ਜਲੰਧਰ(ਬਿਊਰੋ)— ਬਾਲੀਵੁੱਡ ਦੇ ਹੀ ਮੈਨ ਧਰਮਿੰਦਰ ਜੋ ਅੱਜ-ਕਲ ਆਪਣੇ ਫਾਰਮ ਹਾਊਸ 'ਤੇ ਕੁਦਰਤ 'ਚ ਸਮਾਂ ਬਿਤਾ ਰਹੇ ਹਨ ਪਰ ਇਸ ਦੇ ਚਲਦਿਆਂ ਸ਼ੋਸ਼ਲ ਮੀਡੀਆ 'ਤੇ ਪੂਰੀ ਤਰਾਂ ਸਰਗਰਮ ਵੀ ਰਹਿੰਦੇ ਹਨ ਅਤੇ ਨਵੀਆਂ ਪੁਰਾਣੀਆਂ ਯਾਦਾਂ ਨਾਲ ਆਪਣੇ ਫੈਨਜ਼ ਨਾਲ ਜੁੜੇ ਵੀ ਰਹਿੰਦੇ ਹਨ। ਉਨ੍ਹਾਂ ਨੇ ਕਈ ਸਾਲ ਪਹਿਲਾਂ ਬਣੀ ਬੌਬੀ ਦਿਓਲ ਨਾਲ ਆਪਣੀ ਇਕ ਸ਼ੌਰਟ ਫਿਲਮ ਦੇ ਕੁਝ ਕਲਿਪ ਸਾਂਝੇ ਕੀਤੇ ਹਨ।
ਇਸ 'ਚ ਬੌਬੀ ਦਿਓਲ ਦੀਆਂ ਬਚਪਨ ਦੀਆਂ ਝਲਕੀਆਂ ਅਤੇ ਧਰਮਿੰਦਰ ਦੀਆਂ ਜਵਾਨੀ ਵੇਲੇ ਦੇ ਦ੍ਰਿਸ਼ ਬੜੇ ਹੀ ਸ਼ਾਨਦਾਰ ਨਜ਼ਰ ਆ ਰਹੇ ਹਨ।ਧਰਮਿੰਦਰ ਨੇ ਇਕ ਕੈਪਸ਼ਨ 'ਚ ਲਿਖਿਆ ਹੈ ਕਿ ਹਮਾਰਾ ਧਰਮ, ਮੈਂ ਇਹ ਸ਼ੌਰਟ ਫਿਲਮ ਕੀਤੀ ਸੀ, ਸ਼ਾਇਦ ਆਪਣੀ ਜਾਂ ਆਪਣੇ ਦੋਸਤ ਦੀ ਮਦਦ ਲਈ। ਉਨ੍ਹਾਂ ਦਿਨਾਂ 'ਚ ਇਸ ਫਿਲਮ ਨੂੰ ਲੈ ਕੇ ਲੋਕਾਂ 'ਚ ਕਾਫੀ ਉਤਸ਼ਾਹ ਸੀ।
ਇਕ ਘੰਟਾ ਕੁਝ ਮਿੰਟਾ ਦੀ ਇਸ ਫਿਲਮ 'ਚ ਤੁਹਾਡੇ ਲਈ ਕੁਝ ਝਲਕੀਆਂ। ਇਸ ਤੋਂ ਪਹਿਲਾਂ ਵੀ ਧਰਮਿੰਦਰ ਆਪਣੇ ਫਾਰਮ ਹਾਊਸ 'ਚ ਖੇਤੀ ਕਰਦੇ ਅਤੇ ਖੇਤੀ ਦੇ ਕਈ ਗੁਣ ਦੱਸਦੇ ਹੋਏ ਵੀ ਵੀਡੀਓ ਸਾਂਝੀਆਂ ਕਰ ਚੁੱਕੇ ਹਨ। ਉਨ੍ਹਾਂ ਦੀਆਂ ਇਨ੍ਹਾਂ ਵੀਡੀਓਜ਼ ਨੂੰ ਇਕ ਵਾਰ ਫਿਰ ਦਰਸ਼ਕਾਂ ਵੱਲੋਂ ਦੇਖ ਤਾਰੀਫਾਂ ਕੀਤੀਆਂ ਜਾ ਰਹੀਆਂ ਹਨ।