ਮੁੰਬਈ(ਬਿਊਰੋ)- ਦੀਪਿਕਾ ਪਾਦੁਕੋਣ ਨੇ ਐਤਵਾਰ ਨੂੰ ਇੰਸਟਾਗ੍ਰਾਮ ’ਤੇ ਆਪਣੇ ਬਚਪਨ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਦੀਪਿਕਾ ਵਲੋਂ ਇਹ ਤਸਵੀਰਾਂ ਸ਼ੇਅਰ ਕਰਨ ਤੋਂ ਬਾਅਦ ਇਹ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਗਈਆਂ। ਦੀਪਿਕਾ ਵਲੋਂ ਤਸਵੀਰਾਂ ਸ਼ੇਅਰ ਕਰਨ ਤੋਂ ਬਾਅਦ ਫੈਨਜ਼ ਅੰਦਾਜ਼ਾ ਲਗਾ ਰਹੇ ਹਨ ਕਿ ਕਿਤੇ ਇਹ ਉਨ੍ਹਾਂ ਦੀ ਪ੍ਰੈਗਨੈਂਸੀ ਦੇ ਵੱਲ ਇਸ਼ਾਰਾ ਤਾਂ ਨਹੀਂ ਹੈ।
ਤਸਵੀਰਾਂ ਵਿਚ ਛੋਟੀ ਦੀਪਿਕਾ ਲੇਟੀ ਹੋਈ ਨਜ਼ਰ ਆ ਰਹੀ ਹੈ। ਦੀਪਿਕਾ ਨੇ ਕੈਪਸ਼ਨ ਵਿਚ ਲਿਖਿਆ ਹੈ, ਦੀਵਾਲੀ ਤੋਂ ਬਾਅਦ ਦਾ ਜਸ਼ਨ। ਫੈਨਜ਼ ਨੇ ਤਸਵੀਰਾਂ ਵਿਚ ਦੀਪਿਕਾ ਦੀ ਮਾਸੂਮੀਅਤ ਅਤੇ ਉਨ੍ਹਾਂ ਦੀ ਕਿਊਟਨੈੱਸ ਦੀ ਤਾਰੀਫ ਕੀਤੀ ਪਰ ਇਸ ਤੋਂ ਵੀ ਜ਼ਿਆਦਾ ਲੋਕਾਂ ਦੀ ਰੁਚੀ ਇਸ ਗੱਲ ਨੂੰ ਜਾਣਨ ਵਿਚ ਰਹੀ ਕਿ ਕੀ ਉਹ ਕੋਈ ਚੰਗੀ ਖਬਰ ਦੇਣ ਵਾਲੀ ਹੈ।
ਇਕ ਸੋਸ਼ਲ ਮੀਡਿਆ ਯੂਜ਼ਰ ਨੇ ਲਿਖਿਆ, ਇੰਸ਼ਾਅੱਲਾਹ ਤੁਸੀਂ ਜਲਦ ਹੀ ਮਾਂ ਬਣੋਗੇ। ਇਕ ਯੂਜ਼ਰ ਨੇ ਦੀਪਿਕਾ ਨੂੰ ਪੁੱਛ ਹੀ ਲਿਆ,ਕੀ ਤੁਸੀਂ ਪ੍ਰੈਗਨੈਂਟ ਹੋ? ਤਾਂ ਉਥੇ ਹੀ ਇਕ ਨੇ ਉਨ੍ਹਾਂ ਨੂੰ ਪੁੱਛਿਆ , ਕੀ ਜਲਦ ਹੀ ਚੰਗੀ ਖਬਰ ਆਉਣ ਵਾਲੀ ਹੈ ?