ਮੁੰਬਈ(ਬਿਊਰੋ)— ਇਕ ਪ੍ਰਮੁੱਖ ਵੈੱਬਸਾਈਟ ਅਨੁਸਾਰ, ਬਾਲੀਵੁੱਡ ਦੇ ਤਮਾਮ ਸਿਤਾਰਿਆਂ ਵਿਚ ਦੀਪਿਕਾ ਪਾਦੁਕੋਣ ਦੀ ਬਰਾਂਡ ਵੈਲਿਊ ਸਭ ਤੋਂ ਜਿਆਦਾ ਹੈ। ਰਿਪੋਰਟ ਮੁਤਾਬਕ ਭਾਰਤ ਦੀਆਂ ਮਸ਼ਹੂਰ ਹਸਤੀਆਂ ਦਾ ਬਰਾਂਡ ਮੁੱਲ ਸਾਲਾਂ ਤੋਂ ਵੱਧ ਰਹੇ ਹਨ। ਇਸ ਦੋੜ 'ਚ ਦੀਪਿਕਾ ਪਾਦੁਕੋਣ ਨੇ ਉੱਚ ਸਥਾਨ ਹਾਸਿਲ ਕੀਤਾ ਹੈ ਅਤੇ ਸਾਰੀਆਂ ਮਸ਼ਹੂਰ ਹਸਤੀਆਂ ਨੂੰ ਪਛਾੜਦੇ ਹੋਏ, $102.5 ਮਿਲੀਅਨ ਦੇ ਬਰਾਂਡ ਨਾਲ ਉਹ ਬਾਲੀਵੁੱਡ ਅਦਾਕਾਰਾ ਬਣ ਗਈ ਹੈ। ਫ਼ਿਲਮ 'ਪਦਮਾਵਤ' ਵਿਚ ਦੀਪਿਕਾ ਪਾਦੁਕੋਣ ਨੇ ਆਪਣੇ ਅਭਿ ਨਾਲ ਹਰ ਕਿਸੇ ਦਾ ਦਿਲ ਜਿੱਤ ਲਿਆ ਸੀ। ਫ਼ਿਲਮ ਵਿਚ ਰਾਣੀ ਪਦਮਾਵਤੀ ਦੀ ਭੂਮਿਕਾ 'ਚ ਅਦਾਕਾਰਾ ਨੇ ਨਾ ਸਿਰਫ ਖੂਬਸੂਰਤੀ ਸਗੋਂ ਹਿੰਮਤ ਅਤੇ ਬਹਾਦਰੀ ਦਾ ਵੀ ਪ੍ਰਦਰਸ਼ਨ ਕੀਤਾ। ਦਰਸ਼ਕਾਂ ਦੇ ਦਿਲਾਂ 'ਚ ਜਗ੍ਹਾ ਬਣਾਉਂਦੇ ਹੋਏ 'ਪਦਮਾਵਤ' ਬਾਕਸ ਆਫਿਸ 'ਤੇ 300 ਕਰੋੜ ਦਾ ਸੰਖਿਆ ਪਾਰ ਕਰਨ 'ਚ ਸਫਲ ਰਹੀ। ਇਸ ਉਪਲਬਧੀ ਨੇ ਉਨ੍ਹਾਂ ਨੂੰ ਬਾਲੀਵੁੱਡ ਦੀ ਰਾਣੀ ਬਣਾ ਦਿੱਤਾ ਹੈ। ਫੋਰਬਸ ਦੁਆਰਾ ਸਭ ਤੋਂ ਅਮੀਰ ਭਾਰਤੀ ਹਸਤੀਆਂ ਦੀ ਟਾਪ 5 ਦੀ ਸੂਚੀ 'ਚ ਜਗ੍ਹਾ ਪਾਉਣ ਵਾਲੀ ਸਿਰਫ ਇਕ ਮਹਿਲਾ ਬਣ ਕੇ ਦੀਪਿਕਾ ਪਾਦੁਕੋਣ ਨੇ ਨਵੀਂ ਮਿਸਾਲ ਕਾਇਮ ਕੀਤੀ ਹੈ। ਅੱਜ ਇਹ ਅਦਾਕਾਰਾ ਸਭ ਤੋਂ ਜਿਆਦਾ ਫੀਸ ਲੈਣ ਵਾਲੀਆਂ ਅਦਾਕਾਰਾਂ 'ਚੋਂ ਇਕ ਹੈ। ਦੱਸ ਦੇਈਏ ਕਿ ਦੀਪੀਕਾ ਪਾਦੁਕੋਣ ਮੇਘਨਾ ਗੁਲਜ਼ਾਰ ਦੁਆਰਾ ਨਿਰਦੇਸ਼ਤ ਐਸਿਡ ਅਟੈਕ ਸਰਵਾਈਵਲ ਦੀ ਸੱਚੀ ਕਹਾਣੀ 'ਤੇ ਆਧਾਰਿਤ ਆਪਣੀ ਅਗਲੀ ਫਿਲਮ 'ਛਪਾਕ' ਦੀ ਤਿਆਰੀ 'ਚ ਬਿਜ਼ੀ ਹੈ।