ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਤੇ ਰਣਵੀਰ ਸਿੰਘ ਇਨ੍ਹੀਂ ਦਿਨੀਂ ਆਪਣੇ ਵਿਆਹ ਦੀਆਂ ਤਿਆਰੀਆਂ 'ਚ ਰੁੱਝੇ ਹੋਏ ਹਨ। ਆਪਣੇ ਬਿਜ਼ੀ ਸ਼ੈਡਿਊਲ 'ਚੋਂ ਕੁਝ ਸਮਾਂ ਕੱਢ ਕੇ ਦੋਵੇਂ ਸਟਾਰਸ ਫਿਲਮ ਨਿਰਦੇਸ਼ਕ ਸੰਜੇ ਲੀਲਾ ਭੰਸਾਲੀ ਦੇ ਘਰ 'ਚ ਵਿਆਹ ਦਾ ਕਾਰਡ ਦੇਣ ਪਹੁੰਚੇ ਸਨ।
ਸੰਜੇ ਲੀਲਾ ਭੰਸਾਲੀ ਨੇ ਰਣਵੀਰ ਤੇ ਦੀਪਿਕਾ ਨੂੰ ਇਨ੍ਹਾਂ ਦੇ ਕਰੀਅਰ ਦੀਆਂ ਤਿੰਨ ਸਭ ਤੋਂ ਸਫਲ ਫਿਲਮਾਂ 'ਬਾਜੀਰਾਓ ਮਸਤਾਨੀ', 'ਰਾਮਲੀਲਾ' ਤੇ 'ਪਦਮਾਵਤ' ਦਿੱਤੀਆਂ ਹਨ, ਜਿਸ ਦੀ ਵਜ੍ਹਾ ਨਾਲ ਸੰਜੇ ਲੀਲਾ ਭੰਸਾਲੀ ਇਨ੍ਹਾਂ ਦੋਵਾਂ ਦੀ ਜ਼ਿੰਦਗੀ 'ਚ ਖਾਸ ਸਥਾਨ ਰੱਖਦੇ ਹਨ।
ਸੰਜੇ ਲੀਲਾ ਭੰਸਾਲੀ ਨੇ ਰਣਵੀਰ ਤੇ ਦੀਪਿਕਾ ਪਾਦੂਕੋਣ ਨੂੰ ਆਪਣੇ ਘਰ 'ਚੋਂ ਖਾਲੀ ਹੱਥ ਨਹੀਂ ਪਰਤਣ ਦਿੱਤਾ। ਉਨ੍ਹਾਂ ਨੇ ਵੀ ਰਣਵੀਰ-ਦੀਪਿਕਾ ਨੂੰ ਇਕ ਤੋਹਫਾ ਦਿੱਤਾ ਹੈ।
ਇਹ ਤੋਹਫਾ ਕੁਝ ਹੋਰ ਨਹੀਂ ਸਗੋਂ 'ਪਦਮਾਵਤ' ਫਿਲਮ ਦੌਰਾਨ ਕਲਿੱਕ ਕੀਤੀਆਂ ਗਈਆਂ ਤਸਵੀਰਾਂ ਨਾਲ ਸਜੀ ਇਕ ਖਾਸ ਐਲਬਮ ਦਿੱਤੀ ਹੈ।
ਜਦੋਂ ਦੀਪਿਕਾ ਪਾਦੂਕੋਣ, ਸੰਜੇ ਲੀਲਾ ਭੰਸਾਲੀ ਦੇ ਘਰ ਤੋਂ ਬਾਹਰ ਆਈ ਤਾਂ ਉਸ ਦੇ ਹੱਥ 'ਚ 'ਪਦਮਾਵਤ' ਦੇ ਪੋਸਟਰ ਨਾਲ ਸਜੀ ਇਕ ਐਲਬਮ ਨਜ਼ਰ ਆਈ ਸੀ।
ਦੱਸਣਯੋਗ ਹੈ ਕਿ ਰਣਵੀਰ ਸਿੰਘ ਤੇ ਦੀਪਿਕਾ ਪਾਦੂਕੋਣ ਦੀ ਮੁਲਾਕਾਤ ਸੰਜੇ ਲੀਲਾ ਭੰਸਾਲੀ ਦੀ 'ਰਾਮਲੀਲਾ' ਦੌਰਾਨ ਹੋਈ ਸੀ। ਇਸ ਫਿਲਮ ਦੇ ਸੈੱਟ ਤੋਂ ਦੋਵਾਂ ਦਾ ਪਿਆਰ ਸ਼ੁਰੂ ਹੋਇਆ, ਜੋ ਬਹੁਤ ਜਲਦ ਵਿਆਹ ਦੇ ਮੰਡਪ ਤੱਕ ਪਹੁੰਚਣ ਵਾਲਾ ਹੈ।