ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਨੇ ਇਸ ਸਾਲ 'ਪਦਮਾਵਤ' ਤੋਂ ਬਾਅਦ ਕਿਸੇ ਫਿਲਮ ਲਈ ਹਾਮੀ ਨਹੀਂ ਭਰੀ। ਹੁਣ ਖਬਰਾਂ ਆ ਰਹੀਆਂ ਹਨ ਕਿ ਦੀਪਿਕਾ ਦੇ ਹੱਥ ਹੁਣ ਮੇਘਨਾ ਗੁਲਜ਼ਾਰ ਦੀ ਅਗਲੀ ਫਿਲਮ ਲੱਗੀ ਹੈ। ਇਸ ਫਿਲਮ ਨੂੰ ਪਹਿਲਾਂ ਵਿਸ਼ਾਲ ਭਾਰਦਵਾਜ ਬਣਾਉਣ ਵਾਲੇ ਸੀ, ਜਿਸ ਦਾ ਨਾਂ ਸੀ 'ਸਪਨਾ ਦੀਦੀ'।
ਇਸ ਫਿਲਮ 'ਚ ਇਰਫਾਨ ਨੇ ਕੰਮ ਕਰਨਾ ਸੀ ਪਰ ਇਫਰਾਨ ਦੀ ਕੈਂਸਰ ਦੀ ਬੀਮਾਰੀ ਕਾਰਨ ਉਨ੍ਹਾਂ ਨੂੰ ਲੰਡਨ ਜਾਣਾ ਪਿਆ। ਇਸ ਤੋਂ ਬਾਅਦ ਦੀਪਿਕਾ ਨੇ ਵੀ ਸਾਈਨਿੰਗ ਅਮਾਊਂਟ ਵਾਪਸ ਕਰ ਦਿੱਤੀ। ਹੁਣ ਖਬਰ ਆਈ ਹੈ ਕਿ ਦੀਪਿਕਾ ਆਪਣੀ ਅਗਲੀ ਫਿਲਮ ਜਲਦ ਹੀ ਸਾਈਨ ਕਰਨ ਵਾਲੀ ਹੈ। ਇਸ ਵਾਰ ਉਹ 'ਰਾਜ਼ੀ' ਫੇਮ ਡਾਇਰੈਕਟਰ ਮੇਘਨਾ ਗੁਲਜ਼ਾਰ ਨਾਲ ਕੰਮ ਕਰਨ ਵਾਲੀ ਹੈ।
ਇਸ ਫਿਲਮ ਨੂੰ ਲੈ ਕੇ ਦੋਵਾਂ 'ਚ ਗੱਲਬਾਤ ਚੱਲ ਰਹੀ ਹੈ। ਮੇਘਨਾ ਹੁਣ ਜੁੜਵਾ ਭੈਣਾਂ 'ਤੇ ਕੋਈ ਫਿਲਮ ਬਣਾਉਣਾ ਚਾਹੁੰਦੀ ਹੈ। ਇਸ ਬਾਰੇ ਵਧੇਰੇ ਜਾਣਕਾਰੀ ਆਉਣ 'ਚ ਅਜੇ ਕੁਝ ਹੋਰ ਸਮਾਂ ਲੱਗ ਸਕਦਾ ਹੈ। ਜੇਕਰ ਦੀਪਿਕਾ ਤੇ ਮੇਘਨਾ ਕਿਸੇ ਫਿਲਮ ਨੂੰ ਲੈ ਕੇ ਇਕੱਠੇ ਆਉਂਦੀਆਂ ਹਨ ਤਾਂ ਇਹ ਫੈਨਜ਼ ਲਈ ਕਿਸੇ ਤੋਹਫੇ ਤੋਂ ਘੱਟ ਨਹੀਂ।
ਦੱਸ ਦੇਈਏ ਕਿ ਉਂਝ ਦੀਪਿਕਾ ਆਪਣੇ ਤੇ ਰਣਵੀਰ ਸਿੰਘ ਦੇ ਵਿਆਹ ਦੀ ਖਬਰਾਂ ਕਾਰਨ ਵੀ ਖੂਬ ਸੁਰਖੀਆਂ 'ਚ ਹੈ। ਖਬਰਾਂ ਤਾਂ ਇਹ ਵੀ ਹਨ ਕਿ ਦੀਪਿਕਾ ਆਪਣੇ ਵਿਆਹ ਦੀ ਡੇਟ ਕਰਕੇ ਹੀ ਕਿਸੇ ਪ੍ਰੋਜੈਕਟ 'ਚ ਨਜ਼ਰ ਨਹੀਂ ਆ ਰਹੀ। ਉਹ ਰਣਵੀਰ ਨਾਲ ਇਸੇ ਸਾਲ ਨਵੰਬਰ 'ਚ ਵਿਆਹ ਕਰਨ ਜਾ ਰਹੀ ਹੈ। ਇਸ ਬਾਰੇ ਅਜੇ ਦੀਪਿਕਾ ਅਤੇ ਰਣਵੀਰ ਨੇ ਕੋਈ ਐਲਾਨ ਨਹੀਂ ਕੀਤਾ ਹੈ। ਹਾਲ 'ਚ ਤਾਂ ਦੀਪਿਕਾ ਆਪਣੇ ਵਿਆਹ ਦੇ ਬਾਰੇ ਪੁੱਛੇ ਸਵਾਲ 'ਤੇ ਗੁੱਸਾ ਵੀ ਹੋ ਗਈ ਸੀ।
