ਮੁੰਬਈ (ਬਿਊਰੋ) — 90 ਦੇ ਦਹਾਕੇ 'ਚ 'ਤੇਰੇ ਮੇਰੇ ਸਪਨੇ' ਫਿਲਮ ਰਾਹੀਂ ਬਾਲੀਵੁੱਡ 'ਚ ਆਏ ਚੰਦਰਚੂੜ ਸਿੰਘ ਦਾ ਦਾ ਬੀਤੇ ਦਿਨੀਂ ਜਨਮ ਦਿਨ ਸੀ। ਚੰਦਰਚੂੜ ਸਿੰਘ ਨੇ ਐਸ਼ਵਰਿਆ ਰਾਏ ਨਾਲ ਫਿਲਮ 'ਜੋਸ਼' 'ਚ ਕੰਮ ਕੀਤਾ ਹੈ। ਇਸ ਤੋਂ ਇਲਾਵਾ ਚੰਦਰਚੂੜ ਨੂੰ ਫਿਲਮ 'ਮਾਚਿਸ' ਲਈ ਵੀ ਯਾਦ ਕੀਤਾ ਜਾਂਦਾ ਹੈ। ਇਸ ਫਿਲਮ 'ਚ ਉਹ ਅੱਤਵਾਦੀ ਬਣੇ ਸਨ। ਇਸ ਫਿਲਮ ਲਈ ਉਨ੍ਹਾਂ ਨੂੰ ਫਿਲਮ ਫੇਅਰ ਐਵਾਰਡ ਨਾਲ ਵੀ ਨਵਾਜਿਆ ਗਿਆ ਸੀ।
ਚੰਦਰਚੂੜ ਸਿੰਘ ਉੱਤਰ ਪ੍ਰਦੇਸ਼ ਦੇ ਰਹਿਣ ਵਾਲੇ ਹਨ। ਉਨ੍ਹਾਂ ਦਾ ਜਨਮ ਅਲੀਗੜ੍ਹ 'ਚ ਹੋਇਆ ਸੀ। ਉਨ੍ਹਾਂ ਦੇ ਦੋ ਭਰਾ ਤੇ ਪਿਤਾ ਸਾਬਕਾ ਵਿਧਾਇਕ ਰਹਿ ਚੁੱਕੇ ਹਨ। ਉਨ੍ਹਾਂ ਨੇ ਦੇਹਰਾਦੂਨ ਦੇ ਦੂਨ ਸਕੂਲ ਤੋਂ ਪੜ੍ਹਾਈ ਕੀਤੀ ਹੈ। ਫਿਲਮਾਂ 'ਚ ਆਉਣ ਤੋਂ ਪਹਿਲਾਂ ਉਹ ਸੰਗੀਤ ਦੇ ਅਧਿਆਪਕ ਸਨ।
ਦੱਸ ਦਈਏ ਕਿ ਅਮਿਤਾਬ ਬੱਚਨ ਦੀ ਕੰਪਨੀ ਏ. ਬੀ. ਸੀ. ਐੱਲ. ਦੇ ਟੈਲੇਂਟ ਹੰਟ ਸ਼ੋਅ 'ਚ ਚੰਦਰਚੂੜ ਨੇ ਹਿੱਸਾ ਲਿਆ ਸੀ ਅਤੇ ਫਿਲਮ 'ਤੇਰੇ ਮੇਰੇ ਸਪਨੇ' ਨਾਲ ਉਨ੍ਹਾਂ ਨੂੰ ਪਛਾਣ ਮਿਲੀ ਸੀ। ਬਾਲੀਵੁੱਡ 'ਚ ਉਹ ਇਕ ਤੋਂ ਬਾਅਦ ਇਕ ਫਿਲਮਾਂ ਕਰ ਰਹੇ ਸਨ ਪਰ ਇਕ ਹਾਦਸੇ ਨੇ ਉਨ੍ਹਾਂ ਦੀ ਜ਼ਿੰਦਗੀ ਹੀ ਬਦਲ ਕੇ ਰੱਖ ਦਿੱਤੀ।
ਇਸ ਹਾਦਸੇ ਤੋਂ ਬਾਅਦ ਉਨ੍ਹਾਂ ਨੂੰ ਫਿਲਮਾਂ 'ਚ ਕੰਮ ਮਿਲਣਾ ਬੰਦ ਹੋ ਗਿਆ, ਅਚਾਨਕ ਉਹ ਬਾਲੀਵੁੱਡ 'ਚੋਂ ਗੁੰਮ ਹੋ ਗਏ। ਇਸ ਹਾਦਸੇ 'ਚ ਚੰਦਰਚੂੜ ਦੇ ਮੋਡੇ 'ਤੇ ਭਿਆਨਕ ਸੱਟ ਵੱਜੀ ਸੀ। ਇਸ ਹਾਦਸੇ 'ਚੋਂ ਉਭਰਨ 'ਚ ਚੰਦਰਚੂੜ ਨੂੰ 10 ਸਾਲ ਲੱਗ ਗਏ।
ਉਨ੍ਹਾਂ ਨੇ ਫਿਲਮ 'ਚਾਰ ਦਿਨ ਕੀ ਚਾਂਦਨੀ' ਨਾਲ ਦੁਬਾਰਾ ਵਾਪਸੀ ਕੀਤੀ ਪਰ ਇਹ ਫਿਲਮ ਫਲਾਪ ਹੋ ਗਈ ਤੇ ਉਹ ਇਕ ਵਾਰ ਫਿਰ ਵੱਡੇ ਪਰਦੇ ਤੋਂ ਗਾਇਬ ਹੋ ਗਏ। ਅੱਜ ਉਨ੍ਹਾਂ ਨੂੰ ਟੀ. ਵੀ. 'ਤੇ ਵੀ ਕੰਮ ਨਹੀਂ ਮਿਲ ਰਿਹਾ। ਉਨ੍ਹਾਂ ਦਾ ਵਿਆਹ ਅਵੰਤਿਕਾ ਕੁਮਾਰੀ ਨਾਲ ਹੋਇਆ। ਇਸ ਜੋੜੀ ਦਾ ਇਕ ਬੇਟਾ ਵੀ ਹੈ।
