ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਅੱਜ ਬਾਲੀਵੁੱਡ ਦੀ ਹਾਈਐਸਡ ਪੇਡ ਅਦਾਕਾਰਾਂ 'ਚ ਗਿਣੀ ਜਾਂਦੀ ਹੈ ਪਰ ਇਕ ਸਮਾਂ ਸੀ ਜਦੋਂ ਉਨ੍ਹਾਂ ਨੇ ਇਸ ਇੰਡਸਟਰੀ 'ਚ ਬਣੇ ਰਹਿਣ ਲਈ ਵੱਖਰੀਆਂ-ਵੱਖਰੀਆਂ ਸਲਾਹਾਂ ਦਿੱਤੀਆਂ ਜਾਂਦੀਆਂ ਸਨ। ਦੀਪਿਕਾ ਨੇ ਇਕ ਇੰਟਰਵਿਊ ਦੌਰਾਨ ਦੱਸਿਆ ਕਿ ਕਿਸੇ ਨੇ ਉਸ ਨੂੰ ਬ੍ਰੈਸਟ ਸਰਜਰੀ ਕਰਵਾਉਣ ਦੀ ਸਲਾਹ ਵੀ ਦਿੱਤੀ ਸੀ। ਇਕ ਮੈਗਜ਼ੀਨ ਨੂੰ ਉਨ੍ਹਾਂ ਨੇ ਦੱਸਿਆ, ''ਮੈਨੂੰ ਲੋਕਾਂ ਕੋਲੋ ਬਹੁਤ ਸਲਾਹਾਂ ਮਿਲੀਆਂ ਸਨ। ਬ੍ਰੈਸਟ ਸਰਜਰੀ ਦੀ, ਬਿਊਟੀ ਕੰਟੈਸਟ 'ਚ ਹਿੱਸਾ ਲੈਣ ਦੀ। ਉਨ੍ਹਾਂ ਨੂੰ ਲੱਗਦਾ ਸੀ ਕਿ ਅਜਿਹਾ ਕਰਨ ਨਾਲ ਮੈਂ ਪ੍ਰੋਡਿਊਸਰਾਂ ਦੀਆਂ ਨਜ਼ਰਾਂ 'ਚ ਆ ਜਾਵੇਗੀ ਤੇ ਹੋ ਸਕਦਾ ਉਹ ਮੈਨੂੰ ਫਿਲਮਾਂ 'ਚ ਕਾਸਟ ਕਰ ਲੈਣਗੇ। ਹਾਲਾਂਕਿ ਮੈਂ ਅਜਿਹਾ ਨਹੀਂ ਕੀਤਾ। ਦੱਸਣਯੋਗ ਹੈ ਕਿ 'ਓਮ ਸ਼ਾਤੀ ਓਮ' 'ਚ ਡੈਬਿਊ ਤੋਂ ਬਾਅਦ ਦੀਪਿਕਾ ਦਾ ਕਰੀਅਰ ਲਾਈਨ 'ਤੇ ਚੱਲਣ ਲੱਗਾ। ਕੁਝ ਫਲਾਪ ਫਿਲਮਾਂ ਨੂੰ ਛੱਡ ਦੇਈਏ ਤਾਂ ਉਸ ਦਾ ਹੁਣ ਤੱਕ ਦਾ ਕਰੀਅਰ ਹਿੱਟ ਹੀ ਮੰਨਿਆ ਜਾਵੇਗਾ। ਪਿਛਲੇ ਸਾਲ ਉਸ ਨੇ ਹਾਲੀਵੁੱਡ 'ਚ ਵਿਨ ਡੀਜ਼ਲ ਨਾਲ 'ਟ੍ਰਿਪਲ ਐਕਸ ਰਿਟਰਨ ਆਫ ਐਂਗਜੇਂਡਰ ਕ੍ਰੇਜ਼' ਨਾਲ ਡੈਬਿਊ ਕੀਤਾ ਸੀ। ਖਬਰਾਂ ਦੀ ਮੰਨੀਏ ਤਾਂ ਉਸ ਨੇ ਸੰਜੇ ਲੀਲਾ ਭੰਸਾਲੀ ਦੀ 'ਪਦਮਾਵਤ' ਲਈ 12 ਕਰੋੜ ਰੁਪਏ ਲਏ ਸਨ। ਹਾਲਾਂਕਿ ਦੀਪਿਕਾ ਨੇ ਇਸ 'ਤੇ ਕੋਈ ਜਵਾਬ ਨਹੀਂ ਦਿੱਤਾ। ਉਸ ਨੇ ਬੱਸ ਇੰਨਾ ਹੀ ਕਿਹਾ ਸੀ ਕਿ ਉਸ ਨੂੰ ਆਪਣੇ ਕੋ-ਸਟਾਰਸ ਰਣਵੀਰ ਸਿੰਘ ਤੇ ਸ਼ਾਹਿਦ ਕਪੂਰ ਤੋਂ ਜ਼ਿਆਦਾ ਫੀਸ ਮਿਲੀ ਹੈ।