡ ਕਾਰਪੇਟ 'ਤੇ ਦੋਹਾਂ ਸਟਾਰਜ਼ ਦੀ ਐਂਟਰੀ ਵੀ ਧਮਾਕੇਦਾਰ ਸੀ। ਦੋਵੇਂ ਸਟਾਰਸ ਨੇ ਮੀਡੀਆ ਨੂੰ ਖੂਬ ਪੋਜ਼ ਦਿੱਤੇ।