FacebookTwitterg+Mail

‘ਛਪਾਕ’ ਦਾ ਟਰੇਲਰ ਰਿਲੀਜ਼ ਹੁੰਦਿਆ ਹੀ ਨਾਰਾਜ਼ ਹੋਈ ਐਸਿਡ ਅਟੈਕ ਪੀੜਤਾ ਲਕਸ਼ਮੀ

chhapaak
18 December, 2019 01:26:53 PM

ਮੁੰਬਈ(ਬਿਊਰੋ)- ਦੀਪਿਕਾ ਪਾਦੁਕੋਣ ਦੀ ‘ਛਪਾਕ’ ਫਿਲਮ ਦੇ ਟਰੇਲਰ ਨੂੰ ਦਰਸ਼ਕਾਂ ਦਾ ਖੂਬ ਪਿਆਰ ਮਿਲ ਰਿਹਾ ਹੈ। ਇਸ ਫਿਲਮ ਵਿਚ ਦੀਪਿਕਾ ਨੇ ਐਸਿਡ ਅਟੈਕ ਪੀੜਤਾ ਲਕਸ਼ਮੀ ਅੱਗਰਵਾਲ ਦਾ ਕਿਰਦਾਰ ਨਿਭਾਇਆ ਹੈ। ਫਿਲਮ ਦੇ ਟਰੇਲਰ ਵਿਚ ਦੀਪਿਕਾ ਦੇ ਅਭਿਨੈ ਦੀ ਤਾਰੀਫ ਕੀਤੀ ਜਾ ਰਹੀ ਹੈ। ਇਸੇ ਵਿਚਕਾਰ ਅਜਿਹੀ ਖਬਰ ਆ ਰਹੀ ਹੈ ਕਿ ਟਰੇਲਰ ਰਿਲੀਜ਼ ਹੋਣ ਤੋਂ ਬਾਅਦ ਐਸਿਡ ਅਟੈਕ ਪੀੜਤਾ ਇਸ ਫਿਲਮ ਦੇ ਮੇਕਰਸ ਤੋਂ ਖੁਸ਼ ਨਹੀਂ ਹੈ।
Punjabi Bollywood Tadka
ਖਬਰ ਮੁਤਾਬਕ ਲਕਸ਼ਮੀ ਅੱਗਰਵਾਲ ਫਿਲਮ ਲਈ ਮਿਲੀ ਫੀਸ ਕਾਰਨ ਨਾਰਾਜ਼ ਹੈ। ਲਕਸ਼ਮੀ ਨੂੰ ਫਿਲਮ ਦੇ ਕਾਪੀਰਾਈਟ ਲਈ 13 ਲੱਖ ਰੁਪਏ ਦਿੱਤੇ ਗਏ ਸਨ। ਜਿਸ ਸਮੇਂ ਲਕਸ਼ਮੀ ਨੂੰ ਇਹ ਰਕਮ ਦਿੱਤੀ ਗਈ ਸੀ, ਉਸ ਸਮੇਂ ਉਹ ਖੁਸ਼ ਸੀ ਪਰ ਹੁਣ ਉਹ ਜ਼ਿਆਦਾ ਪੈਸਿਆਂ ਦੀ ਮੰਗ ਕਰ ਰਹੀ ਹੈ। ਰਿਪੋਰਟ ਮੁਤਾਬਕ ਲਕਸ਼ਮੀ ਦੀ ਇਸੇ ਮੰਗ ਕਾਰਨ ਉਨ੍ਹਾਂ ਦਾ ਛਪਾਕ ਦੀ ਟੀਮ ਨਾਲ ਵਿਵਾਦ ਚੱਲ ਰਿਹਾ ਹੈ।
Punjabi Bollywood Tadka
ਦੱਸ ਦੇਈਏ ਕਿ ‘ਛਪਾਕ’ ਫਿਲਮ ਸ਼ੂਟਿੰਗ ਦੌਰਾਨ ਵੀ ਚਰਚਾ ਵਿਚ ਰਹੀ ਸੀ। ‘ਛਪਾਕ’ ਦੀ ਸ਼ੂਟਿੰਗ ਲਈ ਦੀਪਿਕਾ ਨੂੰ ਦਿੱਲੀ ਵਿਚ ਕਈ ਵਾਰ ਸਪਾਟ ਕੀਤਾ ਗਿਆ। ਇਸ ਫਿਲਮ ਵਿਚ ਦੀਪਿਕਾ ਤੋਂ ਇਲਾਵਾ ਵਿਕਰਾਂਤ ਮੈਸੀ ਮੁੱਖ ਭੂਮਿਕਾ ਵਿਚ ਹਨ। ਫਿਲਮ ਦਾ ਨਿਰਦੇਸ਼ਨ ਮੇਘਨਾ ਗੁਲਜ਼ਾਰ ਨੇ ਕੀਤਾ ਹੈ। ਇਹ ਫਿਲਮ ਅਗਲੇ ਸਾਲ 10 ਜਨਵਰੀ 2020 ਨੂੰ ਰਿਲੀਜ਼ ਹੋਵੇਗੀ।


Tags: ChhapaakLaxmi AgarwalNot HappyDeepika PadukoneMeghna GulzarBollywood Celebrity News in Punjabiਬਾਲੀਵੁੱਡ ਸਮਾਚਾਰ

About The Author

manju bala

manju bala is content editor at Punjab Kesari