ਨਵੀਂ ਦਿੱਲੀ(ਬਿਊਰੋ)— ਦੀਪਿਕਾ ਪਾਦੂਕੋਣ ਦੀ ਸਾਲ 2018 ਦੀ ਸ਼ੁਰੂਆਤ 'ਚ ਫਿਲਮ 'ਪਦਮਾਵਤ' ਰਿਲੀਜ਼ ਹੋਈ ਸੀ। ਵਿਸ਼ਾਲ ਭਾਰਦਵਾਜ ਦੀ ਫਿਲਮ ਦੇ ਇਲਾਵਾ ਉਨ੍ਹਾਂ ਦੇ ਹੱਥ 'ਚ ਕੋਈ ਪ੍ਰਾਜੈਕਟ ਨਹੀਂ ਹੈ ਪਰ ਇਰਫਾਨ ਖਾਨ ਦੇ ਬੀਮਾਰ ਹੋਣ ਦੇ ਬਾਅਦ ਇਹ ਪ੍ਰਾਜੈਕਟ ਵੀ ਰੁਕਿਆ ਹੋਇਆ ਹੈ। ਦੀਪਿਕਾ ਨੂੰ ਲੈ ਕੇ ਖਬਰ ਹੈ ਕਿ ਉਹ ਸ਼੍ਰੀਦੇਵੀ ਦੀ ਹਿੱਟ ਫਿਲਮ ਦੀ ਰੀਮੇਕ 'ਚ ਨਜ਼ਰ ਆ ਸਕਦੀ ਹੈ।
ਡੀ ਐੱਨ ਏ ਰਿਪੋਰਟ ਮੁਤਾਬਕ ਦੀਪਿਕਾ ਅਦਾਕਾਰਾ ਸ਼੍ਰੀਦੇਵੀ ਦੀ 4 ਦਹਾਕੇ ਪੁਰਾਣੀ ਫਿਲਮ ਦੀ ਰੀਮੇਕ 'ਚ ਬਤੌਰ ਅਦਾਕਾਰਾ ਦਾ ਰੋਲ ਨਿਭਾ ਸਕਦੀ ਹੈ। ਹਾਲਾਂਕਿ ਫਿਲਮ ਦੇ ਨਾਮ 'ਤੇ ਅਜੇ ਤਕ ਕੋਈ ਖੁਲਾਸਾ ਨਹੀਂ ਹੋਇਆ ਪਰ ਰਿਪੋਰਟ ਮੁਤਾਬਕ ਸ਼੍ਰੀਦੇਵੀ ਦੀ ਇਸ ਫਿਲਮ ਦੇ ਪ੍ਰੋਡਿਊਸਰ ਦੱਖਣ ਭਾਰਤੀ ਸੀ ਅਤੇ ਇਨ੍ਹਾਂ ਦਾ ਡਾਇਰੈਕਸ਼ਨ ਬਾਲੀਵੁੱਡ ਦੇ ਡਾਇਰੈਕਟਰ ਨੇ ਕੀਤਾ ਸੀ। ਹੁਣ ਮੂਵੀ ਦੇ ਰਾਈਟਸ ਖਰੀਦਣ ਨੂੰ ਲੈ ਕੇ ਗੱਲਬਾਤ ਚੱਲ ਰਹੀ ਹੈ।
ਸੂਤਰਾਂ ਮੁਤਾਬਕ ਇਸ ਪ੍ਰਾਜੈਕਟ ਲਈ ਦੀਪਿਕਾ ਪਾਦੂਕੋਣ ਮੇਕਰਸ ਦੀ ਪਹਿਲੀ ਪਸੰਦ ਹੈ। ਫਿਲਮ ਇੰਡਸਟ੍ਰੀ ਦੀ ਪਹਿਲੀ ਫੀਮੇਲ ਸੁਪਰਸਟਾਰ ਦੀ ਫਿਲਮ ਦੇ ਰੀਮੇਕ 'ਚ ਦੀਪਿਕਾ ਪਾਦੂਕੋਣ ਨੂੰ ਦੇਖਣਾ ਫੈਂਨਸ ਲਈ ਕਿਸੇ ਟ੍ਰੀਟ ਤੋਂ ਘੱਟ ਨਹੀਂ ਹੋਵੇਗਾ।ਇਸ ਤੋਂ ਇਲਾਵਾ ਦੀਪਿਕਾ ਪਾਦੂਕੋਣ ਦੇ ਫਿਲਮ ਸਾਈਨ ਨਾ ਕਰਨ ਦੀ ਵਜ੍ਹਾ ਉਨ੍ਹਾਂ ਦਾ ਰਣਵੀਰ ਸਿੰਘ ਨਾਲ ਵਿਆਹ ਵੀ ਦੱਸਿਆ ਜਾ ਰਿਹਾ ਹੈ। ਚਰਚਾ ਹੈ ਕਿ ਦੋਵੇਂ ਇਸ ਸਾਲ 10 ਨਵੰਬਰ ਨੂੰ ਇਟਲੀ 'ਚ ਵਿਆਹ ਕਰਨਗੇ।