ਮੁੰਬਈ(ਬਿਊਰੋ)— ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਦੇ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 12' ਦੀ ਲੋਕ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਹਰ ਕਿਸੇ ਨੂੰ ਸ਼ੋਅ ਤੋਂ ਦੁਗਣੇ ਮਜ਼ੇ ਦੀ ਉਮੀਦ ਹੈ। ਹਾਲ ਹੀ 'ਚ ਖਬਰ ਆਈ ਸੀ ਕਿ 'ਬਿੱਗ ਬੌਸ' 'ਚ ਸਾਰੇ ਪਾਰਟੀਸਪੈਂਟਸ (ਮੁਕਾਬਲੇਬਾਜ਼) ਜੋੜੀਆਂ 'ਚ ਐਂਟਰੀ ਨਹੀਂ ਕਰਨਗੇ। ਇਸ ਵਾਰ ਸ਼ੋਅ 'ਚ 21 ਕੰਟੈਸਟੈਂਟਸ ਹੋਣਗੇ, ਜਿਨ੍ਹਾਂ 'ਚ ਸਿਰਫ 6 ਜੋੜੀਆਂ ਹੋਣਗੀਆਂ ਤਿੰਨ ਆਮ ਲੋਕਾਂ ਦੀਆਂ ਤੇ ਤਿੰਨ ਸੇਲੈਬ੍ਰਿਟੀਜ਼ ਦੀ।
ਇਸ ਦੀ ਕੀ ਪਲਾਂਨਿੰਗ ਹੈ, ਇਹ ਤਾਂ ਸ਼ੋਅ ਦੇ ਆਨ-ਏਅਰ ਹੋਣ ਤੋਂ ਬਾਅਦ ਹੀ ਪਤਾ ਲੱਗੇਗਾ। ਹਰ ਸਾਲ ਸ਼ੋਅ 'ਚ ਕੰਟੈਸਟੈਂਟਸ ਨੂੰ ਕੁਝ ਪੇਮੈਂਟ ਹੁੰਦੀ ਹੈ ਤੇ ਹਰ ਕੋਈ ਜਾਣਨ ਲਈ ਬੇਤਾਬ ਹੁੰਦਾ ਹੈ ਕਿ ਕਿਸ ਨੂੰ ਕਿੰਨੇ ਪੈਸੇ ਮਿਲੇ ਹਨ।
ਦੱਸ ਦਈਏ ਇਸ ਵਾਰ ਦੀ ਸਭ ਤੋਂ ਮਹਿੰਗੀ ਜੋੜੀ ਬ੍ਰਿਟਿਸ਼ ਪੌਰਨਸਟਾਰ ਡੈਨੀ ਡੀ ਤੇ ਉਸ ਦੀ ਪਾਟਨਰ ਮਾਹਿਕ ਸ਼ਰਮਾ ਦੀ ਹੈ, ਜੋ ਇਸ ਸਾਲ 95 ਲੱਖ ਹਰ ਹਫਤੇ ਦੀ ਕਮਾਈ ਕਰਨ ਵਾਲੀ ਜੋੜੀ ਹੈ। ਦੋਵੇਂ ਇਸ ਸਮੇਂ 'ਦਿ ਮਾਡਰਨ ਕਲਚਰ' ਨਾਂ ਦੇ ਪ੍ਰੋਜੈਕਟ 'ਤੇ ਕੰਮ ਕਰ ਰਹੇ ਹਨ। ਇਸ ਦੀ ਸ਼ੂਟਿੰਗ ਭਾਰਤ ਤੇ ਅਮਰੀਕਾ 'ਚ ਹੋਣੀ ਹੈ। ਇਸ ਦੇ ਨਾਲ ਹੀ ਬਾਲੀਵੁੱਡ 'ਚ ਖਬਰਾਂ ਇਹ ਵੀ ਹਨ ਕਿ ਇਸ ਵਾਰ ਸ਼ੋਅ 'ਚ ਮਿਲਿੰਦ ਸੋਨਮ ਤੇ ਅੰਕਿਤਾ ਕੰਵਰ ਵੀ ਹਿੱਸਾ ਲੈ ਰਹੇ ਹਨ। ਦੋਵਾਂ ਨੇ ਕੁਝ ਮਹੀਨੇ ਪਹਿਲਾਂ ਹੀ ਵਿਆਹ ਕਰਵਾਇਆ ਸੀ।