ਮੁੰਬਈ (ਬਿਊਰੋ) — ਬਾਲੀਵੁੱਡ ਅਭਿਨੇਤਰੀ ਦੀਪਿਕਾ ਪਾਦੂਕੋਣ ਦੀ ਡਿਪਰੈਸ਼ਨ ਨਾਲ ਲੜਾਈ ਦੀ ਕਹਾਣੀ ਕਿਤਾਬ 'ਚ ਛੱਪਣ ਜਾ ਰਹੀ ਹੈ। ਦੀਪਿਕਾ ਅਕਸਰ ਡਿਪਰੈਸ਼ਨ ਬਾਰੇ ਖੁੱਲ੍ਹ ਕੇ ਗੱਲਾਂ ਕਰਦੀ ਹੈ ਅਤੇ ਲੋਕਾਂ ਨੂੰ ਇਸ ਬਾਰੇ ਗੱਲ ਕਰਨ ਲਈ ਸਾਹਮਣੇ ਆਉਣ ਲਈ ਪ੍ਰੇਰਿਤ ਕਰਦੀ ਹੈ। ਡਿਪ੍ਰੈਸ਼ਨ ਨਾਲ ਦੀਪਿਕਾ ਦੀ ਲੜਾਈ ਦੀ ਕਹਾਣੀ ਇਕ ਕਿਤਾਬ 'ਚ ਛਪਣ ਜਾ ਰਹੀ ਹੈ।
ਜ਼ਿਕਰਯੋਗ ਹੈ ਕਿ ਦੀਪਿਕਾ ਇਕ ਸਮੇਂ ਡਿਪਰੈਸ਼ਨ ਦਾ ਸ਼ਿਕਾਰ ਹੋ ਗਈ ਸੀ। ਬਾਅਦ 'ਚ ਉਸ ਨੇ ਖੁਦ ਇਸ ਬਾਰੇ ਸਾਰਿਆਂ ਨੇ ਦੱਸਿਆ। ਦੀਪਿਕਾ ਨੇ ਡਿਪਰੈਸ਼ਨ ਨਾਲ ਜੂਝ ਰਹੇ ਲੋਕਾਂ ਲਈ ਇਕ ਸੰਸਥਾ ਦੀ ਵੀ ਸ਼ੁਰੂਆਤ ਕੀਤੀ ਹੈ। ਹੁਣ ਉਸ ਦੀ ਇਹ ਕਹਾਣੀ ਬੱਚਿਆਂ ਦੀ ਇਕ ਕਿਤਾਬ 'ਚ ਛੱਪਣ ਜਾ ਰਹੀ ਹੈ ਜਿਸ ਦਾ ਨਾਂ ਹੈ 'ਦਿ ਡਾਟ ਦੈਟ ਵੈਂਟ ਫਾਰ ਏ ਵਾਕ'।