ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਅੱਜ 32 ਸਾਲ ਦੀ ਹੋ ਗਈ ਹੈ। 5 ਜਨਵਰੀ 1986 ਨੂੰ ਉਸ ਦਾ ਜਨਮ ਡੇਨਮਾਰਕ ਦੇ ਕੋਪੇਨਹੇਗਨ ਸ਼ਹਿਰ 'ਚ ਹੋਇਆ ਸੀ। ਦੀਪਿਕਾ ਇੰਟਰਨੈਸ਼ਨਲ ਬੈਡਮਿੰਟਨ ਪਲੇਅਰ ਰਹੇ ਪ੍ਰਕਾਸ਼ ਪਾਦੂਕੋਣ ਦੀ ਬੇਟੀ ਹੈ।
ਉਸ ਦੀ ਮਾਂ ਉਜਾਲਾ ਟ੍ਰੈਵਲ ਏਜੰਟ, ਤਾਂ ਛੋਟੀ ਭੈਣ ਅਨਿਸ਼ਾ ਗੋਲਫਰ ਹੈ। ਦੀਪਿਕਾ ਦੇ ਮਾਤਾ-ਪਿਤਾ ਉਸ ਸਮੇਂ ਬੇਂਗਲੁਰੂ 'ਚ ਸ਼ਿਫਟ ਹੋ ਗਏ ਸਨ, ਜਦੋਂ ਉਹ 1 ਸਾਲ ਦੀ ਸੀ।
ਪੜਾਈ ਛੱਡ ਮਾਡਲਿੰਗ 'ਚ ਆਈ ਦੀਪਿਕਾ
ਬੇਂਗਲੁਰੂ ਦੇ ਸੋਫੀਆ ਹਾਈ ਸਕੂਲ ਤੋਂ ਸਕੂਲਿੰਗ ਤੇ ਮਾਊਂਟ ਕਾਰਮਲ ਕਾਲਜ ਤੋਂ ਉਸ ਨੇ ਪ੍ਰੀ-ਯੂਨੀਵਰਸਿਟੀ ਐਜ਼ੂਕੇਸ਼ਨ ਪੂਰੀ ਕੀਤੀ।
ਇਸ ਤੋਂ ਬਾਅਦ ਦੀਪਿਕਾ ਨੇ ਬੀ. ਏ. ਕਰਨ ਦੇ ਉਦੇਸ਼ ਨਾਲ ਇੰਦਰਾ ਗਾਂਧੀ ਨੈਸ਼ਨਲ ਓਪਨ ਯੂਨੀਵਰਸਿਟੀ 'ਚ ਦਾਖਲਾ ਲਿਆ ਪਰ ਪੜਾਈ ਅੱਧ 'ਚ ਛੱਡ ਕੇ ਮਾਡਲਿੰਗ 'ਚ ਆ ਗਈ। ਉਸ ਨੇ 8 ਸਾਲ ਦੀ ਉਮਰ ਤੋਂ ਹੀ ਕਈ ਵਿਗਿਆਪਨਾਂ 'ਚ ਕੰਮ ਕੀਤਾ ਹੈ।
'ਓਮ ਸ਼ਾਂਤੀ ਓਮ' ਨਾਲ ਮਿਲਿਆ ਵੱਡਾ ਬ੍ਰੇਕ
ਸਾਲ 2006 'ਚ ਦੀਪਿਕਾ ਪਾਦੂਕੋਣ ਨੇ ਕੰਨੜ ਫਿਲਮ 'Aishwarya' ਨਾਲ ਪਰਦੇ 'ਤੇ ਐਂਟਰੀ ਕੀਤੀ। ਇਹ ਫਿਲਮ ਕੁਝ ਖਾਸ ਨਾ ਰਹੀ ਹੈ।
ਸਾਲ ਬਾਅਦ ਹੀ ਸ਼ਾਹਰੁਖ ਖਾਨ ਦੇ ਓਪਜਿਟ ਫਿਲਮ 'ਓਮ ਸ਼ਾਂਤੀ ਓਮ' ਨਾਲ ਉਸ ਨੂੰ ਵੱਡਾ ਬ੍ਰੇਕ ਮਿਲਿਆ।
ਇਸ ਤੋਂ ਬਾਅਦ ਉਸ ਨੇ 'ਯੇ ਜਵਾਨੀ ਹੈ ਦੀਵਾਨੀ', 'ਚੇਨਈ ਐਕਸਪ੍ਰੈੱਸ', 'ਰਾਸਲੀਲਾ-ਰਾਮਲੀਲਾ', 'ਪੀਕੂ', 'ਤਮਾਸ਼ਾ', 'ਬਾਜੀਰਾਓ ਮਸਤਾਨੀ' ਵਰਗੀਆਂ ਫਿਲਮਾਂ 'ਚ ਕੰਮ ਕਰਕੇ ਲੋਕਾਂ ਦਾ ਦਿਲ ਜਿੱਤਿਆ।