ਨਵੀਂ ਦਿੱਲੀ (ਬਿਊਰੋ)— ਮਸ਼ਹੂਰ ਹਾਲੀਵੁੱਡ ਗਾਇਕਾ ਡੇਮੀ ਲੋਵਾਟੋ ਨੂੰ ਡਰੱਗ ਦੇ ਓਵਰਡੋਜ਼ ਤੋਂ ਬਾਅਦ ਹਸਪਤਾਲ 'ਚ ਦਾਖਲ ਕਰਾਇਆ ਗਿਆ। ਇਕ ਵੈਬਸਾਈਟ ਦੇ ਹਵਾਲੇ ਤੋਂ ਦੱਸਿਆ ਗਿਆ ਕਿ ਡੇਮੀ ਨੇ ਹੇਰੋਇਨ ਦਾ ਓਵਰਡੋਜ਼ ਲੈ ਲਿਆ ਪਰ ਉਨ੍ਹਾਂ ਦੇ ਦੇ ਨਜ਼ਦੀਕੀ ਸੂਤਰ ਨੇ ਇਸ ਦਾ ਖੰਡਨ ਕੀਤਾ ਹੈ।
ਲੋਵਾਟੋ ਨੇ ਸੋਮਵਾਰ ਰਾਤ ਨੂੰ ਵੇਸਟ ਹਾਲੀਵੁੱਡ 'ਚ ਆਪਣੇ ਦੋਸਤ ਦੇ ਜਨਮਦਿਨ ਦਾ ਜਸ਼ਨ ਮਨਾਇਆ ਸੀ ਅਤੇ ਪਾਰਟੀ ਦੀਆਂ ਤਸਵੀਰਾਂ ਵੀ ਇੰਸਟਾਗਰਾਮ ਤੇ ਸ਼ੇਅਰ ਕੀਤੀਆਂ ਸਨ, ਜਿਸ 'ਚ ਉਹ ਦੋਸਤਾਂ ਨਾਲ ਬੇਹੱਦ ਖੁਸ਼ ਨਜ਼ਰ ਆ ਰਹੀ ਹੈ। ਸੂਤਰਾਂ ਮੁਤਾਬਕ ਲੋਵਾਟੋ ਨੂੰ ਮੰਗਲਵਾਰ ਉਨ੍ਹਾਂ ਦੇ ਘਰੋਂ ਐਂਬੂਲੈਂਸ ਤੋਂ ਹਸਪਤਾਲ ਲਿਜਾਇਆ ਗਿਆ ਅਤੇ ਫਿਲਹਾਲ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ।
ਪ੍ਰਿਯੋਕਾ ਚੋਪੜਾ ਨੇ ਕੀਤੀ ਠੀਕ ਹੋਣ ਦੀ ਦੁਆ
ਪ੍ਰਿਯੰਕਾ ਚੋਪੜਾ ਨੇ ਗਾਇਕਾ ਡੇਮੀ ਲੋਵਾਟੋ ਦੇ ਜਲਦ ਠੀਕ ਹੋਣ ਦੀ ਕਾਮਨਾ ਕੀਤੀ ਹੈ। ਡੇਮੀ ਨੂੰ ਡਰੱਗ ਓਵਰਡੋਜ਼ ਤੋਂ ਬਾਅਦ ਹਸਪਤਾਲ 'ਚ ਦਾਖਲ ਕਰਾਇਆ ਗਿਆ। ਪ੍ਰਿਯੰਕਾ ਨੇ ਬੁੱਧਵਾਰ ਨੂੰ ਟਵੀਟ ਕਰ ਕੇ ਕਿਹਾ, ''ਡੇਮੀ ਲੋਵਾਟੋ ਨੂੰ ਹਿੰਮਤ ਅਤੇ ਪਿਆਰ। ਡੇਮੀ ਲਈ ਪ੍ਰਾਥਣਾ ਕਰੋ।''
ਪ੍ਰਿਯੰਕਾ ਦੇ ਕਥਿਤ ਪ੍ਰੇਮੀ ਅਤੇ ਗਾਇਕ ਨਿਕ ਜੋਨਸ ਨੇ ਡੇਮੀ ਨੂੰ 'ਫਾਈਟਰ' ਕਹਿ ਕੇ ਸੰਬੋਧਿਤ ਕੀਤਾ। ਨਿਕ ਨੇ ਟਵੀਟ ਕਰਕੇ ਕਿਹਾ, ''ਡੇਮੀ ਬਾਰੇ ਸੁਣਿਆ। ਅਸੀਂ ਸਾਰੇ ਉਨ੍ਹਾਂ ਨੂੰ ਪਿਆਰ ਕਰਦੇ ਹਾਂ ਅਤੇ ਉਨ੍ਹਾਂ ਦੇ ਜਲਦ ਠੀਕ ਹੋਣ ਦੀ ਦੁਆ ਕਰ ਰਹੇ ਹਾਂ। ਉਹ ਫਾਈਟਰ ਹੈ। ਡੇਮੀ ਲਈ ਪ੍ਰਾਰਥਣਾ ਕਰੋ।''