ਮੁੰਬਈ(ਬਿਊਰੋ)— ਪੰਜਾਬ ਤੋਂ ਮਸ਼ਹੂਰ ਫਿਲਮੀ ਸਿਤਾਰੇ ਧਰਮਿੰਦਰ ਬਾਰੇ ਇਹ ਗੱਲ ਮਸ਼ਹੂਰ ਹੈ ਕਿ ਉਨ੍ਹਾਂ ਨੂੰ ਜਦੋਂ ਵੀ ਸਮਾਂ ਮਿਲਦਾ ਹੈ, ਆਪਣੇ ਫਾਰਮ ਹਾਊਸ ਜਾ ਕੇ ਬਿਤਾਉਂਦੇ ਹਨ। ਧਰਮਿੰਦਰ ਨੇ ਆਪਣੇ ਖੇਤਾਂ 'ਚ ਜਿੱਥੇ ਪਸ਼ੂ ਰੱਖੇ ਹੋਏ ਹਨ, ਉੱਥੇ ਹੀ ਉਹ ਆਰਗੈਨਿਕ ਸਬਜ਼ੀਆਂ ਵੀ ਉਗਾਉਂਦੇ ਹਨ, ਹਾਲ ਹੀ 'ਚ ਧਰਮਿੰਦਰ ਨੇ ਆਪਣੀ ਧੀ ਈਸ਼ਾ ਦਿਓਲ ਨੂੰ ਖੇਤ 'ਚੋਂ ਤਾਜ਼ੀਆਂ ਆਰਗੈਨਿਕ ਸਬਜ਼ੀਆਂ ਭੇਜੀਆਂ ਹਨ।
ਈਸ਼ਾ ਨੇ ਵੀ ਪਿਤਾ ਦੇ ਖੇਤਾਂ 'ਚੋਂ ਆਈਆਂ ਸਬਜ਼ੀਆਂ ਨਾਲ ਤਸਵੀਰ ਕਲਿਕ ਕਰਕੇ ਆਪਣੇ ਇੰਸਟਾਗ੍ਰਾਮ 'ਤੇ ਸਾਂਝੀ ਕੀਤੀ ਹੈ। ਨਾਲ ਹੀ ਉਨ੍ਹਾਂ ਨੇ ਇਸ ਤਸਵੀਰ ਨਾਲ ਖਾਸ ਕੈਪਸ਼ਨ ਲਿਖਿਆ ਹੈ। ਈਸ਼ਾ ਨੇ ਲਿਖਿਆ ਹੈ,''ਪਾਪਾ ਨੇ ਖੇਤਾਂ 'ਚੋਂ ਤਾਜ਼ੀਆਂ ਸਬਜ਼ੀਆਂ ਭੇਜੀਆਂ ਹਨ, ਖਾਣ ਜਾ ਰਹੀ ਹਾਂ। ਸਿੱਧੀਆਂ ਖੇਤਾਂ 'ਚੋਂ ਆਈਆਂ ਹਨ, ਜੋ ਕਿਸੇ ਆਸ਼ੀਰਵਾਦ ਤੋਂ ਘੱਟ ਨਹੀਂ ਹੈ।''
ਈਸ਼ਾ ਅਤੇ ਧਰਮਿੰਦਰ ਦੇ ਫੈਨਜ਼ ਇਸ ਤਸਵੀਰ ਨੂੰ ਕਾਪੀ ਪਸੰਦ ਕਰ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਈਸ਼ਾ ਇਨ੍ਹੀਂ ਦਿਨੀਂ ਗਰਭਵਤੀ ਹੈ ਅਤੇ ਉਹ ਦੂਜੇ ਬੱਚੇ ਨੂੰ ਜਨਮ ਦੇਣ ਵਾਲੀ ਹੈ।