ਮੁੰਬਈ(ਬਿਊਰੋ)— ਬਾਲੀਵੁੱਡ ਤੇ ਹਾਲੀਵੁੱਡ ਅਦਾਕਾਰਾ ਪ੍ਰਿਅੰਕ ਚੋਪੜਾ ਅਤੇ ਨਿਕ ਜੋਨਸ ਦੇ ਨਾਲ-ਨਾਲ ਹੁਣ ਬਾਜੀਰਾਓ-ਮਸਤਾਨੀ ਦੀਪਿਕਾ ਪਾਦੂਕੋਣ ਦਾ ਵਿਆਹ ਲਗਾਤਾਰ ਸੁਰਖੀਆਂ 'ਚ ਬਣਿਆ ਹੋਇਆ ਹੈ। ਦੋਵਾਂ ਦੇ ਵਿਆਹ ਦੀਆਂ ਤਿਆਰੀਆਂ 'ਤੇ ਸਭ ਦੀਆਂ ਨਜ਼ਰਾਂ ਟਿੱਕੀਆਂ ਹੋਇਆਂ ਹਨ।
ਇਸ ਖੂਬਸੂਰਤ ਕੱਪਲ ਦੇ ਵਿਆਹ ਦੇ ਐਲਾਨ ਦਾ ਹਰ ਕੋਈ ਇਤਜ਼ਾਰ ਕਰ ਰਿਹਾ ਹੈ। ਹਾਲ ਹੀ 'ਚ ਖਬਰ ਆਈ ਹੈ ਕਿ ਦੀਪਿਕਾ ਪਾਦੁਕੋਣ ਦੀ ਮਾਂ, ਉਜਾਲਾ ਪਾਦੁਕੋਣ ਨੇ ਵਿਆਹ ਤੋਂ ਠੀਕ 10 ਦਿਨ ਪਹਿਲਾਂ ਘਰ 'ਚ ਪੁੱਜਾ ਕਰਵਾਉਣ ਦੀ ਤਿਆਰੀ ਕਰ ਲਈ ਹੈ। ਇਹ ਪੂਜਾ ਦੀਪਿਕਾ ਦੇ ਬੈਂਗਲੌਰ ਵਾਲੇ ਘਰ 'ਚ ਹੀ ਹੋਣੀ ਹੈ। ਇਸ 'ਚ ਰਣਵੀਰ ਸਿੰਘ ਤੇ ਉਨ੍ਹਾਂ ਦਾ ਪੂਰਾ ਪਰਿਵਾਰ ਵੀ ਇਸ ਪੂਜਾ 'ਚ ਸ਼ਾਮਲ ਹੋਵੇਗਾ।
ਦੱਸ ਦੇਈਏ ਕਿ ਦੀਪਿਕਾ ਦੇ ਘਰ ਮਾਂ ਨੰਦੀ ਦੀ ਪੂਜਾ ਹੋਣੀ ਹੈ, ਜਿਸ ਲਈ ਮੰਦਰ ਦੇ ਪੰਡਿਤਾਂ ਨਾਲ ਵੀ ਗੱਲ ਹੋ ਚੁੱਕੀ ਹੈ। ਦੀਪਿਕਾ ਨੂੰ ਪੂਜਾ ਤੋਂ ਬਾਅਦ ਪੂਰੇ ਰੀਤੀ ਰਿਵਾਜਾਂ ਨਾਲ ਕੱਚ ਦੀਆਂ ਚੂੜੀਆਂ ਪਾਈਆਂ ਜਾਣਗੀਆਂ। ਖਬਰਾਂ ਇਹ ਵੀ ਹਨ ਕਿ ਦੋਵਾਂ ਦਾ ਵਿਆਹ 20 ਨਵੰਬਰ ਨੂੰ ਹੋਣਾ ਹੈ। ਇਸ ਲਈ ਦੋਵਾਂ ਨੇ ਆਪਣੀ ਪਸੰਦ ਦੀ ਥਾਂ ਚੁਣੀ ਹੈ। ਵਿਆਹ ਸਿੰਪਲ ਹੋਵੇਗਾ ਅਤੇ ਇਸ 'ਚ ਸਿਰਫ 30 ਦੇ ਕਰੀਬ ਖਾਸ ਮਹਿਮਾਨ ਹੀ ਸ਼ਾਮਲ ਹੋਣਗੇ। ਵਿਆਹ ਲਈ ਦੋ ਪਾਰਟੀਆਂ ਰੱਖੀਆਂ ਜਾਣਗੀਆਂ।
