ਮੁੰਬਈ(ਬਿਊਰੋ)— ਫਿਲਮ 'ਪਦਮਾਵਤ' ਦੀ ਅਦਾਕਾਰਾ ਦੀਪਿਕਾ ਪਾਦੂਕੋਣ ਦੀ ਇਕ ਤਸਵੀਰ ਸਾਹਮਣੇ ਆਈ ਹੈ ਪਰ ਅਫਸੋਸ ਇਸ ਗੱਲ ਦਾ ਹੈ ਕਿ ਇਸ ਤਸਵੀਰ 'ਚ ਦੀਪਿਕਾ ਨੂੰ ਕੋਈ ਜਾਣਦਾ ਤੱਕ ਨਹੀਂ। ਅਸਲ 'ਚ ਇਸ ਤਸਵੀਰ 'ਚ ਫਰਦੀਨ ਖਾਨ ਰੈਂਪ ਵਾਕ ਕਰ ਰਹੇ ਹਨ ਤੇ ਉਨ੍ਹਾਂ ਪਿੱਛੇ ਦੀਪਿਕਾ ਵੀ ਚੱਲਦੀ ਦਿਖ ਰਹੀ ਹੈ।
ਜੀ ਹਾਂ ਸਫਲਤਾ ਦੀ ਚਾਬੀ ਕਦੋਂ ਗੁਆਚ ਜਾਵੇ ਇਸ ਗੱਲ ਦਾ ਅੰਦਾਜ਼ਾ ਕੋਈ ਵੀ ਨਹੀਂ ਲਗਾ ਸਕਦਾ। ਅਜਿਹਾ ਹੀ ਕੁਝ ਹੋਇਆ ਦੀਪਿਕਾ ਪਾਦੂਕੋਣ ਨਾਲ। ਜਾਣਕਾਰੀ ਮੁਤਾਬਕ ਫਰਦੀਨ ਖਾਨ ਇਕ ਫੈਸ਼ਨ ਸ਼ੋਅ ਸਟਾਪਰ ਦੇ ਤੌਰ 'ਤੇ ਮਾਡਲਿੰਗ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਪਿੱਛੇ ਹੈ ਦੀਪਿਕਾ ਪਾਦੂਕੋਣ।
ਜ਼ਿਕਰਯੋਗ ਹੈ ਕਿ ਇਹ ਤਸਵੀਰ 2005 ਦੀ ਹੈ ਤੇ ਦੀਪਿਕਾ ਨੇ 2007 'ਚ ਆਈ ਫਿਲਮ 'ਓਮ ਸ਼ਾਂਤੀ ਓਮ' ਨਾਲ ਬਾਲੀਵੁੱਡ 'ਚ ਕਦਮ ਰੱਖਿਆ ਸੀ ਪਰ ਅੱਜ ਦੀਪਿਕਾ ਫਿਲਮ ਇੰਡਸਟਰੀ ਦੀ ਟਾਪ ਅਦਾਕਾਰਾ ਬਣ ਗਈ ਹੈ। ਉੱਥੇ ਦੂਜੇ ਪਾਸੇ ਫਰਦੀਨ ਦਾ ਕਰੀਅਰ ਕਦੋਂ ਦਾ ਖਤਮ ਹੋ ਚੁੱਕਾ ਹੈ।
ਜ਼ਿਕਰਯੋਗ ਹੈ ਕੀ ਦੀਪਿਕਾ ਫਿਲਮ 'ਪਦਮਾਵਤ' ਨਾਲ ਕਾਫੀ ਸੁਰਖੀਆਂ 'ਚ ਹੈ। ਕਰਣੀ ਸੈਨਾ ਫਿਲਮ 'ਚ 'ਖਿਲਜੀ' ਤੇ 'ਪਦਮਾਵਤੀ' ਦੇ ਸੀਨਜ਼ ਨੂੰ ਲੈ ਕੇ ਵਿਰੋਧ ਕਰ ਰਹੇ ਸਨ।
ਇਸੇ ਹੰਗਾਮੇ ਵਿਚਕਾਰ ਫਿਲਮ 25 ਜਨਵਰੀ ਨੂੰ ਦੇਸ਼ਭਰ ਦੇ ਸਿਨੇਮਾਘਰਾਂ 'ਚ ਲੱਗੀ ਪਰ ਮੱਧ ਪ੍ਰਦੇਸ਼, ਬਿਹਾਰ, ਰਾਜਸਥਾਨ ਤੇ ਗੋਆ 'ਚ ਫਿਲਮ ਨੂੰ ਰਿਲੀਜ਼ ਨਹੀਂ ਹੋਣ ਦਿੱਤਾ ਗਿਆ।