FacebookTwitterg+Mail

ਕੋਰੋਨਾ ਵਾਇਰਸ ਕਾਰਨ ਬਦਲ ਸਕਦੀ ਹੈ ਇਨ੍ਹਾਂ 2 ਵੱਡੀਆਂ ਫਿਲਮਾਂ ਦੀ ਰਿਲੀਜ਼ਿੰਗ ਡੇਟ

coronavirus effect 83 sooryavanshi release date
11 March, 2020 02:03:26 PM

ਮੁੰਬਈ(ਬਿਊਰੋ)- ਕੋਰੋਨਾ ਵਾਇਰਸ ਦਾ ਅਸਰ ਹੁਣ ਭਾਰਤ ਵਿਚ ਵੀ ਆ ਚੁੱਕਿਆ ਹੈ। ਕੇਰਲ ਸਮੇਤ ਜੰਮੂ ਦੇ ਸਿਨੇਮਾਘਰਾਂ ਨੂੰ 31 ਮਾਰਚ ਤੱਕ ਬੰਦ ਰੱਖਣ ਦੇ ਆਦੇਸ਼ ਦੇ ਦਿੱਤੇ ਗਏ ਹਨ। ਤੇਜ਼ੀ ਨਾਲ ਫੈਲ ਰਹੇ ਵਾਇਰਸ ਵਿਚ ਹੁਣ ਅਜਿਹੀ ਜਾਣਕਾਰੀ ਸਾਹਮਣੇ ਆ ਰਹੀ ਹੈ ਕਿ ਫਿਲਮ ‘ਸੂਰਿਆਵੰਸ਼ੀ’ ਅਤੇ ‘83’ ਦੀ ਰਿਲੀਜ਼ ਡੇਟ ਵਿਚ ਬਦਲਾਅ ਕੀਤਾ ਜਾ ਸਕਦਾ ਹੈ। ਜਿੱਥੇ ਇਕ ਪਾਸੇ 24 ਮਾਰਚ ਨੂੰ ਰਿਲੀਜ਼ ਹੋ ਰਹੀ ‘ਸੂਰਿਆਵੰਸ਼ੀ’ ਲਈ ਅਕਸ਼ੈ ਕੁਮਾਰ ਅਤੇ ਰੋਹਿਤ ਸ਼ੈੱਟੀ, ਰਿਲਾਇੰਸ ਐਂਟਰਟੇਨਮੈਂਟ ਹੈੱਡ ਨਾਲ ਮੁਲਾਕਾਤ ਕਰਕੇ ਇਸ ਬਾਰੇ ਵਿਚ ਚਰਚਾ ਕਰ ਸਕਦੇ ਹਨ।

ਉਥੇ ਹੀ ‘83’ ਦੇ ਟਰੇਲਰ ਲਾਂਚ ਦੇ ਮੁਲਤਵੀ ਹੋਣ ਤੋਂ ਬਾਅਦ ਹੁਣ ਇਸ ਦੀ ਰਿਲੀਜ਼ ਡੇਟ (10 ਅਪ੍ਰੈਲ) ਦੇ ਖਿਸਕਣ ਦਾ ਵੀ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ। ਹਾਲਾਂਕਿ ਰਿਲੀਜ਼ ਡੇਟ ਵਿਚ ਬਦਲਾਅ ਨੂੰ ਲੈ ਕੇ ਅਜੇ ਕਿਸੇ ਵੀ ਤਰ੍ਹਾਂ ਦੀ ਆਧਿਕਾਰਿਕ ਪੁਸ਼ਟੀ ਜਾਂ ਬਿਆਨ ਸਾਹਮਣੇ ਨਹੀਂ ਆਇਆ ਹੈ। ਦੋਵੇਂ ਹੀ ਫਿਲਮਾਂ ਵੱਲੋਂ ਅਜੇ ਇਸ ਵਿਸ਼ੇ ’ਤੇ ਕਿਸੇ ਵੀ ਤਰ੍ਹਾਂ ਦਾ ਫੈਸਲਾ ਨਹੀਂ ਲਈ ਜਾਣ ਦੀ ਗੱਲ ਕੀਤੀ ਜਾ ਰਹੀ ਹੈ। ਸੂਤਰਾਂ ਮੁਤਾਬਕ, ਕੋਰੋਨਾ ਵਾਇਰਸ ਦੇ ਵੱਧਦੇ ਕਹਿਰ ਦੇ ਚਲਦੇ ਲੋਕਾਂ ਵੱਲੋਂ ਫਿਲਮ ਰਿਲੀਜ਼ ਡੇਟ ਵਿਚ ਬਦਲਾਅ ਦੇ ਅੰਦਾਜ਼ੇ ਲਗਾਏ ਜਾ ਰਹੇ ਹਨ। ਫਿਲਮ ਦੇ ਪ੍ਰੋਡਕਸ਼ਨ ਹਾਊਸ ਵੱਲੋਂ ਅਜੇ ਕਿਸੇ ਵੀ ਤਰ੍ਹਾਂ ਦਾ ਫੈਸਲਾ ਨਹੀਂ ਲਿਆ ਗਿਆ ਹੈ। ਹਾਂ, ‘83’ ਦਾ ਟਰੇਲਰ ਲਾਂਚ ਮੁਲਤਵੀ ਕੀਤੇ ਜਾਣ ਕਾਰਨ ਇਸ ਗੱਲ ਨੂੰ ਜੋਰ ਜਰੂਰ ਮਿਲਦਾ ਹੈ ਪਰ ਕੋਈ ਆਧਿਕਾਰਿਕ ਬਿਆਨ ਸਾਹਮਣੇ ਨਹੀਂ ਆਇਆ ਹੈ। ਇੱਕ-ਦੋ ਦਿਨਾਂ ਵਿਚ ਇਸ ਨੂੰ ਲੈ ਕੇ ਨਿਰਮਾਤਾਵਾਂ ਦਾ ਰੁਖ਼ ਸਾਫ਼ ਹੋ ਜਾਵੇਗਾ।

ਧਿਆਨਯੋਗ ਹੈ ਕਿ ਚੀਨ ਸਮੇਤ ਦੁਨੀਆ ਭਰ ਦੇ ਕਈ ਦੇਸ਼ਾਂ ਵਿਚ ਸਿਨੇਮਾਘਰਾਂ ਨੂੰ ਵੀ ਬੰਦ ਕਰ ਦਿੱਤਾ ਗਿਆ ਹੈ। ਬੀਤੇ ਕੁੱਝ ਦਿਨ ਪਹਿਲਾਂ ਮਸ਼ਹੂਰ ਹਾਲੀਵੁੱਡ ਫਿਲਮ ‘ਜੇਮਸ ਬਾਂਡ’ ਦੀ ਵੀ ਰਿਲੀਜ਼ ਡੇਟ ਵਿਚ ਬਦਲਾਅ ਕਰਕੇ ਇਸ ਨੂੰ ਕਰੀਬ ਸੱਤ ਮਹੀਨੇ ਅੱਗੇ ਖਿਸਕਾ ਦਿੱਤਾ ਗਿਆ। ਭਾਰਤ ਵਿਚ ਵੀ ਕੋਰੋਨਾ ਵਾਇਰਸ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਦੇਸ਼ ਵਿਚ ਸਥਾਪਿਤ ਲੋਕਾਂ ਦੀ ਗਿਣਤੀ 50 ਦੇ ਪਾਰ ਪਹੁੰਚ ਚੁੱਕੀ ਹੈ।


Tags: Coronavirus Effect83SooryavanshiRelease DateBollywood Celebrity News in Punjabiਬਾਲੀਵੁੱਡ ਸਮਾਚਾਰ

About The Author

manju bala

manju bala is content editor at Punjab Kesari