ਮੁੰਬਈ(ਬਿਊਰੋ)— ਇਨ੍ਹੀਂ ਦਿਨਾਂ ਦੀਪਿਕਾ ਪਾਦੁਕੋਣ 'ਛਪਾਕ' ਦੀ ਸ਼ੂਟਿੰਗ 'ਚ ਬੇਹੱਦ ਬਿਜ਼ੀ ਹੈ। ਅਦਾਕਾਰਾ ਨੇ ਆਪਣੇ ਬਿਜ਼ੀ ਸ਼ੈਡਿਊਲ 'ਚੋਂ ਸਮਾਂ ਕੱਢ ਕੇ 'ਛਪਾਕ' ਦੇ ਸੈੱਟ 'ਤੇ ਲਕਸ਼ਮੀ ਅੱਗਰਵਾਲ ਨਾਲ ਲੰਚ ਦਾ ਆਨੰਦ ਲਿਆ। ਦੀਪਿਕਾ ਪਾਦੁਕੋਣ ਨੇ 25 ਮਾਰਚ 2019 ਦਿੱਲੀ 'ਚ 'ਛਪਾਕ' ਦੀ ਸ਼ੂਟਿੰਗ ਦਾ ਸ਼ੁਰੂਆਤ ਕੀਤੀ ਸੀ ਅਤੇ ਹਾਲ ਹੀ 'ਚ ਛਪਾਕ ਦੀ ਟੀਮ ਨੇ ਦਿੱਲੀ 'ਚ ਆਪਣਾ ਪਹਿਲਾ ਸ਼ੈਡਿਊਲ ਪੂਰਾ ਕੀਤਾ।
ਦੀਪਿਕਾ ਇਨ੍ਹੀਂ ਦਿਨਾਂ ਮਾਲਤੀ ਦੇ ਕਿਰਦਾਰ 'ਚ ਢੱਲਣ 'ਚ ਕੋਈ ਕਸਰ ਨਹੀਂ ਛੱਡ ਰਹੀ। ਇਕ ਐਸਿਡ ਅਟੈਕ ਪੀੜਤ ਦੇ ਕਿਰਦਾਰ ਨੂੰ ਨਿਭਾ ਰਹੀ ਅਦਾਕਾਰਾ ਨੇ 'ਛਪਾਕ' ਨਾਲ ਇਕ ਭਾਵਨਾਤਮਕ ਸਫਰ ਸ਼ੁਰੂ ਕੀਤਾ ਹੈ। ਇਕ ਐਸਿਡ ਅਟੈਕ ਪੀੜਤ ਦੇ ਕਿਰਦਾਰ 'ਚ ਢੱਲਦੇ ਹੋਏ ਦੀਪਿਕਾ ਪਾਦੁਕੋਣ ਫਿਲਮ 'ਚ ਮਾਲਤੀ ਦੇ ਕਿਰਦਾਰ 'ਚ ਨਜ਼ਰ ਆਵੇਗੀ।
'ਛਪਾਕ' 'ਚ ਇਕ ਐਸਿਡ ਅਟੈਕ ਪੀੜਤਾ ਦੇ ਜੀਵਨ ਨੂੰ ਪੇਸ਼ ਕੀਤਾ ਜਾਵੇਗਾ ਅਤੇ ਉਨ੍ਹਾਂ ਲੋਕਾਂ ਲਈ ਉਹ ਇਕ ਪ੍ਰੇਰਨਾ ਹੈ, ਜਿਨ੍ਹਾਂ ਨੇ ਇਸ ਤਰ੍ਹਾਂ ਦੀ ਹਾਲਤ ਦਾ ਸਾਹਮਣਾ ਕੀਤਾ ਹੈ। ਮੇਘਨਾ ਗੁਲਜ਼ਾਰ ਦੁਆਰਾ ਨਿਰਦੇਸ਼ਿਤ ਫਿਲਮ 10 ਜਨਵਰੀ 2020 ਨੂੰ ਰਿਲੀਜ਼ ਹੋਣ ਲਈ ਪੂਰੀ ਤਰ੍ਹਾਂ ਨਾਲ ਤਿਆਰ ਹੈ।