ਮੁੰਬਈ— ਆਪਣੀ ਅਦਾਕਾਰੀ ਨਾਲ ਹਾਲੀਵੁੱਡ 'ਚ ਵੀ ਪਛਾਣ ਬਣਾਉਣ ਵਾਲੀ ਅਭਿਨੇਤਰੀ ਦੀਪਿਕਾ ਪਾਦੂਕੌਣ ਆਪਣੀ ਫਿਟਨੈਸ ਅਤੇ ਸੁੰਦਰਤਾ ਲਈ ਵੀ ਲੋਕਾਂ 'ਚ ਕਾਫੀ ਪਸੰਦ ਕੀਤੀ ਜਾਂਦੀ ਹੈ। ਦੀਪਿਕਾ ਇਨ੍ਹਾਂ ਦਿਨ੍ਹਾਂ ਜਿਮ 'ਚ ਜੰਮ ਕੇ ਪਸੀਨਾ ਬਹਾ ਰਹੀ ਹੈ ਅਤੇ ਹਾਲ ਹੀ 'ਚ ਉਨ੍ਹਾਂ ਦੀ ਇੱਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਦੱਸ ਦੇਈਏ ਕਿ ਇਹ ਵੀਡੀਓ ਉਨ੍ਹਾਂ ਦੇ ਫਿਟਨੈਸ ਟ੍ਰੇਨਰ ਨੇ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਹੈ।
ਦੀਪਿਕਾ ਆਪਣੀ ਹਾਲੀਵੁੱਡ ਡੈਬਿਊ ਫਿਲਮ 'ਟ੍ਰਿਪਲ ਐਕਸ' ਦੇ ਸੀਕਵਲ 'ਚ ਫਿਰ ਤੋਂ ਨਜ਼ਰ ਆਉਣ ਵਾਲੀ ਹੈ।
ਦੀਪਿਕਾ ਅਤੇ ਵਿਨ ਡੀਜ਼ਲ ਦੀ ਅਦਾਕਾਰੀ ਅਤੇ ਉਨ੍ਹਾਂ ਦੀ ਕੈਮਿਸਟਰੀ ਨੂੰ ਕੇਵਲ ਭਾਰਤ ਹੀ ਨਹੀਂ ਬਲਕਿ ਪੂਰੇ ਵਿਸ਼ਵ 'ਚ ਕਾਫੀ ਸਰਾਹਨਾ ਮਿਲੀ ਹੈ। ਇਨ੍ਹੀ ਸਕਸੈਸ ਤੋਂ ਬਾਅਦ ਦੀਪਿਕਾ ਇੱਕ ਵਾਰ ਫਿਰ 'ਟ੍ਰਿਪਲ ਐਕਸ' ਦੇ ਸੀਕਵਲ 'ਚ ਕੰਮ ਕਰਨ ਜਾ ਰਹੀ ਹੈ।
ਖਬਰਾਂ ਅਨੁਸਾਰ ਫਿਲਮ 'ਟ੍ਰਿਪਲ ਐਕਸ : ਰਿਟਰਨ ਆਫ ਜੇਂਡਰ ਕੇਜ਼' ਦੇ ਨਿਰਦੇਸ਼ਕ ਡੀ. ਜੇ. ਕਰੂਸੋ ਨੇ ਇਸ ਫਿਲਮ ਦੇ ਆਉਣ ਵਾਲੇ ਸੀਕਵਲ ਲਈ ਦੀਪਿਕਾ ਨੂੰ ਬਤੌਰ ਲੀਡ ਐਕਟਰਸ ਸਾਈਨ ਕਰਨ ਦੀ ਗੱਲ ਕਹੀ ਹੈ।
ਅਸਲ 'ਚ ਇਸ ਖਬਰ ਦਾ ਉਦੋਂ ਪਤਾ ਲੱਗਾ ਜਦੋਂ ਇਸ ਫਿਲਮ ਦੀ ਇੱਕ ਫੈਨ ਨੇ ਟਵਿੱਟਰ ਤੇ ਨਿਰਦੇਸ਼ਕ ਡੀਜੇ ਤੋਂ ਪੁਛਿਆ ਕਿ ਕੀ ਆਉਣ ਵਾਲੀ ਫਿਲਮ 'ਟ੍ਰਿਪਲ ਐਕਸ 4' ਸੇਰਿਨਾ ਅੰਗਰ ਦਾ ਕਿਰਦਾਰ ਦੀਪਿਕਾ ਨਿਭਾਵੇਗੀ? ਇਸ ਗੱਲ ਤੇ ਡੀਜੇ ਕਰੂਸੋ ਨੇ ਜਵਾਬ ਦਿੱਤਾ।
ਜੀ ਹਾਂ ਬਿਲਕੁਲ, ਇਸ ਨਾਲ ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਉਹ ਜਲਦ ਹੀ ਇਸ ਫਿਲਮ ਨਾਲ ਜੁੜੀ ਡੇਟ ਅਤੇ ਕਹਾਣੀ ਨੂੰ ਲੈ ਕੇ ਸਾਰਿਆਂ ਨਾਲ ਮੀਟਿੰਗ ਕਰਨਗੇਂ।
