ਮੁੰਬਈ(ਬਿਊਰੋ)— ਬਾਲੀਵੁੱਡ 'ਚ ਇਨ੍ਹੀਂ ਦਿਨੀਂ ਦੀਪਿਕਾ ਪਾਦੂਕੋਣ ਅਤੇ ਰਣਵੀਰ ਸਿੰਘ ਦੀ ਜੋੜੀ ਨੂੰ ਪ੍ਰਸ਼ੰਸਕ ਰੀਲ ਲਾਈਫ ਦੇ ਨਾਲ-ਨਾਲ ਰੀਅਲ ਲਾਈਫ 'ਚ ਵੀ ਪਸੰਦ ਕਰ ਰਹੇ ਹਨ। ਪਿਛਲੇ ਦਿਨਾਂ ਤੋਂ ਇਸ ਜੋੜੇ ਦੇ ਜਲਦ ਵਿਆਹ ਦੇ ਬੰਧਨ 'ਚ ਬੱਝ ਜਾਣ ਦੀਆਂ ਖਬਰਾਂ ਵੀ ਆ ਰਹੀਆਂ ਹਨ ਪਰ ਇਸ ਕੱਪਲ ਨੂੰ ਲੈ ਕੇ ਕਰਨ ਜੌਹਰ ਨੇ ਇਕ ਵੱਡਾ ਖੁਲਾਸਾ ਕਰ ਦਿੱਤਾ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਬਾਲੀਵੁੱਡ ਕੱਪਲ ਦੇ ਲਾਂਗ ਡਿਸਟੈਂਸ ਰਿਲੇਸ਼ਨਸ਼ਿੱਪ ਕਾਰਨ ਬ੍ਰੇਕਅੱਪ ਹੋ ਸਕਦਾ ਹੈ। ਰਣਵੀਰ-ਦੀਪਿਕਾ ਦੇ ਰਿਲੇਸ਼ਨ 'ਤੇ ਕਰਨ ਜੌਹਰ ਨੇ ਰੇਡੀਓ ਸ਼ੋਅ 'ਤੇ ਗੱਲ ਕੀਤੀ। ਹਾਲ ਹੀ 'ਚ ਉਨ੍ਹਾਂ ਦੇ ਰੇਡੀਓ ਸ਼ੋਅ 'ਚ 'reverse rapid fire' ਰਾਊਂਡ ਸ਼ੁਰੂ ਹੋਇਆ।
ਉਸੇ ਸਮੇਂ ਇਕ ਕਾਲਰ ਨੇ ਕਰਨ ਤੋਂ ਸਵਾਲ ਕੀਤਾ ਕਿ ਕਿਹੜਾ ਬਾਲੀਵੁੱਡ ਕੱਪਲ ਦਾ ਲਾਂਗ ਡਿਸਟੈਂਸ ਰਿਲੇਸ਼ਨਸ਼ਿੱਪ ਦਾ ਬ੍ਰੇਕਅੱਪ ਹੋ ਸਕਦਾ ਹੈ? ਇਸ ਸਵਾਲ ਦੇ ਜਵਾਬ 'ਚ ਕਰਨ ਨੇ ਕਿਹਾ, ''ਰਣਵੀਰ ਸਿੰਘ ਤੇ ਦੀਪਿਕਾ ਪਾਦੂਕੋਣ ਨੂੰ ਦੇਖ ਕੇ ਮੈਨੂੰ ਅਜਿਹਾ ਲੱਗਦਾ ਹੈ ਕਿ ਦੋਹਾਂ ਨੂੰ ਹਮੇਸ਼ਾ ਇਕ-ਦੂਜੇ ਦੀ ਜ਼ਰੂਰਤ ਹੁੰਦੀ ਹੈ ਪਰ ਕੰਮ 'ਚ ਰੁੱਝੇ ਹੋਣ ਕਾਰਨ ਇਕ-ਦੂਜੇ ਨੂੰ ਟਾਈਮ ਦੇ ਪਾਉਣਾ ਦੋਹਾਂ ਲਈ ਮੁਸ਼ਕਿਲ ਹੈ।''
ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ ਰਣਵੀਰ-ਦੀਪਿਕਾ ਬਾਲੀਵੁੱਡ ਸਟਾਰਜ਼ ਹੇਲੋ ਹਾਲ ਆਫ ਫੇਮ ਐਵਾਰਡਜ਼ 2018 ਦੇ ਬਲਿਊ ਕਾਰਪੇਟ 'ਤੇ ਦਿਖੇ ਸਨ। ਇਸ ਇਵੈਂਟ 'ਚ ਦੀਪਿਕਾ ਪਾਦੂਕੋਣ ਤੇ ਰਣਵੀਰ ਸਿੰਘ ਨੂੰ 'ਐਂਟਰਟੇਨ ਆਫ ਦਿ ਈਅਰ' ਐਵਾਰਡ ਦਿੱਤਾ ਗਿਆ।
ਪਿਛਲੇ ਦਿਨੀਂ ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਦੇ ਵਿਆਹ ਤੋਂ ਬਾਅਦ ਖਬਰਾਂ ਆਈਆਂ ਸਨ ਕਿ ਇਸੇ ਸਾਲ ਦੀਪਿਕਾ ਪਾਦੂਕੋਣ ਤੇ ਰਣਵੀਰ ਸਿੰਘ ਵੀ ਵਿਆਹ ਦੇ ਬੰਧਨ 'ਚ ਬੱਝ ਜਾਣਗੇ। ਮੀਡੀਆ ਰਿਪੋਰਟਸ ਮੁਤਾਬਕ ਦੀਪਿਕਾ ਦੇ ਮਾਤਾ-ਪਿਤਾ ਨੂੰ ਮਿਲਣ ਰਣਵੀਰ ਬੈਂਗਲੁਰੂ ਵੀ ਗਏ ਸਨ।
ਫਿਲਮਾਂ ਦੀ ਗੱਲ ਕਰੀਏ ਤਾਂ ਰਣਵੀਰ 'ਗਲੀ ਬੁਆਏ' ਤੇ ਦੀਪਿਕਾ ਜਲਦ ਇਰਫਾਨ ਖਾਨ ਨਾਲ ਫਿਲਮ ਦੀ ਸ਼ੂਟਿੰਗ ਕਰਨਗੇ।
ਦੀਪਿਕਾ ਅੱਜਕਲ ਆਪਣੀ ਪਿੱਠ ਦਰਦ ਦਾ ਇਲਾਜ ਕਰਵਾ ਰਹੀ ਹੈ। 'ਪਦਮਾਵਤ' ਦੀ ਸ਼ੂਟਿੰਗ ਦੌਰਾਨ ਉਨ੍ਹਾਂ ਨੂੰ ਇਹ ਤਕਲੀਫ ਹੋਈ ਸੀ। ਡਾਕਟਰਜ਼ ਨੇ ਉਨ੍ਹਾਂ ਨੂੰ ਲੰਬੇ ਸਮੇਂ ਲਈ ਰੈਸਟ ਦੀ ਸਲਾਹ ਦਿੱਤੀ ਹੈ।
