ਮੁੰਬਈ(ਬਿਊਰੋ)— 'ਪਦਮਾਵਤ' ਤੋਂ ਬਾਅਦ ਦੀਪਿਕਾ ਪਾਦੂਕੋਣ ਨੂੰ ਨਿਰਦੇਸ਼ਕ ਵਿਸ਼ਾਲ ਭਰਦਵਾਜ ਦੀ ਫਿਲਮ ਦੀ ਸ਼ੂਟਿੰਗ ਕਰਨੀ ਸੀ। ਸਭ ਕੁਝ ਸਹੀਂ ਚੱਲ ਰਿਹਾ ਸੀ ਕਿ ਅਚਾਨਕ ਖਬਰ ਆਈ ਹੈ ਕਿ ਦੀਪਿਕਾ ਪਾਦੂਕੋਣ ਦੀ ਕਮਰ 'ਚ ਕਾਫੀ ਦਰਦ ਹੈ, ਜਿਸ ਕਾਰਨ ਡਾਕਟਰਾਂ ਨੇ ਉਸ ਨੂੰ ਲੰਬੇ ਸਮੇਂ ਤੱਕ ਆਰਾਮ ਕਰਨ ਦੀ ਸਲਾਹ ਦਿੱਤੀ ਹੈ।
ਹਾਲ ਹੀ 'ਚ ਸਾਹਮਣੇ ਆਈਆਂ ਤਸਵੀਰਾਂ 'ਚ ਦੀਪਿਕਾ ਦੀ ਗਰਦਨ 'ਤੇ ਪੈਚ ਵੀ ਲੱਗੇ ਦੇਖੇ ਗਏ ਸਨ, ਜਿਸ ਤੋਂ ਇਹ ਗੱਲ ਸਾਫ ਹੋ ਜਾਂਦੀ ਹੈ ਕਿ ਦਰਦ ਕਾਰਨ ਦੀਪਿਕਾ ਫਿਜੀਓਥੈਰਪੀ ਦਾ ਸਹਾਰਾ ਲੈ ਰਹੀ ਹੈ। ਦੱਸ ਦੇਈਏ ਕਿ 'ਪਦਮਾਵਤ' ਦੀ ਸ਼ੂਟਿੰਗ ਦੌਰਾਨ ਪਿੱਠ ਤੇ ਗਰਦਨ 'ਚ ਆਏ ਖਿਚਾਅ ਕਾਰਨ ਦੀਪਿਕਾ ਪਾਦੂਕੋਣ ਨੂੰ ਇਹ ਤਕਲੀਫ ਹੋ ਗਈ ਸੀ ਤੇ ਕੁਝ ਦਿਨ ਪਹਿਲਾਂ ਇਹ ਦੋਬਾਰਾ (ਮੁੜ) ਉਭਰ ਆਈ।
ਸੂਤਰਾਂ ਮੁਤਾਬਕ ਦੀਪਿਕਾ ਪਾਦੂਕੋਣ ਦੀ ਮੇਡੀਕਲ ਰਿਪੋਰਟ ਤੋਂ ਪਤਾ ਲੱਗਾ ਹੈ ਕਿ ਉਸ ਨੂੰ ਵਿਟਾਮਿਨ ਡੀ 3 ਦੀ ਘਾਟ ਹੈ। ਇਸ ਨੂੰ ਦੂਰ ਕਰਨ ਲਈ ਦੀਪਿਕਾ ਪਾਦੂਕੋਣ ਇਕ ਡੋਜ਼ ਵੀ ਲੈ ਚੁੱਕੀ ਹੈ।
ਖਬਰਾਂ ਦੀ ਮੰਨੀਏ ਤਾਂ ਕਮਰ ਦਰਦ ਨੂੰ ਦੂਰ ਕਰਨ ਲਈ ਦੀਪਿਕਾ ਰੋਜ਼ਾਨਾ ਫਿਜੀਓਥੈਰਪੀ ਵੀ ਲੈ ਰਹੀ ਹੈ ਤੇ ਵਿਟਾਮਿਨ ਦੀ ਘਾਟ ਪੂਰੀ ਕਰਨ ਲਈ ਵੀ ਇਲਾਜ਼ ਕਰਵਾ ਰਹੀ ਹੈ। ਹਾਲਾਂਕਿ ਉਹ ਉਦੋਂ ਤੱਕ ਸ਼ੂਟਿੰਗ ਸ਼ੁਰੂ ਨਹੀਂ ਕਰ ਸਕਦੀ ਜਦੋਂ ਤੱਕ ਡਾਕਟਰ ਉਸ ਨੂੰ ਆਗਿਆ ਨਾ ਦੇਣ ਤੇ ਨਾਲ ਹੀ ਉਸ ਨੂੰ ਪਹਿਲਾਂ ਵਿਟਾਮਿਨ ਡੀ 3 ਦੀ ਸਾਰੀ ਡੋਜ਼ ਵੀ ਪੂਰੀ ਕਰਨੀ ਹੋਵੇਗੀ। ਦੱਸ ਦੇਈਏ ਕਿ ਇੰਨੀ ਦਿਨੀਂ ਦੀਪਿਕਾ ਵਿਹਲੇ ਸਮੇਂ 'ਚ ਨਵੀਆਂ ਫਿਲਮਾਂ ਦੀਆਂ ਕਹਾਣੀਆਂ ਪੜ੍ਹੇਗੀ।