ਮੁੰਬਈ (ਬਿਊਰੋ)- ਸ਼ਨੀਵਾਰ ਨੂੰ ਇਕ ਵਾਰ ਫਿਰ ਤੋਂ ਦੀਪਿਕਾ ਪਾਦੁਕੋਣ ਤੇ ਰਣਵੀਰ ਸਿੰਘ ਦੇ ਵਿਆਹ ਦਾ ਜ਼ਬਰਦਸਤ ਅੰਦਾਜ਼ 'ਚ ਜਸ਼ਨ ਮਨਾਇਆ ਗਿਆ। ਇਟਲੀ 'ਚ ਵਿਆਹ ਤੇ ਬੈਂਗਲੁਰੂ 'ਚ ਰਿਸ਼ੈਪਸ਼ਨ ਤੋਂ ਬਾਅਦ ਰਣਵੀਰ ਸਿੰਘ ਦੀ ਭੈਣ ਰਿਤਿਕਾ ਭਵਨਾਨੀ ਨੇ ਆਪਣੇ ਭਰਾ-ਭਾਬੀ ਲਈ ਮੁੰਬਈ ਦੇ ਹਯਾਤ ਹੋਟਲ 'ਚ ਵੈਡਿੰਗ ਪਾਰਟੀ ਦਾ ਆਯੋਜਨ ਕੀਤਾ।
ਇਸ ਪਾਰਟੀ ਦੀਆਂ ਕਈ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਰਣਵੀਰ ਤੇ ਦੀਪਿਕਾ ਇਕ-ਦੂਜੇ ਨਾਲ ਡੀ. ਜੇ. ਫਲੋਰ 'ਤੇ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ। ਪਾਰਟੀ 'ਚ ਜਿੱਥੇ ਰਣਵੀਰ ਦਾ ਸ਼ਾਹੀ ਅੰਦਾਜ਼ ਨਜ਼ਰ ਆਇਆ, ਉੱਥੇ ਹੀ ਦੀਪਿਕਾ ਲਹਿੰਗੇ 'ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ।
ਪਾਰਟੀ 'ਚ ਫਲੋਰ ਤੇ ਸਿਰਫ ਰਣਵੀਰ ਤੇ ਦੀਪਿਕਾ ਹੀ ਆਪਣੇ ਅੰਦਾਜ਼ 'ਚ ਧਮਾਲਾਂ ਪਾਉੁਂਦੇ ਦਿਖਾਈ ਦਿੱਤੇ। ਵਿਆਹ ਤੋਂ ਬਾਅਦ ਦੀਪਿਕਾ ਦੀਆਂ ਇਹ ਪਹਿਲੀਆਂ ਤਸਵੀਰਾਂ ਹਨ, ਜਿਸ 'ਚ ਰਣਵੀਰ ਨਾਲ ਉਹ ਡਾਂਸ ਫਲੋਰ 'ਤੇ ਧਮਾਲਾਂ ਪਾਉਂਦੀ ਦਿਖਾਈ ਦੇ ਰਹੀ ਹੈ।
ਦੱਸਣਯੋਗ ਹੈ ਕਿ ਮੁੰਬਈ ਦੇ ਹਯਾਤ ਹੋਟਲ 'ਚ ਇਸ ਜੋੜੇ ਦੇ ਸਵਾਗਤ ਲਈ ਖੂਬ ਤਿਆਰੀਆਂ ਕੀਤੀਆਂ ਗਈਆਂ। 'ਦੀਪਵੀਰ' ਦੀ ਇਸ ਪਾਰਟੀ 'ਚ ਪਰਿਵਾਰਕ ਤੇ ਕਰੀਬੀ ਮੈਬਰ ਹੀ ਸ਼ਾਮਲ ਹਨ।