ਮੁੰਬਈ(ਬਿਊਰੋ)— ਰਣਵੀਰ ਸਿੰਘ ਨਾਲ ਵਿਆਹ ਤੋਂ ਬਾਅਦ ਦੀਪਿਕਾ ਪਾਦੂਕੋਣ ਆਪਣੀ ਪਹਿਲੀ ਫਿਲਮ 'ਛਪਾਕ' ਦੀ ਸ਼ੂਟਿੰਗ 'ਚ ਰੁੱਝੀ ਹੈ। ਫਿਲਮ ਦਿੱਲੀ 'ਚ ਸ਼ੂਟ ਹੋ ਰਹੀ ਹੈ। ਇਸ ਦੀਆਂ ਆਏ ਦਿਨ ਤਸਵੀਰਾਂ ਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਹੁਣ ਦੀਪਿਕਾ ਦੇ ਸ਼ੂਟ ਦਾ ਇਕ ਹੋਰ ਵੀਡੀਓ ਸਾਹਮਣੇ ਆਇਆ ਹੈ ਜਿਸ 'ਚ ਦੀਪਿਕਾ ਨਾਲ ਐਕਟਰ ਵਿਕ੍ਰਾਂਤ ਮੈਸੀ ਵੀ ਨਜ਼ਰ ਆ ਰਹੇ ਹਨ।
ਵੀਡੀਓ 'ਚ ਦੀਪਿਕਾ ਬਿਲਕੁੱਲ ਲਕਸ਼ਮੀ ਵਰਗੀ ਦਿਖਾਈ ਦੇ ਰਹੀ ਹੈ। ਵੀਡੀਓ ਨੂੰ ਦੇਖ ਕੇ ਲੱਗ ਰਿਹਾ ਹੈ ਕਿ ਇਹ ਕਿਸੇ ਬਾਜ਼ਾਰ ਦਾ ਸੀਨ ਹੈ। ਇਸ 'ਚ ਦੀਪਿਕਾ, ਵਿਕ੍ਰਾਂਤ ਨਾਲ ਬੈਠ ਕੇ ਆਉਂਦੀ ਹੈ। ਦੀਪਿਕਾ ਨੇ ਵੀਡੀਓ 'ਚ ਪੀਲੇ ਰੰਗ ਦਾ ਸੂਟ ਪਾਇਆ ਹੋਇਆ ਹੈ।ਦਿੱਲੀ 'ਚ ਫਿਲਮ ਦੀ ਸ਼ੂਟਿੰਗ ਵੱਖਰੀਆਂ-ਵੱਖਰੀਆਂ ਥਾਂਵਾਂ 'ਤੇ ਚੱਲ ਰਹੀ ਹੈ।
ਪਹਿਲਾਂ ਫਿਲਮ ਦੀ ਸ਼ੂਟਿੰਗ ਜਨਪਥ 'ਤੇ ਹੋ ਰਹੀ ਸੀ। ਇਸ ਤੋਂ ਬਾਅਦ ਫਿਲਮ ਦੀ ਸ਼ੂਟਿੰਗ ਨੋਇਡਾ 'ਚ ਹੋਣੀ ਹੈ। ਫਿਲਮ 'ਚ ਲਕਸ਼ਮੀ ਦੀ ਸਾਰੀ ਕਹਾਣੀ ਨੂੰ ਦਿਖਾਇਆ ਜਾਵੇਗਾ। ਫਿਲਮ ਅਗਲੇ ਸਾਲ 10 ਜਨਵਰੀ ਨੂੰ ਰਿਲੀਜ਼ ਹੋਵੇਗੀ।