ਮੁੰਬਈ (ਬਿਊਰੋ)— ਰਣਵੀਰ ਸਿੰਘ ਤੇ ਦੀਪਿਕਾ ਪਾਦੁਕੋਣ ਦੀ ਬੰਗਲੌਰ 'ਚ ਰਿਸੈਪਸ਼ਨ ਸ਼ੁਰੂ ਹੋ ਚੁੱਕੀ ਹੈ। ਅਜਿਹੇ 'ਚ ਵੈਨਿਊ 'ਤੇ ਰਣਵੀਰ ਤੇ ਦੀਪਿਕਾ ਦਾ ਸਾਰੇ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਰਣਵੀਰ ਤੇ ਦੀਪਿਕਾ ਨੇ ਉਥੇ ਪਹੁੰਚਦਿਆਂ ਹੀ ਸਾਰਿਆਂ ਦਾ ਧੰਨਵਾਦ ਕੀਤਾ ਤੇ ਫੋਟੋਗ੍ਰਾਫਰਾਂ ਨੂੰ ਪੋਜ਼ ਦੇਣ ਲਈ ਸਟੇਜ 'ਤੇ ਆਏ।
ਇਸ ਦੌਰਾਨ ਰਣਵੀਰ ਹਮੇਸ਼ਾ ਵਾਂਗ ਦੀਪਿਕਾ ਦਾ ਹੱਥ ਫੜੀ ਉਸ ਦੀ ਦੇਖ-ਰੇਖ ਕਰਦੇ ਦਿਖਾਈ ਦੇ ਰਹੇ ਸਨ। ਸਟੇਜ 'ਤੇ ਪੋਜ਼ ਦਿੰਦੇ ਸਮੇਂ ਦੀਪਿਕਾ ਦੀ ਸਾੜ੍ਹੀ ਫੱਸ ਗਈ ਸੀ, ਜਿਸ ਨੂੰ ਉਹ ਠੀਕ ਕਰ ਰਹੀ ਸੀ।
ਦੀਪਿਕਾ ਨੂੰ ਅਜਿਹਾ ਕਰਦੇ ਦੇਖ ਰਣਵੀਰ ਖੁਦ ਤੁਰੰਤ ਉਸ ਦੀ ਸਾੜ੍ਹੀ ਠੀਕ ਕਰਨ ਲੱਗੇ। ਦੋਵਾਂ ਦੀ ਇਹ ਖੂਬਸੂਰਤ ਕੈਮਿਸਟਰੀ ਕੈਮਰਿਆਂ 'ਚ ਕੈਦ ਹੋ ਗਈ, ਜਿਸ ਦੀ ਵੀਡੀਓ ਤੁਸੀਂ ਇਥੇ ਦੇਖ ਸਕਦੇ ਹੋ।
ਇਟਲੀ 'ਚ ਹੋਏ ਵਿਆਹ ਤੋਂ ਬਾਅਦ ਅੱਜ ਦੀਪਿਕਾ ਤੇ ਰਣਵੀਰ ਦੀ ਰਿਸੈਪਸ਼ਨ ਦਾ ਆਯੋਜਨ ਬੰਗਲੌਰ 'ਚ ਕੀਤਾ ਗਿਆ ਹੈ। ਰਿਸੈਪਸ਼ਨ ਲਈ ਤਿਆਰ ਹੋਏ ਰਣਵੀਰ ਤੇ ਦੀਪਿਕਾ ਦੀ ਪਹਿਲੀ ਤਸਵੀਰ ਦੋਵਾਂ ਨੇ ਸੋਸ਼ਲ ਮੀਡੀਆ 'ਤੇ ਫੈਨਜ਼ ਨਾਲ ਸ਼ੇਅਰ ਕਰ ਦਿੱਤੀ ਸੀ।
ਜਿਥੇ ਦੀਪਿਕਾ ਗੋਲਡਨ ਸਾੜ੍ਹੀ ਪਹਿਨੀ ਨਜ਼ਰ ਆ ਰਹੀ ਹੈ, ਉਥੇ ਰਣਵੀਰ ਸਿੰਘ ਬਲੈਕ ਤੇ ਗੋਲਡਨ ਕਲਰ ਦੇ ਐਥਨਿਕ ਵਿਅਰਸ 'ਚ ਦੀਪਿਕਾ ਨਾਲ ਕਾਫੀ ਖੁਸ਼ ਦਿਖਾਈ ਦੇ ਰਹੇ ਸਨ।