ਮੁੰਬਈ (ਬਿਊਰੋ) : ਟੀ. ਵੀ. ਅਦਾਕਾਰਾ ਹਿਨਾ ਖਾਨ ਇਨ੍ਹੀਂ ਦਿਨੀਂ 7ਵੇਂ ਅਸਮਾਨ 'ਤੇ ਹੈ। ਉਹ ਪਹਿਲੀ ਟੀ. ਵੀ. ਅਦਾਕਾਰਾ ਹੈ, ਜਿਸ ਨੇ 'ਕਾਨਸ ਫਿਲਮ ਫੈਸਟੀਵਲ' ਦੀ ਰੈੱਡ ਕਾਰਪੇਟ 'ਤੇ ਆਪਣਾ ਜਲਵਾ ਬਿਖੇਰਿਆ ਹੈ। ਪਹਿਲੇ ਦਿਨ ਹਿਨਾ ਨੇ ਸ਼ਿਮਰੀ ਗਾਊਨ 'ਚ ਆਪਣਾ ਕਾਨਫੀਡੈਂਟ ਲੁੱਕ ਦਿਖਾ ਸਭ ਨੂੰ ਹੈਰਾਨ ਕੀਤਾ ਸੀ।
ਇਸ ਤੋਂ ਬਾਅਦ ਹੁਣ ਹਿਨਾ ਨੇ ਆਪਣਾ ਖੂਬਸੂਰਤ ਫੋਟੋਸ਼ੂਟ ਕਰਵਾਇਆ ਹੈ। ਇਸ 'ਚ ਉਸ ਨੇ ਲੇਵੈਂਡਰ ਕੱਲਰ ਦੀ ਸਟਾਈਲਿਸ਼ ਮੈਕਸੀ ਪਾਈ ਹੈ। ਹਿਨਾ ਖਾਨ ਦੀ ਇਸ ਪੂਰੀ ਡਰੈੱਸ 'ਤੇ ਚੈਕਡ ਡਿਟੇਲਿੰਗ ਹੈ ਤੇ ਡਰੈੱਸ 'ਤੇ ਸਿਲਵਰ ਕਲਰ ਦੀ ਬੈਲਟ ਹੈ।
ਆਪਣੇ ਇਸ ਲੁੱਕ ਨੂੰ ਕੰਪਲੀਟ ਕਰਨ ਲਈ ਹਿਨਾ ਖਾਨ ਨੇ ਹਾਈਲਾਈਟਿਡ ਚੀਕਡ ਨਾਲ ਨਿਊਡ ਲਿਪਸਟਿਕ ਲਾਈ ਹੋਈ ਹੈ। ਉਸ ਨੇ ਇਹ ਤਸਵੀਰਾਂ ਸੋਸ਼ਲ ਮੀਡੀਆ ਇੰਸਟਾਗ੍ਰਾਮ 'ਤੇ ਵੀ ਸ਼ੇਅਰ ਕੀਤੀਆਂ ਹਨ।
ਦੱਸ ਦਈਏ ਕਿ ਹਿਨਾ ਖਾਨ ਦੇ ਫੈਨਜ਼ ਨੂੰ ਉਸ ਦੀ 'ਕਾਨਸ ਫਿਲਮ ਫੈਸਟੀਵਲ' ਦੀ ਇਹ ਲੁੱਕ ਵੀ ਬੇਹੱਦ ਪਸੰਦ ਆਈ ਹੈ। ਉਹ ਅਕਸਰ ਆਪਣੀ ਲੁੱਕਸ ਤੇ ਸਟਾਈਲ ਕਰਕੇ ਵੀ ਸੁਰਖੀਆਂ 'ਚ ਰਹਿੰਦੀ ਹੈ।
ਹਾਲ ਹੀ 'ਚ ਹਿਨਾ ਖਾਨ ਨੇ ਟੀ. ਵੀ. ਦੀ ਦੁਨੀਆ ਤੋਂ ਫਿਲਮਾਂ 'ਚ ਐਂਟਰੀ ਕੀਤੀ ਹੈ। ਉਸ ਨੇ ਪਹਿਲੀ ਫਿਲਮ ਵਿਕਰਮ ਭੱਟ ਨਾਲ ਸਾਈਨ ਕੀਤੀ ਹੈ।