ਨਵੀਂ ਦਿੱਲੀ(ਬਿਊਰੋ)- ਚਕਰਵਾਤੀ ਤੂਫਾਨ ‘ਨਿਸਰਗ’ ਮਹਾਰਾਸ਼ਟਰ ਅਤੇ ਗੁਜਰਾਤ ਦੇ ਤੱਟਾਂ ਵੱਲ ਤੇਜੀ ਨਾਲ ਵੱਧ ਰਿਹਾ ਹੈ ਅਤੇ ਇਹ ਮੁੰਬਈ ਤੋਂ 100 ਕਿਲੋਮੀਟਰ ਦੂਰ ਸਥਿਤ ਅਲੀਬਾਗ ਵਿਚ ਤਟ ਨਾਲ ਇਹ ਤੂਫਾਨ ਟਕਰਾਵੇਗਾ। ਇਸ ਦੌਰਾਨ 110 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਹਵਾਵਾਂ ਚੱਲ ਸਕਦੀਆਂ ਹਨ । ਇਸ ਨਾਲ ਲੈਂਡ ਸਲਾਈਡਿੰਗ ਦਾ ਵੀ ਸ਼ੱਕ ਹੈ। ਇਸ ਗੱਲ ਨੂੰ ਲੈ ਕੇ ਬਾਲੀਵੁਡ ਦੀ ਦੇਸੀ ਗਰਲ ਯਾਨੀ ਪ੍ਰਿਅੰਕਾ ਚੋਪੜਾ ਨੇ ਟਵੀਟ ਕਰ ਚਿੰਤਾ ਜਤਾਈ ਹੈ । ਉਨ੍ਹਾਂ ਆਪਣੇ ਟਵੀਟ ਵਿਚ ਕਿਹਾ ਕਿ ਸਾਈਕਲੋਨ ਨਿਸਰਗ ਮੇਰੇ ਪਿਆਰੇ ਸ਼ਹਿਰ ਮੁੰਬਈ ਲਈ ਆਪਣਾ ਰਸਤਾ ਬਣਾ ਰਿਹਾ ਹੈ, ਜਿੱਥੇ ਮੇਰੀ ਮਾਂ ਅਤੇ ਭਰਾ ਦੇ ਨਾਲ 2 ਕਰੋੜ ਤੋਂ ਵੀ ਜ਼ਿਆਦਾ ਲੋਕ ਰਹਿੰਦੇ ਹਨ।
ਅਦਾਕਾਰਾ ਮਾਧੁਰੀ ਨੇ ਕੀਤਾ ਇਹ ਪੋਸਟ
ਉਥੇ ਹੀ ਮਾਧੁਰੀ ਦੀਕਸ਼ਿਤ ਨੇ ਪੋਸਟ ਕਰਕੇ ਲਿਖਿਆ,‘‘ ਅੱਜ ਦੀ ਸਵੇਰ ਕੁਝ ਅਜੀਬ ਜਿਹੀ ਹੈ। ਸ਼ਾਇਦ ਕੋਈ ਤੂਫਾਨ ਆਉਣ ਤੋਂ ਪਹਿਲਾਂ ਦੀ ਸ਼ਾਂਤੀ ਹੈ। ਮਹਾਮਾਹੀ ਕੀ ਕਾਫੀ ਨਹੀਂ ਸੀ ਜੋ ਹੁਣ ਇਹ ਸਾਈਕਲੋਨ ਵੀ ਰਸਤੇ ਵਿਚ ਹੈ। ਇਹ ਮੁੰਬਈ ਲਈ ਮੁਸ਼ਕਲ ਸਮਾਂ ਹੈ। ਅਸੀਂ ਇਸ ਤੋਂ ਬਾਹਰ ਨਿਕਲਾਂਗੇ।’’