ਜਲੰਧਰ (ਬਿਊਰੋ) : ਵੱਖ-ਵੱਖ ਗਾਇਕ ਆਪਣੇ ਸੁਰਾਂ ਨਾਲ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਪੱਧਰ ਨੂੰ ਪਸਾਰ ਰਹੇ ਹਨ। ਅਜਿਹਾ ਹੀ ਇਕ ਗਾਇਕ ਚਮਕੌਰ ਖੱਟੜਾ ਹੈ, ਜੋ ਕਿ 'ਸ਼ੌਕ ਨੂੰ ਕਰਾਈਆਂ ਮੁੱਛਾਂ ਖੁੰਡੀਆਂ' ਗੀਤ ਨਾਲ ਚਰਚਾ 'ਚ ਆਏ ਸਨ। ਦੱਸ ਦਈਏ ਕਿ ਅੱਜ ਪੰਜਾਬੀ ਗਾਇਕ ਚਮਕੌਰ ਖੱਟੜਾ ਆਪਣਾ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ।
ਉਨ੍ਹਾਂ ਨੂੰ ਆਪਣੇ ਸ਼ੁਰੂਆਤੀ ਕਰੀਅਰ ਦੌਰਾਨ ਕਾਫੀ ਸੰਘਰਸ਼ ਕਰਨਾ ਪਿਆ। ਤਮਕੌਰ ਖੱਟੜਾ ਨੇ 'ਦੁਨੀਆ', 'ਪੰਜਾਬ ਸਾਂਭ ਕੇ', 'ਯਾਰਾਂ ਦੀਆਂ ਯਾਰੀਆਂ', 'ਖੁੰਡੀ ਮੁੱਛ 2' ਅਤੇ 'ਕਮੀਆਂ' ਵਰਗੇ ਗੀਤਾਂ ਨਾਲ ਪੰਜਾਬੀ ਸੰਗੀਤ ਜਗਤ 'ਚ ਖਾਸ ਪਛਾਣ ਬਣਾ ਚੁੱਕੇ ਹਨ।
ਦੱਸ ਦਈਏ ਕਿ 'ਸ਼ੌਕ ਨੂੰ ਕਰਾਈਆਂ ਮੁੱਛਾਂ ਖੁੰਡੀਆਂ' ਗੀਤ ਨੂੰ ਚਮਕੌਰ ਖੱਟੜਾ ਨੇ ਖੱਟੀ ਲੱਸੀ ਪੀ ਕੇ ਰਿਕਾਰਡ ਕੀਤਾ ਸੀ। ਹੈਰਾਨੀ ਦੀ ਗੱਲ ਤਾਂ ਇਹ ਹੈ ਕਿ ਇਹ ਗੀਤ ਚਮਕੌਰ ਖੱਟੜਾ ਨੇ ਇਕ ਹੀ ਟੇਕ 'ਚ ਰਿਕਾਰਡ ਕਰ ਲਿਆ ਸੀ।
ਦੱਸ ਦਈਏ ਕਿ ਚਮਕੌਰ ਖੱਟੜਾ ਨੇ ਗਾਇਕੀ ਦੀ ਤਾਲੀਮ ਗੁਰਬਖਸ਼ ਸ਼ੌਕੀ ਤੋਂ ਲਈ ਹੈ, ਜਿਨ੍ਹਾਂ ਦਾ 'ਸਾਨੂੰ ਕਿੰਨਾ ਤੂੰ ਪਿਆਰਾ ਸਾਡਾ ਰੱਬ ਜਾਣਦਾ' ਗੀਤ ਹੈ। ਉਨ੍ਹਾਂ ਦਾ ਇਹ ਗੀਤ ਲੋਕਾਂ 'ਚ ਕਾਫੀ ਮਕਬੂਲ ਹੋਇਆ ਸੀ। ਇਸ ਤੋਂ ਇਲਾਵਾ ਚਮਕੌਰ ਖੱਟੜਾ ਸੰਗੀਤ ਜਗਤ ਨੂੰ ਕਾਫੀ ਸੁਪਰਹਿੱਟ ਗੀਤ ਦੇ ਚੁੱਕੇ ਹਨ।
ਦੱਸਣਯੋਗ ਹੈ ਕਿ ਚਮਕੌਰ ਖੱਟੜਾ ਨੇ ਦੱਸਿਆ ਕਿ ਮੇਰੇ ਗੀਤ 'ਵੈਲੀ ਪੁੱਤ ਜੱਟਾਂ ਦੇ ਪੁੱਤ ਬੰਦ ਬੋਤਲੇ', 'ਤੇਰਾ ਸੱਜਣ ਨਹੀਂ ਸੀ ਮਾੜਾ', 'ਬੱਤਾ ਵਾਲਾ ਚੌਕ' ਗੀਤ ਸੁਪਰਹਿੱਟ ਹਨ ਪਰ ਇਨ੍ਹਾਂ ਦੇ ਵਿਊਜ਼ 20-30 ਹਜ਼ਾਰ ਹੈ।
ਗੀਤਾਂ ਲਈ ਵਿਊਜ਼ ਕੋਈ ਅਹਿਮੀਅਤ ਨਹੀਂ ਰੱਖਦੇ ਪਰ ਅੱਜ ਕੱਲ ਤਾਂ ਫੇਕ ਵਿਊਜ਼ ਹੀ ਬਹੁਤ ਆਸਾਨੀ ਨਾਲ ਮਿਲ ਜਾਂਦੇ ਹਨ। ਇਸ ਤੋਂ ਇਲਾਵਾ ਚਮਕੌਰ ਖੱਟੜਾ ਦਾ ਫਿਲਮਾਂ 'ਚ ਆਉਣ ਦਾ ਕੋਈ ਪਲਾਨ ਨਹੀਂ ਹੈ ਪਰ ਜੇਕਰ ਕੋਈ ਮੌਕਾ ਮਿਲਿਆ ਤਾਂ ਉਹ ਜ਼ਰੂਰ ਫਿਲਮ 'ਚ ਕੰਮ ਕਰਨਾ ਚਾਹੁੰਣਗੇ।
