ਮੁੰਬਈ(ਬਿਊਰੋ)- ਬਾਲੀਵੁੱਡ ਐਕਟਰ ਰਣਵੀਰ ਸਿੰਘ ਤੇ ਉਨ੍ਹਾਂ ਦੀ ਪਤਨੀ ਦੀਪਿਕਾ ਪਾਦੁਕੋਣ ਇੰਡਸਟਰੀ ਦੇ ਸਭ ਤੋਂ ਚਰਚਿਤ ਅਤੇ ਲੋਕਾਂ ਦੇ ਮਨਪਸੰਦੀ ਜੋੜਿਆਂ ’ਚੋਂ ਇਕ ਹਨ। ਦੋਵੇਂ 6 ਸਾਲ ਤੱਕ ਰਿਲੇਸ਼ਨਸ਼ਿਪ ਵਿਚ ਰਹੇ ਅਤੇ ਉਸ ਤੋਂ ਬਾਅਦ ਜਦੋਂ ਦੋਵੇਂ ਆਪਣੇ ਕਰੀਅਰ ਦੇ ਟਾਪ ’ਤੇ ਸਨ ਤਾਂ ਦੋਵਾਂ ਨੇ ਇਟਲੀ ਦੇ ਲੇਕ ਕੋਮੋ ਵਿਚ ਗਰੈਂਡ ਵੈਡਿੰਗ ਕੀਤੀ। ਅੱਜ ਦੋਵਾਂ ਦੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ਹੈ ਅਤੇ ਇਸ ਮੌਕੇ ’ਤੇ ਅਸੀਂ ਤੁਹਾਨੂੰ ਉਨ੍ਹਾਂ ਦੀ ਪਹਿਲੀ ਮੁਲਾਕਾਤ ਅਤੇ ਲਵਸਟੋਰੀ ਬਾਰੇ ਦੱਸਣ ਜਾ ਰਹੇ ਹਾਂ।
ਰਣਵੀਰ ਸਿੰਘ ਤੇ ਦੀਪੀਕਾ ਪਾਦੁਕੋਣ ਨੇ ‘ਰਾਮਲੀਲਾ’, ‘ਪਦਮਾਵਤ’ ਤੇ ‘ਬਾਜ਼ੀਰਾਵ ਮਸਤਾਨੀ’ ਵਰਗੀਆਂ ਫਿਲਮਾਂ ਵਿਚ ਇਕੱਠੇ ਕੰਮ ਕੀਤਾ ਹੈ ਕਿਉਂਕਿ ਦੋਵਾਂ ਦੀ ਲਵਮੈਰਿਜ ਹੈ ਅਤੇ ਦੋਵਾਂ ਦੀ ਇਕ ਲਵਸਟੋਰੀ ਵੀ ਹੈ, ਜਿਸ ਦੇ ਬਾਰੇ ਜ਼ਿਆਦਾਤਰ ਲੋਕ ਨਹੀਂ ਜਾਣਦੇ ਹਨ। ਦੀਪਿਕਾ ਤੇ ਰਣਵੀਰ ਦੀ ਪਹਿਲੀ ਮੁਲਾਕਾਤ Zee Cine Awards ਵਿਚ ਹੋਈ ਸੀ। ਇੱਥੇ ਰਣਵੀਰ ਨੇ ਪਹਿਲੀ ਵਾਰ ਦੀਪਿਕਾ ਪਾਦੁਕੋਣ ਨੂੰ ਆਹਮਣੇ- ਸਾਹਮਣੇ ਦੇਖਿਆ ਸੀ ਅਤੇ ਰਣਵੀਰ ਦਾ ਕਹਿਣਾ ਸੀ ਕਿ ਉਹ ਉਨ੍ਹਾਂ ਨੂੰ ਦੇਖਦੇ ਹੀ ਫਿਦਾ ਹੋ ਗਏ ਸਨ।
ਕਿਸੇ ਵੀ ਐਕਟਰ ਦੀ ਜ਼ਿੰਦਗੀ ਦਾ ਜ਼ਿਆਦਾਤਰ ਹਿੱਸਾ ਉਸ ਦੇ ਕੰਮ ਦੀ ਜਗ੍ਹਾ ਹੁੰਦੀ ਹੈ। ਦੋਵਾਂ ਨੂੰ ਇਕੱਠੇ ਵਿਚ ਜ਼ਿਆਦਾ ਤੋਂ ਜ਼ਿਆਦਾ ਸਮਾਂ ਬਿਤਾਉਣ ਲਈ ਜਰੂਰੀ ਸੀ ਕਿ ਉਹ ਇਕੱਠੇ ਕੰਮ ਕਰਦੇ ਅਤੇ ਉਨ੍ਹਾਂ ਨੂੰ ਇਹ ਮੌਕਾ ਦਿੱਤਾ ਦਿੱਗਜ ਫਿਲਮ ਨਿਰਦੇਸ਼ਕ ਸੰਜੈ ਲੀਲਾ ਭੰਸਾਲੀ ਨੇ। ਫਿਲਮ ਦਾ ਨਾਮ ਸੀ ‘ਰਾਮਲੀਲਾ’।
ਨਿਰਦੇਸ਼ਕ ਦੇ ਕਟ ਬੋਲਣ ਤੋਂ ਬਾਅਦ ਵੀ ਕਰਦੇ ਰਹੇ ਕਿੱਸ
ਫਿਲਮ ਵਿਚ ਦੋਵਾਂ ਵਿਚਕਾਰ ਕਮਾਲ ਦੀ ਕੈਮਿਸਟਰੀ ਦੇਖਣ ਨੂੰ ਮਿਲੀ ਅਤੇ ਇਸ ਤਰ੍ਹਾਂ ਦੀਆਂ ਖਬਰਾਂ ਆਉਣੀਆਂ ਸ਼ੁਰੂ ਹੋ ਗਈਆਂ ਸਨ ਕਿ ਦੋਵਾਂ ਵਿਚਕਾਰ ਕੁੱਝ ਚੱਲ ਰਿਹਾ ਹੈ। ਦੋਵੇਂ ਆਪਣੀ ਰਿਲੇਸ਼ਨਸ਼ਿਪ ਨੂੰ ਦੁਨੀਆ ਦੀਆਂ ਨਜ਼ਰਾਂ ਤੋਂ ਬਚਾਉਣ ਦੀ ਬਹੁਤ ਕੋਸ਼ਿਸ਼ ਕਰ ਰਹੇ ਸਨ ਪਰ ਤਸਵੀਰਾਂ ਸਭ ਕੁੱਝ ਬਿਆਨ ਕਰ ਰਹੀਆਂ ਸਨ। ਕਿਹਾ ਜਾਂਦਾ ਹੈ ਕਿ ਫਿਲਮ ‘ਰਾਮਲੀਲਾ’ ਵਿਚ ਇਕ ਰੋਮਾਂਟਿਕ ਸੀਨ ਦੌਰਾਨ ਦੋਵਾਂ ਨੂੰ ਕਿੱਸ ਕਰਨਾ ਸੀ ਅਤੇ ਨਿਰਦੇਸ਼ਕ ਦੇ ਕੱਟ ਬੋਲਣ ਤੋਂ ਬਾਅਦ ਵੀ ਦੋਵੇਂ ਇਕ-ਦੂੱਜੇ ਨੂੰ ਕਿੱਸ ਕਰਦੇ ਰਹੇ ਸਨ।