ਮੁੰਬਈ(ਬਿਊਰੋ)- ਅੱਜ ਦੀਪਿਕਾ ਪਾਦੂਕੋਣ ਦਾ ਜਨਮਦਿਨ ਹੈ ਤੇ ਆਪਣੇ ਜਨਮਦਿਨ ਮੌਕੇ ਦੀਪਿਕਾ ਲਖਨਊ ਲਈ ਰਵਾਨਾ ਹੋ ਗਈ ਹੈ। ਦੀਪਿਕਾ ਲਖਨਊ ਵਿਚ ਐਸਿਡ ਅਟੈਕ ਸਰਵਾਈਵਰਸ ਨਾਲ ਆਪਣਾ ਜਨਮਦਿਨ ਸੈਲੀਬ੍ਰੇਟ ਕਰੇਗੀ। ਦਿਲਚਸਪ ਗੱਲ ਇਹ ਹੈ ਕਿ ਦੀਪਿਕਾ ਨਾਲ ਉਨ੍ਹਾਂ ਦੇ ਪਤੀ ਵੀ ਇਸ ਸੈਲੀਬ੍ਰੇਸ਼ਨ ਲਈ ਉਨ੍ਹਾਂ ਨਾਲ ਹਨ। ਦਰਅਸਲ ਹਾਲ ਹੀ ਵਿਚ ਏਅਰਪੋਰਟ ’ਤੇ ਦੋਵਾਂ ਨੂੰ ਇਕੱਠੇ ਲਖਨਊ ਲਈ ਰਵਾਨਾ ਹੁੰਦੇ ਦੇਖਿਆ ਗਿਆ। ਇਸ ਦੌਰਾਨ ਦੀਪਿਕਾ ਦਾ ਇਕ ਫੈਨ ਏਅਰਪੋਰਟ ’ਤੇ ਕੇਕ ਲੈ ਕੇ ਪਹੁੰਚ ਗਿਆ। ਫੈਨ ਨੇ ਦੀਪਿਕਾ ਕੋਲੋਂ ਕੇਕ ਕੱਟਵਾਇਆ ਅਤੇ ਉੱਥੇ ਮੌਜੂਦ ਫਟਾਗ੍ਰਾਫਰਸ ਨੇ ਇਸ ਮੁਮੈਂਟ ਨੂੰ ਕੈਮਰੇ ਵਿਚ ਕੈਦ ਕੀਤਾ। ਇਸ ਦੌਰਾਨ ਦਾ ਵੀਡੀਓ ਵੀ ਸਾਹਮਣੇ ਆਇਆ ਹੈ, ਜੋ ਸੋਸ਼ਲ ਮੀਡੀਆ ’ਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਫੈਨਜ਼ ਵੱਲੋਂ ਇਸ ਵੀਡੀਓ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ।
ਜੇਕਰ ਦੀਪਿਕਾ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਦੀਪਿਕਾ ਜਲਦ ਹੀ ਆਪਣੀ ਨਵੀਂ ਫਿਮਲ ‘ਛਪਾਕ’ ’ਚ ਨਜ਼ਰ ਆਵੇਗੀ। ‘ਛਪਾਕ’ ਵਿਚ ਦੀਪਿਕਾ ਇਕ ਐਸਿਡ ਅਟੈਕ ਸਰਵਾਈਵਰ ਲਕਸ਼ਮੀ ਅੱਗਰਵਾਲ ਦਾ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ। ਇਸ ਫਿਲਮ ਦੀ ਨਿਰਮਾਤਾ ਮੇਘਨਾ ਗੁਲਜ਼ਾਰ ਹੈ ਤੇ ਇਹ ਫਿਲਮ ਅਗਲੇ ਸਾਲ 10 ਜਨਵਰੀ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।